Niifharistuseri sindicale tru România
Sindicatele ditu ma multi sectoare ditu România ndregu năi acțiuni, tră sfacă timbihi ti căftărli a lor
Leyla Cheamil, 02.02.2023, 14:23
Tu kirolu anda să scunki energia electrică și combustibilli și tru contextul di creaștiri a phadzloru la alimente, anlu 2023 aduţ năi protesti sindicale tru România. Lucrătorlli ditu sistemul di nvătământu işiră pi geadei, tra s’facă timbihi nica nă oară ti căftărli a loru. Federaţiile ditu educaţie pichetară, ñiercuri, sediul a Guvernului, tră s’caftă tinii di cafi mesu tiñisiti, maxus tră personalu nididactic. Uidisitu cu reprezentanţălli a organizaţiilor sindicale, personalul nedidactic easti goala categorie di bugetari cari, niti tru anlu 2023, nu agiumsi pi nivelu a tiñiiloru di bază pruvidzuti di nomu. Tiñiili di cafi mesu a personalului nididactic easti anamisa di 1.800 şi 2.300 di lei, iara criştearea ali inflaţie, cari fu di 16,4% tru meslu andreu a anlui tricut, concomitent cu criştearea a păhadzloru la produsele di bază şi la utilităţ dusiră la creastirea a gradlui di ftuhie. Sindicaliştilli spun că şi tiñiili di cafi mesu a profesorilor suntu nimotivante şi caftă adoptarea a unui act normativ cari s’repoziţioneadzăe lucrătorlli ditu nviţământ tru ieararhia a funcţiilor bugetare tru raport cu nivelul di calificari profesională şi importanţa pi cari societatea lipseaşti s-u da ti educaţie.
Tru idyiulu kir, Federaţia a Sindicatelor Libere ditu Nvăţământ, Federaţia a Sindicatelor ditu Educaţie “Spiru Haretˮ şi Federaţia Naţională Sindicală “Alma Materˮ fac timbihi ti un lucru nevralgic ditu nvățământu. “…di itia a tiniiloru multu ñîţ ditu sistemul educaţional nă confruntăm cu ună ixiki cabaia mari di cadri didactice calificate — multu pţăñi tineri aleg s’profeseadză tru sistemul di nvăţământ, iar atelli aflaţi la bitisită di carieră aleg s-iasă la pensie. Tutunăoară, tru añilli ditu soni, s-agiumsi la ună catandisi lăhtăroasă: ari ună creaştere alarmantă a numirului di cadre didactiţi nicalificate ditu unităţli di nvăţământu, tru loc ca numirlu aluştoru să scadă anualˮ, semnaleadză sindicaliştilli tru un comunicat. Tu arada a llei, Fedearaţia Sanitas va s’ahurhească, pi di şcurtu, pichetarea Guvernului, kiro di ună stămănă ş-cama. Căftărli a sindicaliştilor suntu multi, ama, di urgenţă, vor ca guvernanţăllii să s-apleacă ti ndridzearea a ni ma ptănu dauă. Elli caftă anvălearea ali inflaţiei pritu creastirea a veniturilor tutulor salariaţilor cu nai puțăn 15% di la 1 di şcurtu şi consultarea a sindicatelor tru elaborarea yinitorlui nomu a salarizarillei, tra s’nu aibă idyili diferenţe discriminatorii anamisa di yeaţră, asistenţă şi infirmiere ică ñicurări di venituri.
Di altă parte, tru yinaru, Federaţia Sindicatelor ditu Silvicultură Silva ndreapsi, dinintea a guvernului, un miting tră ascăparea di la xinitipsirea a pădurilor, proprietate publică a statlui. Silvicultollii işiră pi geadei tra s’mută cap andicra fi proiectu di nomu ti cari spun că da izini ti privatizarea pădurilor a statlui. Tru apandisi, Guvernul spusi că nu easti zborlu ti privatizarea a pădurilor, că maş ti ună inițiativă legislativă cari mutreaşti guvernanța corporativă, obiectiv asumat pritu PNRR.
Autoru: Leyla Cheamil
Armânipsearia: Taşcu Lala
