Nică ună jgllioată pănu di exploatarea-a gazilor ditu Amarea Lae
Executivlu român feaţi ună nauă jgllioată tru arada a gaereţloru tră exploatarea gazelor naturale di la Amarea Lae ditu perimetrulu Neptun Diep.
Corina Cristea, 17.03.2023, 14:17
Ună nauă jgllioată di simasie tră exploatarea di către România a gazelor naturale ditu perimetrul Neptun Diep, ditu Amarea Lae, fu faptă gioi, unăoară cu simnarea-a declaraţillei ţeremoniale di către Transgaz, OMV-Petrom şi Romgaz mutrinda simnarea a contractilor di transport a gazelor naturale, hăbărisi ministrul Energiillei, Virgil Popescu. Contractul easti angajamentul susto tră dizvultarea unui gazoductu anamisa di localităţile Tuzla şi Podişor, spusi și premierul Nicolae Ciucă “Documentul ţi tamamu fu vulusitu ari tu videală s’adară ună conductă ti purtari gaze naturale pi direcţia Tuzla-Podişor, cu ună lundzimi di pisti 300 di km. Luyursită la 500 di milioane di euro, aestă investiţie va s’facă di căbuli ca tru nodlu tehnologic di la Podişor gazele ditu Amarea Lae s’intră tru sistemul naţional di transport şi s’agiungă, ase, la opearatorlli economiă şi la nicukiratili ditu localităţli racordate la sistem.”
Premierlu nica spusi că ună altă hăirir a aluştui proiect easti ligătura pi cari va u facă anamisa di sursele noi di gaze naturale ditu coridorul transbalcanic şi coridorul vertical ditu cari faţi parte şi conducta BRUA, cari leagă tută regiunea Bulgaria, România, Ungaria şi Austria. Simfunu cu unu comunicat al Transgaz, crearea a unei infrastructuri di transport cari s’facă ligătura anamisa di gazile naturale disponibile la ţărmul ali Amarea Lae şi coridorlu BRUA reprezintă un proiect di importanţă ahoryea tră România tru aţea ţi mutreaşti securitatea energetică, iara semnarea alustor contracte reprezintă condiţia prinţipală tră dizvoltarea aliste infrastructuri.
“Himu dinintea a unlui moment istoric tră securitatea energetică regională şi tră aţea ali României. După bitisearea cu succes a gazoductului BRUA-faza 1, după bitisearea cu succes a gazoductului Ungheni-Chişinău, după bitisearea lucrărilor cari da cali ti transportul internaţional a gazelor naturale tru regim di reverse-flow la tute punctele di interconectare şi după ahurhearea a exploatarillei gazelor di la Amarea Lae ditu perimetrele di ñică ahăndusimi, tora himu la linia di nkisită a gazoductului Tuzla-Podişor, gazoductu cari va s’da izini ca gazele naturale exploatate di cătră OMV Petrom şi Romgaz ditu Amarea Lae s’agiungă tru Sistemul Naţional di Transport şi, neise, tru cathi localitate ditu România cari ari acces la reţeaua di gaze naturale”, declară directorul general al Transgaz, Ion Sterian.
Romgaz cundille că “simnarea contractului easti una ditu condiţiile ţi suntu ananghi ti implementarea a investiţiilor offshore şi a aţiloru cari mutrescu dizvultarea infrastructurăllei di transport anănghisită tră priloarea a gazilor ditu perimetrul Neptun Diep”. “Minduim că Amarea Lae ari un potenţial semnificativ tră producţia di gaze naturale, iara Neptun Diep easti un proiect strategic tră OMV Petrom şi tră România. Easti tru ţentrul ali Strategie a noastră 2030 şi va s’aibă un rol esenţial tră securitatea energetică ali Românie. Plănuim apofasea di bitisită ti investiţie tră giumitatea anlui 2023, producţia hiinda tu planu s’ahurhească tru anlu 2027”, cundille și OMV Petrom.
Autoru: Corina Cristea
Armânipsearia: Taşcu Lala
