Naeţ di plafonare a păhadzloru la energie
Naua schemă di agiutor tră plata facturlor la energie electrică şi gaze naturale pregătită di executivlu român va sbagă tu practico până la 1 apriliu 2023.
Corina Cristea, 15.03.2022, 19:39
Cu scupolu ta s’ñicureadza presiea băgată di facturile mări la energie electrică și gaze naturale, Guvernul di București ari umuti s’adoptă tru aestă stămână năi misuri di agiutoru, cari va s’hiba aprobate pritu ordonanță di urgență. Apofasea s’lo tu condițiile tru cari maş până la 1 apriliu sunt tru practico misurle loate di Executiv tru agiutorlu a populațiillei și a firmelor și cari s’baga tu lucru tu meslu brumaru. Ministrul energiilei, Virgil Popescu spune că misurli pripuse fura zburati cu reprezentanţii Autoritatillei di Reglementare tru Energie, ama şi cu furnizorllii şi distribuitorllii
“Aştiptăm di la Autoritatea di Reglementare s’integrăm tru ordonanţa di urgenţă niscanti lucri cari spunu ti tarifele di reglementare, diapoa finalizăm consultarea cu tuţ actorllii ditu piaţă, diapoa vrem s’aprobăm aestă ordonanţă di urgenţă, atea turlie că, ahurhinda cu 1 apriliu, s’avem tru lucru noua schemă di agiutor.”
Ceareili a Executivului, prezentate luni di premierul Nicolae Ciucă, includu plafonări şi compensări a păhadzloru la aesti utilităţ. Plafoanili la energie electrică şi gaze naturale va s’ahiba bagati tu lucru kiro di an di dzali, cundille prim-ministrul, atea ţi va s’da a cetăţenilor şi a mediului di afaceri una stabilitate a păhadzloru, cu tiñisearea a piaţăllei libere
“La electricitate – tră muştiradzlli casniţ – apufusimu bagarea tu lucru a unui paha social di 0,68 lei per kilowatt, cu TVA inclus, tră nicukiratili cu un consum tru mesu până tru 100 di kilowaţi. Alti nicukirati cari au un consum tru mesu di energie electrică anamisa di 100 şi 300 di kilowaţi va s’aiba pahalu di 0,8 lei per kilowatt, cu TVA inclus. Muştiradzlli casniţ cari va s’aiba un consum anual di până la 1.200 di metri cubi va s’aiba unu paha di 0,31 lei per kilowatt.”
La 14,5 miliardi di lei (circa 3 miliardi di euro) easte estimat impactul a misurlor di agiutoru tră consumatorllii casniţ şi noncasniţ, până la bitisita a aluştui an. Una isapi a Asociaţiei Energia Inteligentă aduţi aminti că România easti una di ateali trei văsilii ditu Europa cari ufili plafonarea ca misură di agiutoru. Plafonarea s-feaţi, ama, la un păhă mai mare dicât păhăul pieței, tru speţă la un păhă di 1,7 ori ma mare, ase că misurli di agiutoru ditu România suntu nai ma ptanu hairlatiti ditu văsiliile Uniunillei – easti concluzia analizăllei. Suportul tră populaţie easti nica şi ma puţăn semnificativ ma s’acaţamu tu isapi că România easti a daua vasilie ditu UE tru ligatură cu impactului negativ a facturilor la energie tru bugetul familiillei — diplo andicra di media europeană tru anul 2022, nica sa spuni tru documentul Asociaţiei Energia Inteligentă.
Autor: Corina Cristea
Armânipsearia: Taşcu Lala
