Muabeţ ti catandisea di securitate tru Estul a Europăllei
Prezidentulu Klasu Iohannis avu muabeti cu ministrul francez ali Apărari ti catandisea di securitate regională după invazia ditu Ucraina.
Newsroom, 07.03.2022, 10:11
Prezidentulu a Româniillei, Klaus Iohannis, avu ună andamasi cu ministrul a Forților Armate ditu Franța, Florence Parly. Aţelli doi oficiali feaţiră muabeti di hala greauă di securitate regionale, di itia aputrusearillei fuviroasă Fedirațillei Ruse contra Ucrainăllei, cu accent pi apofasili adoptate la nivelu NATO tră anvărtuşearea posturăllei aliate di discurajare și apărare pe Flancul Estic, maxusu tru regiunea Amarea Lae.
“Prezidintulu Klaus Iohannis salută misurle consistente și prompte aliate mutrinda suplimentarea a forțelor NATO pe Flancul Estic, inclusiv tru România, activarea a Planurlor di apărare și dizvărtearea, tru premieră, a Forței NATO di Apandisi, ca parte a apărarillei colective tru văsilia noastră”, dimăndă Administrația Prezidințială.
Șeful statului haristusi tră angajamentul babageanu și iruşi a Franțăllei tră anvărtuşearea-a apărarillei colective tru văsilia noastră, prin dislocarea a Batalionlui Spearhead”, și asumarea a statutlui di națiune-cadru tră Gruplu di Alumtă cari va s’hibă thimilliusitu tru România.
Prezidintulu a Româniillei năpoi cundille agiutorlu a văsiliillei a noastre tră suvearanitatea și integritatea teritorială ali Ucraină.
“Tutunăoară, Prezidintulu Klaus Iohannis haristusi ti Vinita-a militarlor francezi tru cadrul comandamentelor NATO di pe teritoriul țării noastre, precum și participarea constantă a militarilor francezi la activităț comune cu forțele române tru domeniile terestru, aerian și maritim”, nica dimăndă izvurlu di hăbări aleptu.
Tu arada a llei, Florence Parly alăvdă contribuția substanțială a Româniillei tru actualu context di securitate, emu pi palierul asistențăllei umanitare tră Ucraina, emu pi aţelu securitar, pritu angajamentul ferm și consistent a văsiliillei a noastre tru gaereţli NATO di anvărtuşeari a posturăllei di discurajare și apărare pe Flancul Estic, maxusu tru regiunea Amarea Lae.
Autor: Udălu a Hăbărloru
Armânipsearia: Taşcu Lala
