Hăbări ditu bana românească şi internaţională
Andamasea extraordinară a miniștrilor apărarillei tru format B9, pritu vidioconferință
Mariana Chiriță, 25.02.2022, 08:53
Ministurlu Apărarillei Naţionale, Vasile Dăncu, u co-prezidă andamasea extraordinară a miniştrilor apărarillei tru Format B9 tru contextul agresiunillei armate a Rusiillei contra ali Ucraină.
Ministurlu Apărarillei Naţionale, Vasile Dăncu, u co-prezidă, gioi, deadunu cu omologlul polon, Mariusz Blaszczak, şi cu participarea a secretarlui apărarillei a Statelor Unite ale Americii, Lloyd J. Austin III, andamasea extraordinară a miniştrilor apărarillei tru Format Bucureşti 9 (B9), organizată, pritu vidioconferinţă, tru contextul agresiunillei armate a Fedearaţillei Ruse contra suvearanitatillei şi integritatillei teritoriale ali Ucraina, informeadză MApN.
“Andamasea fu ună bună oportunitate a coordonarillei poziţiilor oficiale, ninte di Summitul NATO şi Summitul B9, planificate să s’dizvărtească vineri, 25 şcurtu, la nivelul şefilor di stat şi guvern. Tru cadrul intervenţiei a lui, ministurlu român a apărarillei condamnă tru zboară serti agresiunea tru disvărteare a Rusiei contra Ucrainei, menţionânda că atitudituea a Rusiillei easti ună călcari flagrantă şi inacceptabilă a ndreptului internaţional şi a tutulor angajamentelor ţi ş-lo Moscova, nica şi andicra di indipendinţa şi integritatea teritorială a Ucrainei tru sinurli pricunuscute la nivel internaţional”, relateadză izvurlu aleptu…
Demnitarul român cundille importanţa untatillei şi solidarittatillei tru cadrul Alianţei Nord-Atlantice tora ma multu ca vărnăoară şi salută misurile di tu soni adoptate la nivelul Alianţăllei tru videala a anvartuşearillei catastisea di discurajare şi apărare pi tutu Flanculu Estic al NATO. Ministurlu Vasile Dăncu dimanda andrupamintulu panu di mardzina tră implementarea şi băgarea tu lucru a misurilor adoptate di NATO şi informă miniştrilli apărarillei B9 şi SUA di unu şingiru di misuri adoptate la nivel naţional, tră băgarea tu practico a diciziilor aliate mutrinda planurile di apărare şi contribuţia la Forţa di Răspuns a NATO. Ministurlu român a Apărarillei u spusi, tutunăoară minduita că România easti pregătită tră managementula daslgăllei di arifugaţ.
Autoru: Mariana Chiriţă
Armânipsearea: Taşcu Lala
