Găilipserli a româñilor
Giumitate ditu populația ali Românie saspari nai ma multu di inflație și un proţentu multu ma ñicu di criza energetică, alimentară și di criștearea a ratelor la bănţă.
Daniela Budu, 31.08.2022, 15:17
Două cirecuri ditu româñi minduescu că tru kirolu ţi yini va s’yină ună criză economică cabaia mari, iara aesta easti prota furñie di găilipseari tru aestă perioadă, spunu rezultatili a unlui unui sondaj faptu di compania di cercetare sociologică Avangarde tru dzălili ditu soni a aluştui mesu. Maş 3% ditu româñi mindueescu că nu va s’yină criza economică. Uidisitu cu sondajlu, prinţipalele furñii di găilipseari a româñilor sunt inflația, criza energetică provocată di Rusia, criza alimentară și tru un proţenu ma ñicu criștearea a ratilor la bănţă. Tu ţi mutreaşti inflația, giumitate ditu atelli ntribaţ spusiră că suntu găilipsiţ di creastirea aliştei. Sondajlu spuni că dauă cirecuri ditu români apufusiră s’tragă mănă di la ma multi lucri tra s’ţănă keptu a dalgăllei di scunkiri. Aproapea un român ditu doi spuni că ancupără ma pţăni alimente şi 14% ditu aţelli ntribaţ declară că trapsiră mănă tra s’ancupără strañi. Ari ama și un procent important ditu atelli ntribaţ cari spun că nu ñicurară consumlu – aproapea 20%, iara 10% nu pot s’apreciadză.
După inflaţie, româñilli să spunu găilipsiţ di criza energetică şi di criza alimentară. Mulț ditu aţelli cari au sisteme di ngăldzari pi bază di gaz diclară că acaţă tru isapi s’inveastiască tru surse alternative, di itia a facturilor mări. Tru cazlu ali energie, majoritatea a românilor au investită ică va u facă tru echipamente cari să’lli agiută să scadă consumul. Tru general, tru ţi mutreaşti criza energetică, aproapea 4 români ditu 10 minduescu că Rusia va s’bagă tru dificultate Europa tru aestă iarnă și va s’dănăsească didipu furnizarea di gaze cătră aesta. Ma mulță români sunt cu nădie, ama, și minduescu că lidirlli ali Uniuni va s’află cearei tra s’năstreacă criza energetică cauzată di ună eventuală curmari completă a furnizarillei di gaze. Un cirecu ditu aţelli ntribaţ spun, ama, că nu pot s’minduească cari va s’amintă ditu aestu agiocu. Tru idyiulu kiro, 39% să spunu căndăsiţ că resursele naturale ţi li ari România va u agiută s’nu agiungă pi ună criză energetică la iarnă. Un cirecu ditu aţelli antribaţ nu suntu căndăsiţ di aestu lucru. Di altă parte, sondajul nica spuni că maş 1 român ditu 10 easti găilipsitu di creastirea a ratilor la mpărmuturi.
La capitolul finanţe personale, ma multu di un cirecu ditu români diclară că nu au băgată păradz nanăparti, iar altu cirecu că au economisită ma pțănu ndicra di anlu tricutu. Mult ma pțăñi români spun că economisesc idyea ca tru 2021 ică bagă ma multă păradz nanăparti comparativ cu anlu precedintu. Chestionarlu nica spuni că un cirecu ditu români s’așteaptă ca tiñia a nicukiratiloru va s’crească, un procentu aproapea isa s’armână idyea și multu ma puțăñi români minduescu că tiñiili a nicukiratiloru vas ă scadă. Sondajul Avangardi fu adratu tru kirolu 24 – 30 di agustu, pi un eșantion di 880 di subiecță, intervievaț pritu telefon.
Autoru: Daniela Budu
Armânipsearea: Taşcu Lala
