Evenimenti muzicali di prota thesi
Festivalului Neversea ditu România, luguristu nai ma mari festival di muzică dizvărtitu pi ună plajă ditu Europa, adună 150 di artişti ditu pisti 20 văsilii.
Daniela Budu, 11.07.2022, 18:49
După ani di pandimie, veara aesta vini tră români cu născănti ditu nai ma aștiptate festivaluri muzicale. Un eveniment cari atradzi cafi anu dzăţ di ñilli di persoane la mealu ali amari s-bitisi duminică, după 4 dzăle şi 4 nopţă di discurmari. A patra ediție a Festivalului Neversea, liugursitu nai mari festival di muzică dizvărtitu pi ună plajă ditu Europa, adună 150 di artişti ditu pisti 20 văsilii. Atea ditu soni noapte la Neversea lu avu ncap di afişu rapperlu american TYGA, unu ditu nai cama tru vogă artişti di pisti Ocean. Recitalurli di pe scena prinţipală fură dişcllisi, ca şi tru serli di ma ninti, di un artistu român.
Dilia diznău feaţi spectacol la Neversea idyea cum şi la ediţia di aaoa şi trei ani. Dilia: Multu bună atmosfeara, fu unăă alăxeari multu interesantă di energie anamisa di mini şi oamiñilli adunaţ. Mi arisi multu di multu. Pot să spunu că avui emoţii şi nu tota am emoţii.
Cathi dzuă, cama di 60 di ñilli di fani di tuti ilikiili s’discurmară pe plaja Neversea. Edy Chereji, membru al parei di organizare a festivalului: Neversea easti tru 2022 primlu eveniment după pandimie cari s’dizvărteaşti fără restricţii şi atumţea cadialihea că mirakea a oaminilor easti limbidu că fu multu ma mari, viniră cu cama multă vreari ti discurmari şi amintară anlu aestu trei ediţii tru una singură. DJ Dimitri Vegas & Like Mike feaţiră spectacol, iara DJ-ul german Tujamo bitisi festivalu pe plaja Neversea ditu Constanţa.
S-bitisi şi a XXVI-a ediție a Festivalului Internaţional di Jazz di la Gărâna, ditu judițul Caraș Severin. Kiro di patru dzăli alinară pi scena evenimentului legendi ali muzică jazz ditu România şi xinatati. N4scănţă ditu nai ma buni muzicieni români s-adunară la Romanian Jazz Meeting. Festivalul avu, tru premieră, trei seri didicate jazzului ditu Norvegia, Finlanda și Suedia. Participă şi legendara trupă Soft Machine, aflată tru turneul cari marcheadză 55 di ani di activitate, cum și Charles Lloyd, aflat tru aţelu ditu soni a lui turneu european. Tut cu tut avea 27 di concerte, trei proiecții di film și ună lansare di album.
Tut săptămâna tricută, Filarmonica di Stat Sibiu organiză Concerte estivale. Zilele Muzicale Româno-Americane. Festivalul ş-pripune, di 19 ediții, realizarea pi kirolu di veara a unui şingiru di conţerte speciale cu participare internaţională. Tru spaţii ma multi ică ma puţăn convenţionale, eara părăstisiti lucrări muzicale ditu repertoriul clasic (muzică barocă, valsuri, uverturi) dar şi lucrări inedite (muzică di film, rock simfonic, pop, muzică di divertisment) ditu creaţia compozitorilor români şi străini. Tru aestu an işi tru vidială concertul Sophisticated Lady, susţănut di Bucharest Jazz Orchestra diadunu cu ma mulți soliști români. Și veara continuă cu alti evenimente muzicale catacum Electric Castle, ntră 13-17 alunaru, sau Untold, ntră 4-7 august, dauli tru judițul Cluj, Summer Well, la Buftea, ningă capitală, anamisa di 12-14 august ică Living Rock, la Tuzla, tru giuditul Constanța, anamisa di 19-21 agustu.
Autoru: Daniela Budu
Armânipsearia: Taşcu Lala
