Avioani AWACS la Bucureşti
Avioani NATO cu mehaniili a bărnului ditu soni va sfacă azboiuri di pricunuşteari şi viglleari pi teritoriul ali Românie.
Ştefan Stoica, 18.01.2023, 13:48
Nai ma greauă criză de securitate a dekeniiloru ditu soni, declanşată la sinurli a llei estiţi unăoară cu invazia rusă tru Ucraina, feaţi di căbili că Alianţa Nord-Atlantică s’intră ntrăoară tru un proces di anvărtuşeari consolidare a flancului a llei ditu apirită, ditu cari faţi parti şi România. Pi teritoriul a văsiliillei ari anvărliga di 5000 di militari aliaţi, iara elementele multinaţionale aliate ditu cadrul a Forţăllei di Apandisi NATO, cari eara ninti di conflictu, fură alăxiti tu ună parei di alumtă al NATO, cu Franţa tru rol de naţiune-cadru. Procesul di anvărtuşeari a flancului estic nu s’dănăseaşti aoa.
“Tru condiţiile tru cari polimlu paranomu ali Rusie tru Ucraina continuă s’fuvirsească irinea şi securitatea tru Europa, nu lipseaşti s’aibă niţi ună trădzeari mănă di la catandisea mutrinda apofasea NATO tra protecţie şi ti s’apără cathi centimetru di teritoriu aliat”, sumlinia, tora ma ninti, Alianţa, tru un comunicat tru cari dimanda că va s’pitreacă trei avioani di viglleari AWACS (Airborne Warning and Control System) tru Romania. Aparatili, a curi bază permanentă easti tru Germania, fură arădăpsiti tru ună bază militară aeriană di ningă Bucureşti, deadunu cu 180 di militari specializaţi. Eali va s’opereadză tru misiuni di pricunuşteare şi viglleari a spaţiului estic ali Alianţă. Aparatele au aparatură a bărnului ditu soni tru planu di mehanie, hiinda axi s’aveadă alti alti aeronave la ună distanţă di piste 400 di kilometri. Nu sunt dotate cu armament, hiinda ufilisiti ca posturi de comandă aeriene.
Ti importanţa misiunillei zbură generalul Daniel Petrescu, şeful Statului Major al Apărari: “Ditu şcurtu 2022 aeronavele AWACS executară misiuni di patrulare regulate tru estul a Europăllei şi tru regiunea ali Amarea Baltică. Misiunile comune cari sva s’dizvărtească aoa va s’aducă valoarea adăvgată şi tru planul a creaştirillei coeziunillei anamisa di personalu român şi atelu ali Flota 14 NATO di viglleari, cum şi tru planul interoperabilitatillei.”
“Misiunea AWACS ditu România a militarilor germani easti un semnal important de solidaritate transatlantică şi europeană”, lugurseaşti ambasadorul Peer Gebauer. Uidisitu cu aestu, “comanda aliştei misiuni di cătră generalu de brigadă german Stefan Neumann şi marli contingent german di militari participanţă demonstrează nica ună oară că andrupămu partenerllii a noştri români”. Cu agiutorul aeronavelor de pricunuştere, cundille diplomatul german, s’aduţi ună contribuţie importantă la anvărtuşearea a Flancului sud-estic şi la susţănearea a sistemlui de avertizare timpurie al NATO. Generalu di brigadă Stefan Neumann să spusi impresionat di agiutorlu profesional şi flexibil datu di forţile armate române alistei misiuni, aţea ţi demonstrează, tru opinia lui, cât ghini ucreadză NATO. “Cu agiutorul Airborne Early Warning and Control System, NATO ari la dispoziţie ună capacitate di viglleari aeriană şi maritimă vărtoasă şi flexibilă, nica spusi generalu german.
Autoru: Stefan Stoica
Armânipsearea: Taşcu Lala
