Apofasi di agiutoru tră arifugaţ
Guvernul di Bucureşti aprobă un nău mănuclliu di apofasi tră sagiută arifugaţlli ucraineni aflaţ pi teritoriul a văsiliillei.
Ştefan Stoica, 08.03.2022, 14:49
Partenerlli a Românillei apreciadză unanim turlia tru cari autorităţili di Bucureşti kivernisescu criza arifugaţlor ucraineni. Aproapea 300 di ñilli di oamiñi cari fudziră ditu calea a polimlui nkisitu di Rusia intrară până tora tru România, iar pe teritoriul a văsiliillei ari cama di 80.000 di cetăţeni viniţ ditu Ucraina, ditu cari 30.000 sunt minori. Ti mira a arifugaţlor zburără, luni, Bucureşti, şeflli a diplomaţilor ditu România şi Canada, Bogdan Aurescu şi Mélanie Joly. Aesta haristusi a partillei română tră eforturile di viglleari tuti persoanele ananghisiti s’fuga ditu Ucraina di itia agresiunillei militare ruse, inclusiv pe aţelli 600 di cetăţeni canadieni cari tranzitară teritoriul românesc tru siguranţă.
România va s’da ma largu agiutoru arifugaţlor ucraineni şi cetăţenilor altor state cari yinu ditu Ucraina şi tranziteadză văsiliea, diadi asiguripseri Bogdan Aurescu: “Himu diadunu cu populu ucrainean, cari rezistă cu eroismu. Tru idyiulu kiro, România da agiutoru susţănut arifugaţlor ucraineni, cum şi cetăţenilor statelor terţe şi membrilor misiunilor diplomatiţi, tru vidiala tră evacuari tru siguranţă ditu Ucraina şi tră tranzitarea României. Dimi, piste 70 di state şi două organizaţii internaţionale caftara agiutoru tră cetăţenii a lor, tră misiunile diplomatice xeane, iar România feaţi tutu ţi putu s’facă aţea turlie ca intrarea tru România şi tranzitul alustor, ankisitra cătă văsiliili di origine să s’facă tru siguranţă”.
Guvernul di Bucureşti aprobă un nou mănuclliu di apofasi tră arifugaţ. Tuţ cilimeanilli ucraineni aflaţ pi teritoriul a Româniillei, inclusiv atelli cari nu caftă protecţie uidisitu cu nomlu a azilului, va s’aibă ndreptu la educaţie tru unităţle di nviţământu ditu văsilie tru idyili condiţii cu preşcolarllii şi elevllii români. Elli va s’aibă şi ndreptulu ti cazare gratuită tru internatele şcolare, ndreptu di alocaţie di hrană cum şi ndrept ta s’lă si da rechizite, strañe, ncălţăminte şi manuale. Apofasile adoptate di executiv mutrescu şi persoanele tu ilikie I cu dizabilităţi cari agiumsiră tru România nsuţăte i niansuţăte şi cari pot s’caftă agiutoru serviciilor sociale. Nu dip utu soni, cetăţenii ucraineni cari vor s’lucreadză aoa va s’poată s’facă aestu lucru.
Pachetul aprobat luni di executiv pruveadi şi soluţii tră facilitarea accesului cetăţenilor ucraineni pe pazarea a luicurlui ditu România, aţea turlie că aeşţă s’aibă unu amintaticu ditu lucărlu a loru. Cetăţenii ditu Ucraina va s’aibă posibilitatea să s’angajeadză fără s’aibă ananghi di ună viză di şidaere tru scop di lucru. Executivul aprobă şi unu şingiru di facilităţi tră asociaţiile neguvernamentale cari agiută dzăţli di ñilli di arifugaţi ucraineni. Fu ndreaptă şi posibilitatea ta s’da donaţii tru păradz pritu unu cont dişcllis di Inspectoratul General tră Situaţii di Urgenţă, donaţii cari va s’diducă integral ditu impozit.
Autor: Stefan Stoica
Armânipsearia: Taşcu Lala
