Agiutoru tră arifugaț
România da agiutoru a cetățenilor ucraineni cari sarefugiadză ditu calea a polimlui.
Corina Cristea, 18.03.2022, 12:50
Tru aţeali trei stămâni ţi tricură di anda nkisi polimlu ditu Ucraina viţină, România apruke cama di giumitati di milion di arifugaţ ucraineni, iaraaa exodul continuă. Aproapea 80.000 ditu aești armasiră pe teritoriul naţional, ditu cari 32.000 suntuu cilimeañi. Verificările la yimbruki s’facu fără probleme, iara autorităţile române nu torană năpoi niţi bărbaţlli ucraineni ţi suntuu tu catandisea a Nomlu marţialu apufusitu la elli tu văsilie di itia a invaziilei armatăllei arusă, exighisi ministrul di Interne, Lucian Bodi:
“Tră noi, prioritatea dzero easti aţea tra s’asiguripsimu asistenţă umanitară tră aţeli cari fudziră ditu calea polimlui. Cadialihea că structurile Ministerului di Interne ştiu câţ bărbaţi, câti mulleri, câţ cilimeañi. Tru condiţiile tru cari la sinuru yinu cu documente di călătorie valabile, statul român, poliţia di sinuru nu poate s’interzică intrarea pe teritoriul României, acă suntu bărbaţ pisti 18 ani şi suntu sumu nomlu marţialu. Ştiţi multu ghini că ari şi excepţii, aţelli cari au trei cilimeañ, aţelli cari prezintă documente medicale, ama aestu lucru di verificari easti 100% responsabilitatea statului ucrainean. Responsabilitatea noastră easti ca pe teritoriul României s’nu intră niţiun cetăţean niverificatu.”
Prin punctilidi triţeari a sinurlui continuă s’treacă un mare număr di arifugaţ, cari, agiumţă tru România beneficiază di tot agiutorlu — hrană, cazare, asistență medicală, transport, acces la educație tră copii ică posibilităț di angajare tră aţelli cari caftă aestu lucru. Ună linie telefonică fu bagata la dispoziţia arifugaţlor ucraineni tră s’licşureadză comunicaria cu cadre medicale tru limba lor. Asociaţia “Zi di bine” feaţi di cauli aestu lucru tru parteneriat cu ună companie ţi ndreadzi servicii di telemedicină.
Iara tră kivernisearea a a fluxurilor di arifugaţ, linia feroviaraaă Zorleni – Fălciu – Frontieara cu Republica Moldova năpoi s’dişcllidi, dimanda ministrul Transporturilor, Sorin Grindianu. Ncllisa ditu 2015, aesta traversează arâul Prut şi asigură ligătura directă cu Staţia CF Cantemir, punct feroviaru di sinuru ali Ripublică Moldova. “Duţemu ninti gaereţli concrete tră andruparea persoanelor arifugate ditu Ucraina, cari agiungu tru România pritu sinurlu cu Republica Moldova”, spuni Sorin Grindianu. Ministrul nca spusi ca s’llia tuti misurle ananghisiti tră asigurarea a nascantoru călliuri di tranzit cari s’asigură ligături hairlatiti cu alţă căsăbdz importanţă ditu România ama şi cu Punctele di Trecere a Frontierei cu vasiiili viţini.
Autor: Corina Cristea
Armânipsearia: Taşcu Lala
