10 Mai 2022-Dzua Românitatillei Balcaniţi şi a Independenţăllei ali Românie
Societatea di Cultură Macedo-Română andreadzi tu dzua di 10 di Mai 2022 oara 18.30 la Sala Media a Teatrului Naţional di Bucureşti Dzua Românitatillei Balcaniţi şi a Independenţăllei ali Românie.
Tașcu Lala, 10.05.2022, 13:31
10 MAI 2022
DZUUA A ROMÂNITATILLEI BALCANITI SI A INDEPENDENTALLEI ALI ROMÂNIE
Societatea di Cultură Macedo-Română andreadzi tu dzua di 10 di Mai 2022 oara 18.30 la Sala Media a Teatrului Naţional di Bucureşti Dzua Românitatillei Balcaniţi şi a Independenţăllei ali Românie.
Manifestarea ahurheaşti tu dzua di 10 di mai, tahina la oara 10.00 cu UN TEDEUM şi deapoa va s’bagă UNA MISALI organizată di Băsearica Izvorul Tămăduirii Mavrogheni (Bucureşti, str Monetăriei nr 4).
Tu arada manifestarillei cu numa “Călătoria a unlui mari artistu” va s’hibă părăstisitu un spectacol ti aduţearea aminti a prezidentului ali Societati di Cultură Macedo-Română, Ion Caramitru (9 di marţu 1942 – 5 yismăciuni 2021).
Va s’aibă părăstiseari di poemati şi căntiţi armâneşti cu aestă aradă:
Ernest Chausson — Poemi op. 25 cu Irina Nanuşi la avyiulie şi Verona Maier la pianu
Ion Dumitrescu — Căntiţi armâneşti: Nă feată muşeată / Cănticu di doru; Mea, aua vinim / Dumnidzale cu Gjergji Mani tenoru şi Pirro Gaqi la pianu
Auşlu Cărvănaru şi Mioriţa, Vor s’mărită moaşili şi Părinteasca Dimăndari di Constantin Belimace cu alidzearea faptă di Cristina Lascu
Tu bitisită va s’hibă părăstisită Sonata ti avyiulie şi pianu tu la minor, op. 25 nr. 3 “Tu haractiru popularu românescu” di George Enescu cu Irina Nanushi la avyiulie şi Verona Maier la pianu.
RRI — Secţia Armânească (T.L.)
