Agenda armaneasca 2015.04.21

Anunţu concurs Govora:

Hristu Steriu, 21.04.2015, 22:17

Anunţu concurs Govora:

Vruţ oaspiţ, vă grim să participaţ la un nou concursu cu premii, “Băn’ile Govora, unâ oază di sănătate”, adrat trâ unâ di cama mǎrile staţiun’i di turismu balnear, situată tru judeţuul Vâlcea, giumitatea sudică a ţarâl’ei. Localitatea, ţi easte la vârâ 22 di kilometri di câsâbǎlu-reşedinţă di judeţ, Râmnicu Vâlcea, easte cunoscută trâ apa ansărată, iodurată şi laspea sapropelicǎ, recomandate trâ iatripsire. Staţiunea Băile Govora, situată tru zona subcarpatică, are numiroase avantaje, di la proprietăţile terapeutiţe a factorilor naturali (aerulu şi apa), care u transformarǎ într-unâ destinaţie di cipit trâ balneoterapie trâ lângori di adil’iatic, arumatiţe sau digestive, până la muşuteţâle turistiţe numiroase (natură, arhitectură, mănăstiri, olărit etc.).

Exploatarea a izvurilor cu ape terapeutiţe arhiusi tru 1879, tratamentul si fâţea un chiro tru cădz icǎ cupǎn’i mǎri di ban’e di lemnu amenajate la Mănăstirea Govora, di aclo di aproapea. Protulu stabilimentu trâ iatripsire balnearǎ apare tru 1887 şi avea aproapea 30 di cabine trâ băn’i calde. Inaugurarea (dişcl’idirea) ofiţială a staţiunil’ei si faţe unâoarâ cu darea în exploatare a Hotelului Palace”, ţi are particularitatea constructivă ca iţe udǎ să aibă macarim unâ sâhate soare în dzuuǎ. Tut atumţea si didea în exploatare unâ bază di iatripsire cu cupǎn’i di fontă. Cu chirolu, unâ oarâ cu dezvoltarea a staţiunil’ei si construiescu alte hoteluri şi pensiun’i, iara localitatea devine (cǎtǎndipseaşte) după an’il’i 1950 cǎsǎbǎ.

Trâ aflare răspunsuri la toate întribările a concursului vă grim tra să urmăriţ emisiun’ile RRI, siteul www.rri.ro şi profilurile di Facebook, Twitter şi Google+, să răspundiţ corectu, în scris, la ndauǎ întribări şi puteţi sǎ amintaţ. Concursul va sǎ ţânǎ până pi 30 aprier, data a poştâl’ei.

Marile Premiu va sǎ hibǎ un sejur di 8 dzâle, cazare 7 nopţǎ în cameră diplo, cu pensiune completă şi tratamentu balnear 6 dzâle, dauă proceduri în dzuuǎ, în perioada 15-30 cirişar 2015 la Hotelul Palace”, monumentu istoric construit tru 1911–1914 di-tru Băile Govora, judeţul Vâlcea. Ca di aradǎ va sǎ hibǎ ananghe să vă asiguripsiţ pi cont propriu transportul internaţional până tru România şi, ma că sǎ hibǎ necesară, viza trǎ România.

Concursul easte sponsorizat di Hotel Palace” — S.C. Băile Govora S.A. şi easte organizat cu Consiliul Judeţean Vâlcea, Primăria a cǎsǎbǎlui Băile Govora, Arhiepiscopia a Râmnicului şi Uniunea a Artiştilor Plastiţ – Filiala Vâlcea.

Şi tora, întribările:

– Cându fu adǎrat Hotelul “Palace” di-tru Băile Govora?

– Trǎ ţi easte cunoscută staţiunea Băile Govora?

– Cum si cl’eamǎ reşedinţa a judeţului în care si află Băile Govora?

– Numiţ 5 atracţii turistiţe a judeţului Vâlcea.

Vă paraclasim să nǎ scriiţ ţi vǎ feaţe să participaţ la concursu şi di ţi aform’ie urmăriţ programile RRI on air sau online.

Coordonatile a noastre: Radio România Internaţional, str. G-ral Berthelot nr. 60-64, sector 1, Bucureşti, PO Box 111, cod 010165, fax 0040.21.319.05.62, e-mail: arom@rri.ro . Puteţ sǎ răspundiţ până la 30 aprier, data a poştâl’ei. Amintǎtoril’i a Marilui Premiu va sǎ hibǎ anunţaţ curundu după bitisirea a concursului, trâ sǎ-şi pregăteascǎ excursia în România. Succes! (Alecu Marciuc, Eugen Cojocariu)

*******************************

Adunarea di luni, 20 aprier, di la Ministerulu di Afaceri Externe — “Unâ di problemile di cama marile interes tru obiectivile di politică externâ easte apârarea şi agiutarea activâ a ndrepturilor a persoanilor di-tru comunităţâle româneşti di-tru viţinata a Româniil’ei”, dzâse ministrulou delegat trâ relaţiile cu românil’i di pritutţido, di-tru arada a Ministerului trâ Afaceri Externe, Angel Tâlvăr la Adunarea ţi u avu cu preşedintile a Suţatâl’ei di culturâ Macedo-română, Ion Caramitru. Ţel’i doil’i avurâ unâ adunare tru care simnarâ un Protocol di colaborare anamisa di Departamentul Politiţ trâ Relaţia cu Românil’i di Pritutţido di-tru arada a Ministruloui trâ Lucre di Nafoarâ, şi Suţata di culturâ Macedo-românâ. Aduţim aminte că pi 15 apriir di feaţirâ 135 di an’i di cându fu adratâ tru 1880, Suţata di culturâ macedo-română, a cure preşedinte di tora easte actorulu şi reghizorulu Ion Caramitru.

Colegulu a nostru, Taşcu Lala, care eara dus aclo, nâ aduse declaraţia a ministrului Tâlvăr, şi a cure zboarâ si duc ninte di la ţi spusim ma ninte, si duc ninte aşi:

“Documentul simnat azâ – dzâse Angel Tâlvăr – easti acutotalui tu simfunie cu aesta prioritati, cu traditia di andrupari a identitatil’ei etnica, culturala si religioasa a persoanilor ţi ţân di filonlu lingvistic şi cultural românescu cata cum şi cu bunili practiţ apufusiti tru arada a parteneriatlui anamisa di instituţiile a statlui şi organizaţiile dit mediul asociativ cu relevanţâ trâ promovarea şi apărarea a interesilor şi a identitatil’ei a român’ilor di nafoara a sinurlor.”

Ministrulu Tâlvăr aduse aminte, tora la 135 di cându easte adratâ Suţata di culturâ macedo-română, importante nume anamisa di timil’iusitoril’I di atumţea ca: Mihail Kogalniceanu, Dimitrie Bratianu, Dimitrie si Ion Ghica, C.A.Rosetti, Titu Maiorescu, Vasile Alecsandri si Iacob Negrutzi. Tricânda şi la bana culturalâ actuală, ministrulu aduse aminte şi manualul di aromână, adrat di doi di aţel’I cama di simasie filologi aromani di aza M.C. Marioteanu si Nicolae Saramandu reeditat cu agiutorlu a Departamentului tra relatii cu roman’il’i di iutido.”

Angel Tâlvăr dzâse că: “Documentul ţi lu simnăm tru numa a instituţiilor ţi li reprezentăm dişcl’idi calea trâ turliili di colaborari hâirlâtiţi şi importanti cum suntu consultărli tu ligatură cu temi di interes reciproc, transferlu di expertiză anamisa di aţeali dauă părţâ şi promovarea a relaţiilei cu comunităţli aromâneşti dit Romania şi di nafoara a sinurlor a l’ei tru plan educaţional, academic şi universitar, ştiitific şi di cercetari, cultural artistic, mediatic cu scupolu trâ ndridzearea a unlui cadru coerentu di integrari identitară.

Domnule prezidentu Ion Caramitru tru bitisita voi s-va hiritisescu tra perseverenta ti u spusit ti elaborarea si promovarea a aistui protocol si sa-n’i spun nadia ca aestu documentu va sa spuna hairea cat cama ntraoara” — dzâse ministrulu delegat trâ român’il’I di pritutţido, Angel Tâlvăr.

*********************

Tru arada a lui, prezidentul ali Societati di Cultura Macedo-Romana Ion Carmaitru, aduse aminte adunarea cu ministrulu tru mesulu şcurtu, pi 24, iara trâ documentul di tora di tru aprier, pi 20 aprier, dzâse că după părearea a lui ama şi a lântor membri asuţatâl’ei “ansiamneadza un jgl’iot ninti andicra di aţea ţi minteaşti şi u are mintitâ şi va u minteascâ dipriunâ societatea românească tu aţea ţi mutreasti tin’isearea şi salvarea a identitatil’ei românescă.” Ion Caramitru aduse aminte, aşi cum sâ ştie, că:

Societatea di Cultura Macedo-Romana “fu înhiinţată pri-ttru decret domnescu tru 15 di apriliu 1880 tamam”, di cându si feaţiră 135 di an’i.

Ion Caramitru aduse şi el aminte că: “istoria şi realitatea a activitatil’ei a liştei societati cari fu timiliusita di figuri importante” a societatil’ei românească, şi aromân’I, şi român’I, care ş-li feaţirâ unâ energiile, alidzem: “cu nâdia ca fraţl’ii a noştri di-tru sudlu ali Dunări va s-aiba prit statlu român un agiutor di mare simasie şi ahoria.” Ion Caramitru dzâse că Ministerlu di externi di atumtea a agiută diplomatic interesili a aroman’ilor ca parti a romanitatil’ei, a românitatil’ei. Di aestâ aform’ie, Suţata di culturâ macedo-română fu prezentă, alidzem, “cu Geroge Murnu, Iuliu Valahori si Take Papahagi la Congresul di Irini di Londra tru 1912 ică delegatia aromaneasca la Congreslu di irini di Paris dit 1918. “

El dzâse că “Societatea di Cultura Macedo-Romana (SCMR) sa spusi ca interfata a interesilor ali Romanie tru chestiunea aromaneasca.” Statulu român agiută cu pâradz di furâ adrate tru aţea oarâ tru Balcani 113 di scoli elementari si 4 secundari, 47 di biserit, editari di carti, revisti ase ca interesili a aromanilor ca parti a românitatil’ei fura andrupati di statlu roman. “

Ion Caramitru feaţe un şcurtu istoric a banâl’ei politicâ tru Balcan’i şi influenţa a l’ei trâ armân’i.

Ascultaţ aoa –>