Agenda armaneasca 2015.03.03

Avem la redacţie numirulu di sone a revistâl’ei Frǎţia, numirul 1 pi anulu aestu, meşl’i gh’inar-şcurtu. Revista u scoate Suţata “Aromân’il’i dit Albania”, director Robert Ciollacu, redactor şef Jani Gusho. Aşi cum şi spune tru caseta di titlu, revista easte unâ publicaţie “ti limba, cultura şi istoria a armân’ilor”. Di aestâ aform’ie, adica tematica a limbâl’ei, easte dat şi un versu di-tru ghine-cunoscuta poezia a lu Constantin Belemace, “Pârinteasca dimândare”. Versul, de fapt suntu dauâ versuri, şi eale suntu “Fraţ di mumâ şi di-un tata, Noi armân’i di eta toatǎ”.

Hristu Steriu, 04.03.2015, 22:30

Avem la redacţie numirulu di sone a revistâl’ei Frǎţia, numirul 1 pi anulu aestu, meşl’i gh’inar-şcurtu. Revista u scoate Suţata “Aromân’il’i dit Albania”, director Robert Ciollacu, redactor şef Jani Gusho. Aşi cum şi spune tru caseta di titlu, revista easte unâ publicaţie “ti limba, cultura şi istoria a armân’ilor”. Di aestâ aform’ie, adica tematica a limbâl’ei, easte dat şi un versu di-tru ghine-cunoscuta poezia a lu Constantin Belemace, “Pârinteasca dimândare”. Versul, de fapt suntu dauâ versuri, şi eale suntu “Fraţ di mumâ şi di-un tata, Noi armân’i di eta toatǎ”.

Cu aestu versu are ligâturâ şi informaţia di la pagina 6, ca unâ extensie a ligaturâl’ei di fraţ pânâ la aţea di limbâ, ca unâ apunte di la unâ mardzinâ la alantâ a romanitatil’ei, di la Chişinǎu, pân` la fraţl’I a noştri di-tru Albania. Ama, va nâ turnǎm şi cama nclo la aestâ informaţie. Tora s-videm şi alte puncte a conţinutului şi a li conţânire a li revistâ.

Articolul di pi prota paginǎ easte scris di domnul Jani Guşo,

UN AN ŢI PRINDI SĂ UMPLĂ CU ACTIVITĂŢI

Autorulu nǎ spune unâ filialâ a Suţatâl’ei “Aromân’il’I dit Albania”, şi easte zboulu di suţata di Cǎval’ia, cu un ansamblu ţi pri-tru tradiţia a lui poate s-hibâ iurnec trâ alante ansambluri. Tru cǎsǎbǎlu Cǎval’ia, ansamblul a suţatâl’ei armâneascâ sǎrbǎtori cu unâ dzuâ ninte, pi 24 andreu, Cǎrciunulu. La ahtǎri sǎrbǎtori “oamin’il’i si adunâ şi zburǎscu — dzâţe domnul Jani Guşi – cântǎ şi gioacǎ”, i câlisescu tra-s participǎ la sǎrbǎtoare deadun cu armân’il’i personalitǎţ a cǎsǎbǎlui, tra s-veadâ icǎ şi tra sâ si nveascâ cu stran’e caracterristiţe armâneşti”. Suţata lu are ncap pi Todi Buli, ţi are mâsturlâchea tra sâ scoatâ tru mighdane, deadun cu alanţâ membri tradiţiile armâneşti şi folclorulu.

Domnul Jani Guşo nâ spune cǎ tru chirolu dit sone si veade unâ muşatâ actiitatea, “nv’iare a actiitǎţâlor” dâţe dumnil’ia a lui si veade şi la suţata di Seleniţa, iu are unâ mare activitate domnul Ilia Bombaj, care fu protagonistu la scularea a suţatâl’ei deadun şi cu alte nume cu mare merit trâ aestu lucru, intelectual’i pricum Kozma Mitraj, Paskal Kote, Nasho Dhamaj, ama şi cu alţ tiniri. Ilia Bombaj coolucreadză multu ghini cu preftu a bisearcăl’ei, Spiro Bulika, ţi esti un cunuscător excelentu ali istorii a arămñlor şi care u faţe tru bâsearicâ liturghia pi armâneaşte şi particpâ şi la tute activitǎţile ţi si organizeadzâ aclo. Suţata di Cǎval’ia are agiutor mare şi di la domnul Stavri Mitraj, ţi cilâstâseşte tra-s dişcl’idâ unâ şcoalâ pi armâneaşte trâ cilimean’i. Bana culturalâ armâneascâ easte susuţânutâ la suţatâ şi pri-tru conlucrarea cu revista Frǎţia, la care domnul Ilia Bombaj, di la sutata di Cǎval’ia pitreaţe articule şi caduri. Di aeste muşate cadure, multu muşate, putem s-nâ hârâsim şi tru aist numir întân’I pi anulu aestu.

Unâ altâ filialâ dispi care domnul Jani Guşo are nghrâpsitâ şi altâ oarâ, easte atsea di localitatea DIVJAKA. Aclo ară un ansamblu ti cilimeñ, cară l’ia parti ăn mod regular la festivalu a diversităţlor culturali, ţi s-dizvărteaşti cafi an la ragionlu dit Ferica, iu esti onorat şi cu diplomi.

* * * * * *

La pagina patru, un articol cu tematicǎ religioasâ nâ spune trâ Dzuua ali Caruţe, ica a Cruţil’ei, articol simnat di Ilia Bombaj. Aestâ dzuuâ fu pi 6 gh’inar, şi easte cunoscutâ şi cu altâ numâ, Epifania, ama şi Pâtidzarea a Hristolui, şui Pâtidzarea a apilor, cându preftul alagâ, icǎ sdi duţe pi la case, şi faţe aşi ca unâ mare pâtidzarea a tutlor oamin’ilor, pri-tru astrupuchire cu vasileac mul’iat tru apâ sâmţâtâ icǎ agheazmusitǎ. Ilia Bombaj bagâ a luştu articol numa “Dzuua ali căruţi tu Sâlâniţa” şi nâ spune cǎ, alidzem, “iuţido tu lumea ortodaxă ţi să sărbătoreşti Dzuua di Apa Sămtă” şi să anrrucă căruţa tu apâ şi la Salaniţa esti turrnată tu tradită.” Ilia Bombaj nâ da multe informaţii di cum si feaţe procesiunea a di sârbâtoare, aclo, Seleniţa, alidzem, : “După liturghia di papu Spiro Bulika la biserica a noastă Ayiu Thanas, care inşu Dumnidzeu l’i alepsi un loc muşat, mulţ pistipsiţ, di ilichia diversi, cu maşini luar calea şi nearsăr ninga arrău Vijosa. Era ună dzuuă multu arraţi şi termometru sămna ninus 6 gradi C. Cai di cai videa că cai va s-intra tu apă tu aistu dzuuă arrăcoroasi tu arrău, ta s-lua căruţa. Protu ţi si s-dispul’ă – scrie autorulu di articol – eara Kostandin Bombaj, şi dupu năsu Ilia Bombaj. Căruţea s-acăţă di la Kostandin Bombaj. Esti ti accentuări că are pisti 5 añi arada ţi căruţea esti acăţat di fumel’ia Bombaj. Mateo Bombaj u ar acţat patru oră, Kostandini o ar acăţat şi la anlu 2014. “ Furǎ fapte cadure, cum si spune tru articol, deadun cu participanţâl’i, cum suntu Paskal Kote, Simon Petraj, Dhori Mitraj, Garito Shollaj, Minella Mitraj, Xhuljo Mara şi alţa. Sarbǎtoarea fu continuatâ — şi faţim unâ şicaie — di la pâtidzarea a apâl’ei si feaţe gustarea a v;inului la clubulu a unui altu, Spiro Shollaj. Domnul Bombaj are musate zboarâ trâ bâsearica di Seleniţa, “câsâbǎ sculat di armân’i”, şi ti preftul Spiro Bulika. Alidzem: “El este iuţido iu are activităţi, iu are hală, ică harauă tu Sălăniţa.

N-esti ananghia s-greştă di năsă, că greaşti ma ghini lucru faptă la miedislu, ţi o ar turnat ună bisercă nai ma muşată tu Arbinişii.”

* * * * *

La pagina 6, agiundzim la informaţia care faţe unâ apunte pi timel’lu a soil’ei di limbâ. Easte un m’ic articol cu numa

PERSONALITĂŢILE ANULUI 2014 DESEMNATE DE ASOCIAŢIA RĂSĂRITUL ROMÂNESC DIN CHIŞINĂU

Asociaţia dede cu ocazia a Dzuâl’ei di 24 gh’inar, Unirea a Principatelor Române Moldova şi Valahia, DIPLOMA DE EXCELENŢĂ 2014 a ma multor personalitǎţ di care dauâ suntu personalitǎţ armâneşti di Albania. Tru listâ eale suntu la numirile 10 şi 25. Aşi, la numirulu 10 easte citat Constandin IANCU, director a li Şcoalǎi Aromânǎ din Diviaca, judeţul Lushnea, Albania, a cure l’i si deade aestâ diplomâ di excelenţâ “trâ meritul di menţânire v’ie, de-a lungul a an’ilor, prima grădiniţă aromânească di copii, cilimean’I, şi prima şcoală aromânească tru Albania.” Iara la numirulu 25, easte data diploma di excelenţâ apreftului Dumitrache VERIGA, preot paroh a bâsearicâl’ei ortodoxǎ aromânǎ SCHIMBAREA, alǎxirea, LA FAŢĂ” din Corcea, Albania, trâ meritulu di ţânire apreasǎ cândila a Ortodoxiil’ei românescǎ (aromânǎ) tru peninsula Balcanică. “

Ascultaţ aoa –>