Agenda armaneasca 2015.02.10

Hristu Steriu, 10.02.2015, 20:04

Vruţ oaspiţ şi priiatin’i, vă invităm să participaţ la un nou concursu cu premii, “Băn’ile Govora, unâ oază di sănătate”, dedicat a uneia di cama mǎrile staţiun’i di turismu balnear, situată tru judeţuul Vâlcea, giumitatea sudică a ţarâl’ei. Localitatea, situată la vârâ 22 di kilometri di câsâbǎlu-reşedinţă di judeţ, Râmnicu Vâlcea, easte cunoscută trâ apa ansărată, iodurată şi laspea sapropelicǎ, recomandate trâ iatripsire. Staţiunea Băile Govora, situată tru zona subcarpatică, are numiroase avantaje, di la proprietăţile terapeutiţe a factorilor naturali (aerulu şi apa), care u transformarǎ într-unâ destinaţie di cipit trâ balneoterapie trâ lângori di adil’iatic, arumatiţe sau digestive, până la atracţiile turistiţe numiroase (natură, arhitectură, mănăstiri, olărit etc.).

Exploatarea a izvurilor cu ape terapeutiţe arhiusi tru 1879, tratamentul si fâţea un chiro tru cădz icǎ cupǎn’i mǎri di ban’e di lemnu amenajate la Mănăstirea Govora, di aclo di aproapea. Protulu stabilimentu trâ iatripsire balnearǎ apare tru 1887 șşi avea aproapea 30 di cabine trâ băn’i calde. Inaugurarea (dişcl’idirea) ofiţială a staţiunil’ei si faţe unâoarâ cu darea în exploatare a Hotelului Palace”, ţi are particularitatea constructivă ca iţe udǎ cameră să aibă macarim unâ sâhate soare în dzuuǎ. Tut atumţea si didea în exploatare unâ bază di iatripsire cu cădz di ban’e di fontă. Cu chirolu, unâ oarâ cu dezvoltarea a staţiunil’ei si construiescu alte hoteluri şi pensiun’i, iara localitatea devine (cǎtǎndipseaşte) după an’il’i 1950 cǎsǎbǎ.

Trâ aflare răspunsuri la toate întribările a concursului vă invităm să urmăriţ emisiun’ile RRI, siteul www.rri.ro şi profilurile di Facebook, Twitter şi Google+, să răspundiţ corectu, în scris, la ndauǎ întribări şi puteţi sǎ amintaţ. Concursul va sǎ ţânǎ până pi 30 aprier, data a poştâl’ei.

Marile Premiu va sǎ hibǎ un sejur di 8 dzâle, cazare 7 nopţǎ în cameră diplo, cu pensiune completă şi tratamentu balnear 6 dzâle, dauă proceduri în dzuuǎ, în perioada 15-30 cirişar 2015 la Hotelul Palace”, monumentu istoric construit tru 1911–1914 di-tru Băile Govora, judeţul Vâlcea. Ca di aradǎ va sǎ hibǎ ananghe să vă asiguripsiţ pi cont propriu transportul internaţional până tru România şi, ma că sǎ hibǎ necesară, viza trǎ România.

Concursul easte sponsorizat di Hotel Palace” — S.C. Băile Govora S.A. şi easte organizat cu Consiliul Judeţean Vâlcea, Primăria a cǎsǎbǎlui Băile Govora, Arhiepiscopia a Râmnicului şi Uniunea a Artiştilor Plastiţ – Filiala Vâlcea.

Şi tora, întribările:

– Cându fu adǎrat Hotelul “Palace” di-tru Băile Govora?

– Trǎ ţi easte cunoscută staţiunea Băile Govora?

– Cum si cl’eamǎ reşedinţa a judeţului în care si află Băile Govora?

– Numiţ 5 atracţii turistiţe a judeţului Vâlcea.

Vă paraclasim să nǎ scriiţ ţi vǎ feaţe să participaţ la concursu şi di ţi aform’ie urmăriţ programile RRI on air sau online.

Coordonatile a noastre: Radio România Internaţional, str. G-ral Berthelot nr. 60-64, sector 1, Bucureşti, PO Box 111, cod 010165, fax 0040.21.319.05.62, e-mail: arom@rri.ro . Puteţ sǎ răspundiţ până la 30 aprier, data a poştâl’ei. Amintǎtoril’i a Marilui Premiu va sǎ hibǎ anunţaţ curundu după bitisirea a concursului, trâ sǎ-şi pregăteascǎ excursia în România. Succes! (Alecu Marciuc, Eugen Cojocariu)

************************

Dzuua Mondialǎ a Radioului:

Dzuua di 13 şcurtu fu stabilită di UNESCO trâ Dzuua Mondială a Radioului (World Radio Day), trâ atradzire atenţia asupra a importanţâl’ei extraordinarǎ a luştui trop di comunicare, fără care mulţâ oamin’i nu vrea sǎ aibǎ acces la informaţii. Cu ocazia a Dzuâl’ei Mondialǎ a Radioului vă invităm, vruţ ascultători şi utilizatori Internet, să nǎ pitreaţiţ şcurte mesaje audio înreghistrate, pri-tru e-mail, la arom@rri.ro, ca fişier ataşat. Puteţ să nǎ pitreaţiţ şi şcurte texte dispri importanţa a radioului, pri-tru e-mail sau pi profilurile a noastre di Facebook, Google+ şi LinkedIn. Tema aleaptă trǎ 2015 easte Inovaţie şi tineret la radio“ (Innovation and youth in radio”). Ţeale mai interesantile texte şi mesaje audio va sǎ hibǎ difuzate într-unǎ rubrică specială în varliga a datâl’ei di 13 şcurtu. Tutunǎoarǎ, ma că si aveţi iţe turlie di fotografii personale, libire di ndrepturi di autor şi care au ligătură cu rolulu a radioului tru bana a dvs., vă paraclasim să nǎ li pitreaţiţ electronic, cu explicaţiile ţi suntu ananghe, trǎ realizare galerii di fotografii pi site-ul RRI, ama şi pi profilurile a noastre di Facebook, Flickr, Pinterest şi Google+. (Eugen Cojocariu)

***********************

50 di an’i trâ fostul numirulu 10 di-tru echipa naţionalâ di fotbal a li Românie !

Avdzâtlu Fotbalistu (cându eara giucâtor la naţionalâ avea pi tericou numirulu 10), şi ţi tora easte antrenor, di cara tricu di tinireaţa di giucâtor, armânulu Gheorghe Hagi, feaţe aualtadz, gioi, 50 di an’i. Amintat tru 5 şcurtu anulu 1965, tru hoara Sǎcele, di Dobrogea, estul a li Românie, trâ marea a lui mâsturlahce tru sportul-rege care easte fotbalul, Gheoghe Hagi fu el işişi numâsit vâsil’elul a fotbalului, ica trâ unâ compartaţie cu un mare fotbalistu argentinian, l’I si dzâse “Maradona a Carpaţilor”, s-achicâseaşte Maradona di-tru România, i, câţe nu, Maradona a li Europa, di cara munţâl’I Carpaţi nu suntu maşi In România. Are giucatâ di treie ori tru echipa naţionalâ di fotbal a li Românie, tru 1990, 94, şi 98.

Cariera internaţionalǎ a lu Hagi arhiusi tru 1983 cându fu aleptu prota oarâ tru echipa naţionalâ a li Românie tru meciulu cu Norvergia giucat la Oslo. Fu aleptu mulţ` an’I arada. Tru 1998 lo apofasea tra sâ si retragâ di-tru activitatea fotbalisticâ. Ama, si retrapse tru 2000, şi fu marcat aestu evenimentu, tru 2001, c`ndu avea 36, la mecilu cu numa “Gala Hagi”.

Tru anulu 2003, la jubileulu UEFA (Uniunea Europeanâ trâ Fotbal Amator), di-tru brumar Hagi fu aleptu cama bunulu giucâtor roman tru numirulu di 50 di giucâtori di pi plan internaţinal, 50 dupǎ numirulu a an’ilor di sârb`toare cât eara jubileulu UEFA.

Ama, videm cǎ tora Hagi agiumse şi la un numir personal di 50. Îl’I urǎm la mulţâ an’i.

S-bâneadzâ Gheorghe Hagi !

************************************

Di la sportul vâsil’e, care easte fotbalul, la sportul albu, tenisulu, tru care România easte reprezentat di Simona Halep. Aoaltadz, la Fed Cup, antriţeare dizvârtitâ sâmbâtâ şi dumânicâ, 7-8 di şcurtu, la Galaţi, câsâbǎ tru chentrul a li Românie, echipa gazdǎ di-tru care feaţe parte şi numirulu trei mondial, Simona Halep, di farâ armâneascâ, amintǎ cu 3-2 dinintea a li Spanie şi si califica aşi tru barajulu trâ grupa mondialâ. Competiţia di Galaţi feaţe parte di-tru protulu tur a Grupâl;’ei Mondialâ II trâ Fed Cup, Cupa a li Federaţie Internaţinalâ di tenis feminine. La aestâ competiţie sportivǎ di-tru România participǎ s-dzâţim “hors concurs” şi presedintile a li Românie Klaus Johannis, care intonǎ şi el, deadun cu sportivile române, imnul a li Romnie “Deşteapta-te Române”. Invioaţia trâ aestu lucru l’I-u avea faptâ Sioman Hale ninca di anulu trictu, pi 20 brumar, la pnâgh’irulu gaudeamus carte di nviţ`turâ (19-23 brumar), cându nǎulu aleptu (di pi 16 brumar) preşedinter Kaus Jophanni şi-ave lansatâ cartea “Pas cu Pas”. Johannis, giucâtor di tennis maşi di 5 an’I, di atumţea gioacâ fu povocat di Simona Halep la unâ partidâ trâ muşuteaţâ, acceptatâ cu multâ amabilitate şi harauâ di preşedinte, trâ tora la Fed Cup.

Şi, maca tut easte tennis feminine sâ spunim un evenimentu cvasimonden, adicǎ di muşuteaţâ a stran’ilor, sportive, di pi terenulu di tennis.

Viniri 30 di gh’inar Siomna Halep (locuu 3 WTA) fu aleaptâ la la turneulu la care participa, Austqalian Open ca sportiva cu cama muşatile stran’e, şi tricu aşi di protilie dauâ giucâtoare di-tru ierarhia mondialâ, Serena Williams si Maria Sharapova, informa site-ul wtatennis.com.

Topulu fu realizat pri-tru voturile a fanilor, scrie Mediafax.

“Noi intribǎm, voi deadit apandise. Numirulu 3 mondial, Simona Halep, fu votatǎ giucǎtoarea cu cama muşatile stran’e, ţel mai ghine înviscuta di la ediţia di anulu aestu a Australian Open. În ciudia a stran’ilor di hromǎ pembe roz neon, verdzǎ şi galbine, echipamentul adidas violet a li Halep lo aţele mai multile voturi”, noteadzǎ wtatennis.com.

Simona Halep, loculu 3 mondial, lo 41 tru sutǎ di voturi.

Sarapova lo 24 tru sutǎ, iara Serena Williams 20 tru sutǎ.

Tru top si mai aflarǎ Venus Williams (6 tru sutǎ), Caroline Wozniacki (5 tru sutǎ) şi Victoria Azarenka (3 tru sutǎ).

Ascultaţ aoa –>