Agenda armaneasca 2015.02.03
Hristu Steriu, 03.02.2015, 19:40
Vruţ oaspiţ şi priiatin’i, vă invităm să participaţ la un nou concursu cu premii, “Băn’ile Govora, unâ oază di sănătate”, dedicat a uneia di cama mǎrile staţiun’i di turismu balnear, situată tru judeţuul Vâlcea, giumitatea sudică a ţarâl’ei. Localitatea, situată la vârâ 22 di kilometri di câsâbǎlu-reşedinţă di judeţ, Râmnicu Vâlcea, easte cunoscută trâ apa ansărată, iodurată şi laspea sapropelicǎ, recomandate trâ iatripsire. Staţiunea Băile Govora, situată tru zona subcarpatică, are numiroase avantaje, di la proprietăţile terapeutiţe a factorilor naturali (aerulu şi apa), care u transformarǎ într-unâ destinaţie di cipit trâ balneoterapie trâ lângori di adil’iatic, arumatiţe sau digestive, până la atracţiile turistiţe numiroase (natură, arhitectură, mănăstiri, olărit etc.).
Exploatarea a izvurilor cu ape terapeutiţe arhiusi tru 1879, tratamentul si fâţea un chiro tru cădz icǎ cupǎn’i mǎri di ban’e di lemnu amenajate la Mănăstirea Govora, di aclo di aproapea. Protulu stabilimentu trâ iatripsire balnearǎ apare tru 1887 șşi avea aproapea 30 di cabine trâ băn’i calde. Inaugurarea (dişcl’idirea) ofiţială a staţiunil’ei si faţe unâoarâ cu darea în exploatare a Hotelului Palace”, ţi are particularitatea constructivă ca iţe udǎ cameră să aibă macarim unâ sâhate soare în dzuuǎ. Tut atumţea si didea în exploatare unâ bază di iatripsire cu cădz di ban’e di fontă. Cu chirolu, unâ oarâ cu dezvoltarea a staţiunil’ei si construiescu alte hoteluri şi pensiun’i, iara localitatea devine (cǎtǎndipseaşte) după an’il’i 1950 cǎsǎbǎ.
Trâ aflare răspunsuri la toate întribările a concursului vă invităm să urmăriţ emisiun’ile RRI, siteul www.rri.ro şi profilurile di Facebook, Twitter şi Google+, să răspundiţ corectu, în scris, la ndauǎ întribări şi puteţi sǎ amintaţ. Concursul va sǎ ţânǎ până pi 30 aprier, data a poştâl’ei.
Marile Premiu va sǎ hibǎ un sejur di 8 dzâle, cazare 7 nopţǎ în cameră diplo, cu pensiune completă şi tratamentu balnear 6 dzâle, dauă proceduri în dzuuǎ, în perioada 15-30 cirişar 2015 la Hotelul Palace”, monumentu istoric construit tru 1911–1914 di-tru Băile Govora, judeţul Vâlcea. Ca di aradǎ va sǎ hibǎ ananghe să vă asiguripsiţ pi cont propriu transportul internaţional până tru România şi, ma că sǎ hibǎ necesară, viza trǎ România.
Concursul easte sponsorizat di Hotel Palace” — S.C. Băile Govora S.A. şi easte organizat cu Consiliul Judeţean Vâlcea, Primăria a cǎsǎbǎlui Băile Govora, Arhiepiscopia a Râmnicului şi Uniunea a Artiştilor Plastiţ – Filiala Vâlcea.
Şi tora, întribările:
– Cându fu adǎrat Hotelul “Palace” di-tru Băile Govora?
– Trǎ ţi easte cunoscută staţiunea Băile Govora?
– Cum si cl’eamǎ reşedinţa a judeţului în care si află Băile Govora?
– Numiţ 5 atracţii turistiţe a judeţului Vâlcea.
Vă paraclasim să nǎ scriiţ ţi vǎ feaţe să participaţ la concursu şi di ţi aform’ie urmăriţ programile RRI on air sau online.
Coordonatile a noastre: Radio România Internaţional, str. G-ral Berthelot nr. 60-64, sector 1, Bucureşti, PO Box 111, cod 010165, fax 0040.21.319.05.62, e-mail: arom@rri.ro . Puteţ sǎ răspundiţ până la 30 aprier, data a poştâl’ei. Amintǎtoril’i a Marilui Premiu va sǎ hibǎ anunţaţ curundu după bitisirea a concursului, trâ sǎ-şi pregăteascǎ excursia în România. Succes! (Alecu Marciuc, Eugen Cojocariu)
************************
Dzuua Mondialǎ a Radioului:
Dzuua di 13 şcurtu fu stabilită di UNESCO trâ Dzuua Mondială a Radioului (World Radio Day), trâ atradzire atenţia asupra a importanţâl’ei extraordinarǎ a luştui trop di comunicare, fără care mulţâ oamin’i nu vrea sǎ aibǎ acces la informaţii. Cu ocazia a Dzuâl’ei Mondialǎ a Radioului vă invităm, vruţ ascultători şi utilizatori Internet, să nǎ pitreaţiţ şcurte mesaje audio înreghistrate, pri-tru e-mail, la arom@rri.ro, ca fişier ataşat. Puteţ să nǎ pitreaţiţ şi şcurte texte dispri importanţa a radioului, pri-tru e-mail sau pi profilurile a noastre di Facebook, Google+ şi LinkedIn. Tema aleaptă trǎ 2015 easte Inovaţie şi tineret la radio“ (Innovation and youth in radio”). Ţeale mai interesantile texte şi mesaje audio va sǎ hibǎ difuzate într-unǎ rubrică specială în varliga a datâl’ei di 13 şcurtu. Tutunǎoarǎ, ma că si aveţi iţe turlie di fotografii personale, libire di ndrepturi di autor şi care au ligătură cu rolulu a radioului tru bana a dvs., vă paraclasim să nǎ li pitreaţiţ electronic, cu explicaţiile ţi suntu ananghe, trǎ realizare galerii di fotografii pi site-ul RRI, ama şi pi profilurile a noastre di Facebook, Flickr, Pinterest şi Google+. (Eugen Cojocariu)
***********************
Emisiun’i pi armâneaşte la televiziunea arbinişeascâ !
Aoa şi vârâ dauâ-treie siptâmân’i, pi 13 gh’inar, domnul Hristo Goci nâ pitriţea un email cu bunâ hâbare trâ armâname
Azã easti unã dzuã ahoryia ti Comunitatea Armãniascã, cãndu himu trãhãrãsindu Televizionu Statalu Arbineshu ti ahurherea a programillor pi limbili a minoritãtsilor traditsionali lju lja parti shi Limba a noastã Armãniascã.
Surãri shi frats armanji! S’u hãrãsimu Limba Armãniascã tu Televizionu Natsionlu! ANlu nou 2015 va s’i tsãnã minti di lla tuts noi, ca anlu cãndu statlu asutsatsia a noastã arbiniascã va s’realizeascã ngjisllu a comunitatsillor minoritari ali Hoari, ta s’hibã partitsipantsi la tutanvãrterea di bana culturalã a loclu!
Hãriosu anlu nou 2015!
Ghimbush shi harei la fumeljili a voasti!
Dumnidzãllu sã vlluyisiascã Armãnjljã shi Arbinishia!
Sãnãtati a tutulloru!
Domnul Hristo Goci nâ informeadzâ cǎ trâ ahtare lucru la Televiziunea Naţionalâ Albanezâ, heretisirea fu adusâ di, alidzem ,
“fiata Kristina ANXHARA-Jurista” şi nâ spune ma diparte: “Poeta armana Sofie ZGURI adara aista poezii” :
Mbâratsa a-Anlu Nou
Scântiliâ ecranul tora seara
Di mushata armânâ Cristinâ
S-disfetsi tutâ primuveara
Puhizâ dultsi a-noastâ limbâ
[…]
Cu ceapili a-Anlu 2015
Cristina nâ adusi primuveara
Cu harauâ sh-cu cântitsi mushati
S-u hârisim aprasâ tora seara
S-nâ tsinem tuts di unâ-allantu
Ndriptatea s-u tsinem sânâtosâ
Armânamea nsus s-u tsânâ caplu
Tinjisitâ s-hibâ flambura a-noastâ
31-Ndreu-2014
Sofije Zguri
Cu tinii ti tuts sotsia armanj,
Hristu GOCI
Siptâmâna ţi tricu, domnul Hristo Goci feaţe unâ vizitâ la fraţl’I armân’I di-tru Machidunie, şi avu mare entipuse. Dumnil’ia a lui pitriu un email pi gruplu armânescu di pi internet şi nâ spune, alidzem:
catu efharistisi tsi amu adukita candu miadunai cu patriotsia a noshci di Skopja aesti dzali! Vizita a mia eara ti videari diaproapea experientsa extraordinara a Armanjlor di Makidunii, care santu incuadrats tu modlu cama avantsatu patutu, ancapu di li lista balcanica, ti catu ljcadi ali allarga raspinderi a lashtui comunitati. Amu avuta contacti cu Directrisa a TV-MAKEDONIA-Statala Nr.2, Dn. Migena GORENCA, cu patrioatili shi oaspili a noastri; Jana Mihailova shi Ljubica Ghieorghieva a canalea 2 a Televiziunea Statala Makiduniasca shi cu oaspitslja a noshci Zoran Mitrov, Dina Kuvata shi Maria Djika a Radiu natsionalu ali Makidunii. Amu futa acompanjatu(asutsatu) di Niko KITANI, reprezantantu di comunitatea makiduniasca la Comitetlu statalu ti Minoritats di Arbinishii. Aljefharistusescu ditinima sitslja di Skopja ti bunashtiptarea calda tsi njaru rezervata. Experientsa a loru pistipsescu ca sni ufilisiasca ti implementarea a unu tadhi organizeari la Televiziunea Statala Arbinusiasca.Haratimati la tuts,
Hrista Goci
Ascultaţ aoa –>
