Agenda armaneasca 2014.08.05

Vruţ oaspiţ şi priiatin’i, vă grim tra să participaţ la un nǎu concursu cu premii, “Festivalul Internaţional a Orchestrilor Radio, RadiRo, ediţia a II-a”. Concursul easte dedicat a unui evenimentu muzical unic în Europa, care aduţe la Bucureşti, pi schena a Salâl’ei Radio şi în directu pi posturile publiţe di radio, 5 orchestre avdzâte, ama şi solişti şi dirijori di talie mondială.

Hristu Steriu, 05.08.2014, 22:11

Vruţ oaspiţ şi priiatin’i, vă grim tra să participaţ la un nǎu concursu cu premii, “Festivalul Internaţional a Orchestrilor Radio, RadiRo, ediţia a II-a”. Concursul easte dedicat a unui evenimentu muzical unic în Europa, care aduţe la Bucureşti, pi schena a Salâl’ei Radio şi în directu pi posturile publiţe di radio, 5 orchestre avdzâte, ama şi solişti şi dirijori di talie mondială.

********************

Întrǎ 20 şi 27 agheazmǎciune Bucureştiul apânghiseaşte a II-a ediţie a RadiRo — Festivalul Internaţional a Orchestrilor Radio. Evenimentul easte organizat di Radio România, priiatin şi susţânător devotat a muzicâl’ei clasicâ ninca di-tru 1928, când pitriţea tru eter primul a lui semnal sonor!

*********************

Tru 2012, prima ediţie RadiRo” aduse în România ansambluri simfoniţe radio prestigioase: BBC Symphony Orchestra, Orchestra Sinfonica Nazionale della RAI, Orchestre Philharmonique de Radio France.

**********************

Tru 2014, la ediţia a 2-a, concerteadză Orchestra Simfonică Radio di-tru Finlanda, Orchestra Simfonică Radio din Praga, Orchestra Simfonică Radio di Stuttgart, Orchestre National de France şi Orchestra Naţională Radio, sum bagheta a unor dirijori cu mare numâ, pricum Joshua Weilerstein, Ondrej Lenárd, Stéphane Denève, Case Scaglione, Vassily Sinaisky, Tiberiu Soare şi Cristian Mandeal.

*********************

Solişti di mare virtuozitate suntu protagoniştil’i a serilor RadiRo”: pianistul Jonathan Biss, soprana Katarina Jovanovic, pianistul Jan Simon, violoniştil’i Nikolaj Znaider şi Vadim Gluzman, arada di mǎri artişti român’i: mezzo-soprana Ruxandra Donose, pianistul Horia Mihail, violonistul Alexandru Tomescu. Directorul di onoare a liştei ediţie, dirijorulu român Cristian Mandeal, aduţe un plus di prestigiu şi valoare europeană Festivalului RadiRo”.

**********************

Vă invităm să urmăriţ emisiun’ile RRI, siteul www.rri.ro şi profilurile di Facebook, Twitter şi Google+, să răspundiţ corectu, în scris, la ndauâ întribări şi puteţ s-amintaţ. Concursul va ţânâ până pi 26 agheazmǎciune 2014, data a poştâl’ei.

***********************

Premiile şi menţiun’ile a concursului, în obiecte, va hibâ în principal CD-uri cu muzică simfonică românească şi xeanâ, ama va oferim ca premii şi alte obiecte di promovare culturală şi turistică. Concursul easte organizat deadun cu Editura Casa Radio” şi cu Primăria a Municipiului Bucureşti.

*************************

Şi tora, întribările:

– Tru ţi an si feaţe prima ediţie a Festivalul Internaţional a Orchestrelor Radio?

– Care easte directorulu di onoare a ediţil’ei a 2-a a Festivalului?

– Câte orchestre radio participă la ediţia 2014 a RadiRo?

– Numiţ 3 artişti român’i di talie (solişti sau dirijori) aflaţ pe afişulu RadiRo anulu aestu.

***********************

Vă paraclasim să nâ scriiţ ţi vâ feaţe să participaţ la concursu şi, mai multu, câţe ascultaţ emisiun’ile RRI sau nâ urmăriţ programile tru mediul online. Coordonatile a noastre suntu nialâxite: Radio România Internaţional, str. G-ral Berthelot nr. 60-64, sector 1, Bucureşti, PO Box 111, cod 010165, fax 00.40.21.319.05.62, e-mail: ro@rri.ro. Aştiptăm răspunsurile a dvs. până la 26 agheazmǎciune, data a poştâl’ei. Amintâtoril’i a premiilor şi a menţiun’ilor va hibâ spuşi curundu după bitisirea a concursului. Succes!

***********************

Nâ turnǎm la intrata a mesului agustu, cându RRI vâ deade tru şteare unâ hâbare spoprtivâ di-tru lumea a sportului albu, tenisulu feminine tru scarâ mondialâ. Ţea ma buna giucâtoare românâ di tennis, Simona Halep tricu di pi loculu trei pi care eara tru mesulu alonar, pi loculu doi, mesulu aestu, tru clasamentulu mondial; aestâ, după ţi chinezoica Na Li, locul 2 WTA, feaţe hâbare că nu are sâ participâ la turneile la care lipsea sâ si ducâ, di pi continentulu nord-american, di aform’ia a unei accidentare. Aestâ turlie, Na Li nu-şi apărâ punctile di-tru 2013 şi punctaju,lu a l’ei armâne tru ierarhia mondialâ ma m’ic di aţel a li Simona Halep, loculu 3 WTA în prezent. Nintea a li Simona arâmâne maşi unâ giucâtoare care easte liderulu mondial. Easte giucâtoarea americanâ Serena Williams. Ascensiunea a Simonâl’ei Halep( 22 de ani) arhiusi tru mesulu mai anulu tricut, cându Halep ocupa maşi loculu 64 în lume şi nu avea amintatâ niţiun titlu WTA. Di atumţea, Simona Halep îşi tricu în contu şapte titluri WTA, şi chiru anulu aestu finalile di la Madrid şi Roland Garros, ambile dinintea a rusoaicâl’ei Maria Sharapova.

Tru un articol di mesulu ţi tricu di pi site-ul tennis.com, un jurnalistu sportiv are zboarâ multe bune trâ Simona Halep, aşi cum nâ informa adevǎrul.ro, di dumânicâ 27 alonar.

Titlul a articolului easte Chalk and Cheese” (n.r. Cretă şi Brândză) — expresie pi care american’il’i u felisescu trâ dauă lucre ţi ş-u aduc la suprafaţă, ama în realitate extrem di diferite. Peter Bodo (65 de ani), omulu care lo di dauă ori distincţia trâ aţel ma bunlu jurnalistu di-tru sportul albu, aleapse aestă expresie trâ unâ comparaţie anamisa di Simona Halep şi Eugenie Bouchard.

Textul a lu Peter Bodo, publicat pi tennis.com, arhiuseaşte cu unâ mutritâ di ansamblu asupra a circuitului feminin: Nâ aflăm tru mesea a unei tranziţie majorâ: unile di aţeale ma veneratile giucătoare di sex feminin care suntu, şi eale, nu cǎ aşi si tihisi, vitale trâ profilul WTA — îmbitrânescu. Eale pot sâ îmbitrâneascâ tut aşi di muşat ca Tina Turner, ama îmbitrânescu. Din fericire, trâ harauâ, nale talente si ved lişor, lişor, niţiunile ma rapide şi mai artistiţe dicât Simona Halep şi Eugenie Bouchard, care apărurâ anulu aestu ca dzeamine tru minarea di tineret WTA.

Alte feate extrem di talentate, cum suntu Garbine Muguruza, Belinda Bencici, Donna Vekici şi Madison Keys si-au remarcatâ, şi eale, tru sezonulu actual, ama niţiunâ di eale nu si hârâsi di tut aţel succes ca Halep şi Bouchard. Nu are vârâ importanţă că aţeale dauă suntu ahât di diferite, în ciudia faptului că sunt si ved îndauâ similarităţ în stil şi ndauâ detalii comune di statistică”.

Halep easte opusul a lu Bouchard”

Peter Bodo menţioneadză din start diferenţile anamisa di aţeale dauă, pi teren şi în afoara a lui, remarcânda că Eugenie Bouchard si spune di tora ca un extraordinar produs di marketing, aţea ţi nu easte dip tru avantajulu a l’ei: Halep easte unâ româncă în vârstă di 22 di an’i, cu doi an’i şi giumitate ma mare di canadianca Bouchard, ama ninca di-tru tut aţea generaţie. Bouchard easte extraordinară şi vandabilă — care, nu di câbatea a l’ei, va u facâ lişor s-hibâ dispreţuitâ di oamin’i. Halep easte tru anumite vidzute opusulu a lu Bouchard, ama nu în sensul cǎ sâ creadzâ unâ imaghine rivală. Cu eale daule, tută lumea amintâ”.

Bilanţu aprucheat tru 2014

Halep amintǎ dauă titluri tora di oarâ anulu aestu, Bouchard unulu. Bilanţurile a lor suntu multu aprucheate tru 2014: Halep are 36 di meciuri amintate şi 10 chirute, după trofeulu cucerit la Bucureşti. Bouchard are 36, respectiv 14. Halep easte ma m’icâ di anǎlţime cu 10 centimetri di Bouchard”, care easte aşi comparabilâ cu Maria Sharapova.

Ascultaţ aoa–>