Agenda armaneasca 2013.12.17

Împlinirea a 100 di an’i di la stabilirea a relaţiilor diplomatiţe anamisa di România şi Albania, fu marcată la Ministerulu a Afacerilor Externe, di la Bucureşti. Evenimentul fu faptu luni 16 andreu 2013, la un secol di la modificarea politic-teritorialâ a lumil’ei balcanicâ.

Hristu Steriu, 19.12.2013, 22:39

La 12 brumar 1912 Ismail Quemali declara tru câsâbălu Vlora independenţa a li Albanie faţă di Imperiul Otoman. Ismail Qemali fu prim-ministru a li Albanie (1912-1914). Dupu ma multe adunări la nivel internaţonal ligat di polimile balcaniţe, pri-tru tratatlu di pace di la Bucureşti, di-tru agustu 1913, fu creat năulu stat independentu di imperiul ottoman, Principatulu a li Albanie ică Albania.

La 15 andreu 1913, Mihai N. Burghele fu numit ministru plenipotenţiar şi pitricutlu extraordinar a Regatului a li Românie pi lângă guvernul albanez di-tru câsâbălu Durres.

Cându ma amânat, istoriculu român Nicolae Iorga scrise celebra lui lucrare dispre urmaşil’i a ilirilor, el fu răsplătit di regele Ahmet Zogu cu unâ proprietate pi mealul a Maril’ei Ionică, la Saranda.

Anlu aestu furâ fapte ma multe manifestări trâ marcarea a 100 di an’i di ligâturi bilaterale. Tru un communicat di presâ a Ministerului trâ Afaceri Externe easte consemnat aestu evenimentu aniversar şi si spune că Ministerul a Afacerilor Externe apânghisi pi 16 andreu 2013, evenimentul dedicat a aniversaril’ei a 100 di an’i di relaţii diplomatiţe bilaterale anamisa di România şi Republica Albania.

Ambasadorulu a Republicâl’ei Albania la Bucureşti, Sami Shiba, prezentă salutulu a popului albanez trâ întreaga Românie, mulţan’isinda a Ministerului Afacerilor Externe trâ organizarea a liştei manifestare.

“Azâ onorăm contribuţia a Româniil’ei, unâ ţară ţi deade îndrupâmintu a li Albanie, unâ ţară în care comunitatea albaneză giucă un rol cruţial la pregătirea a proclamaril’ei a independenţâl’ei a li Albanie. (…) România deade nu maşi agiutor politic dimplin, hiinda prima vâsilie ţi pricunoscu independenţa a li Albaniei, ama şi un importantu îndrupmintu financiar trâ protlu guvernu albanez”, dzâse Sami Shiba.

El spuse că România easte un aliat a Albanil’ei în cadrul a organizaţil’ei NATO şi un partener importantu în parcursul a l’ei spri integrarea europeană.

“Voiu să scot tru mighdane că, în calitate di aţeale ma vecl’ilu popule di-tru reghiunea a noastră, român’il’i şi albanezil’i avurâ sâ si alumtâ cu tut aţeale provocări în istorie. Destinulu comun li apruche, creânda unâ tradiţie care uni arădzle a populilor a noastre, culturile şi mentalităţile, existânda multe similarităţ deadun şi cu alte popule din Balcani”, adapse ambasadorulu a li Albanie la Bucureşti.

Vicepreşedintile a grupului parlamentar di priiatinie şi suţâl’e cu Albania, Oana Manolescu, dzâse că, în opinia a l’ei, albanezil’i din România reprezintă minoritatea care si integră ţel cama ghine în ţara a noastră .

“Există atracţie spirituală nu maşi întră doi oamin’i sau grupuri m’iţ di oamin’i, există atracţie spirituală anamisa di naţiun’i, popule, niscântiori interveninda şi antiţile rădăţin’i comune. Easte şi cazulu a populilor albanez şi român, cu îndipărtate, ama puterniţe rădăţin’i comune traco-daco-gheto-ilire. (…) Relaţiile diplomatiţe dintră Albania şi România, relaţii care tru 2013 împlinescu 100 di an’i, sunt încurunarea ofiţială a ligăturilor di piste dauă m’il’e di an’i a ţilor dauâ popule”, dzâse deputatulu.

***************

La evenimentu participarâ secretarulu di stat Radu Podgorean, ambasadoril’i a Republicâl’ei Albania la Bucureşti, Sami Shiba, respectiv a li României la Tirana, Viorel Stănilă, avdzâţ specialişti a mediului academic, membri a corpului diplomatic acreditat la Bucureşti, ninca şi niscâţâ di aţel’i ma importanţâl’i promotori a relaţiilor culturale bilaterale, cum suntu scriitorulu Marius Dobrescu, Fahri Balliu, redactorulu şef al Editurii 55 din Republica Albania, şi criticulu literar Luan Topciu, ministru consilier la ambasada Albaniei la Bucureşti. Minoritatea albaneză din România fu reprezentată di deputatulu Oana Manolescu, preşedintile a Asociaţil’ei Liga Albanezilor din România.

Secretarulu di stat Radu Podgorean scoase tru mighdane importanţa a luştui evenimentu conferită şi di celebrarea a aniversaril’ei di unâ ahoria importanţâ a 100 di ani di relaţii între România şi Republica Albania, ama şi di cadrulu creat, la sediul a Ministerului a Afacerilor Externe, trâ rememorare aţeale ma importantile momente di-tru raporturile bilaterale, inclusiv pri-tru expoziţia di documente expuse tru aula a Salâl’ei Gafencu.

Tutunâoarâ, Radu Podgorean scoase tru mighdane faptul că celebrarea a chentenarului a relaţiilor bilaterale româno-albaneze conferi cadrul uidist trâ unâ nauă abordare tru eforturile di consolidare a relaţiilor bilaterale, şi aduse aminte seria di adunări în cadrulu a dialogului politic bilateral di-tru chirolu di ma nâpoi, făcânda referire la: vizita la Tirana a Preşedintelui a Camerâl’ei a Deputaţilor, Valeriu Zgonea (11 – 12 noiembrie 2013), recenta adunare la Bucureşti, la 26 brumar 2013, a ţilor doil’i premieri, în marja a Summit-ului China-Europa Centrală şi di Estu, vizita comună tru Albania, la 7 sâmedru 2013, a ministrului român a afacerilor externe, Titus Corlăţean, în calitate di Preşedinte-în-Exerciţiu al organizaţil’ei SEECP procesulu di cooperare tru Europa di sud-estu, south-east European cooperation process (arada di omologulu a lui lituanian, în calitate di PRES UE), pricum şi recenta adunare a ţilor doil’i miniştri di externe în marja a ministerialâl’ei NATO, la 3 decembriu 2013. În cadrul a discursului, demnitarul român aduse aminte inaugurarea, la 7 andreu 2013, a noului Consulat Onorific a li Românie la Korcea.

Tru bitisitâ, demnitarulu roman u spuse vrearea ca relaţiile româno-albaneze să si dezvoltâ pi misura a potenţialului a patrimoniului comun cultural, lingvistic, soţial şi politico-diplomatic ahât di bogat, ahât di avut.

În cadrulu a evenimentului fu prezentată contribuţia editorială a lu Fahri Balliu, redactor şef a Editurâl’ei 55, gazetar şi fostu diplomat, la cunoaşteiea în Albania a unor opere fundamentale diitru literatura, istoriografia şi filologhia românească. Aşi, dată hiinda contribuţia lui ahori la dezvoltarea a relaţiilor culturale anamisa di România şi Albania, l’i si decernă unâ diplomă di excelenţă din partea a Ministerului a Afacerilor Externe a li Românie. Tutunâoarâ, deputatulu Oana Manolescu, l’i oferi unâ diplomă a redactorului şef Fahri Balliu din partea a Asociaţil’ei Liga Albanezilor din România, sumcundil’inda faptul că relaţiile diplomatiţe anamisa di daule state şi centenarulu di anlu aestu, sunt încurunarea ofiţială a ligăturilor di priste 2000 di an’i a ţilor dauă popule. Tru arada lui, Fahri Balliu reliefă faptul că relaţiile dintre România şi Albania suntu unile de suflit, suţâl’ia româno-albaneză tricânda dinclo di relaţiile uzuale diplomatiţe.

**************

.Tru arada a cheremoniil’ei zburârâ şi:

Gheorghe Micu ambasadorulu a Româniil’ei la Tirana tru an’l’i 1990-2009, Marius Dobrescu, redactor şef a revistâl’ei “Pritenul Albanezului”, scriitorulu Fahri Balliu cu scriiri şi traduţiri di-tru literatura a daulor popule, academicianulu Grigore Brâncuş, ţi scoase tru mighdane simasia a comunitatil’ei armâneascâ, a armân’lor fârşiroţ di-tru Albania, ca hiindalui unâ apunte anamisa di daule popule.

Cu aestâ aform’ie, Ministerlu trâ Afaceri Externe dişcl’ise unâ expoziţie di cărţâ şi documente care spun istoriclu a ligâturilor anamisa di Românmia şi Albania,

cu titluri ca:

“De la românii din Albania”, di D.Burileanu,

“Albania”, di D.Abeleanu,

“Aspecte din Albania”, di Vlad Bănăţeanu,

“Despre Albania şi albanezi”, di Gelcu Maksutovici,

“Albania şi România”, di Nicolae Iorga,

“Istoria Albaniei”, di Kopi Kuciuku,

“Istoria comunităţii albaneze din România”, di Gelcu Maksutovici,

“Gheorghe Kastriotul Skanderbeg şi lupta albanezo-turcă în secolul al XV-lea”,

“Mişcarea naţională albaneză”, di Dumitru Polena.