14 candidaţ suntu tru campanie electorală tră protlu turu a alidzerloru prezidenţiali. Tru România, viniri ahurhi, campania electorală tră protlu tur a alidzerloru prezidenţiali. Aesta va s’bitisească tru 23 di brumaru, oara 7,00. Alidzerli prezidenţiali suntu programati ti 24 di brumaru – protlu tur di scrutinu şi tru 8 di andreu-doilu turu. Anamisa di aţeali dauă tururi, dimi tru 1 di Andreu, tamamu ti Dzuua Naţională, va s’ţănă alidzerli leghislativi.
