Una traghedie naţională
România easti tru catastisi di şoc după traghedia di viniri seara, dit clublu di rock Colectiv, dit tentrul a Bucureştiului. Suti di tiniri cari aleapsiră s-partitipa la un contert a trupal’ei ‚Goodbye to Gravity’ fura victimile a unui incendiu declanşat di artifitii. Tra mulţa di români, zboarali nu suntu duri! Ti atea, cama di 10 n’il’i loara parti, dumanică, la un marşu … a tătearil’ei tru memoria a dzatlor di morţa şi tru semnu di solidaritate cu atel’i ti armasira tru bana, mulţa nica tru catastisea greauă i critică tru spitale. Atel’i cama di 10 n’il’i deadira cali a unui apel lansat cu masi una dzuua ninti pi Facebook. Iniţial, tru Piaţa ali Universitati — loc emblematic ali capitala — s-adunara aproapea una n’il’e di persoane, ama numirlu a lor criscu exponenţial pi calea până la ‚clublu a lahtaril’ei’. Români di tuti ilikiili, mulţi nviscuţ tru lae, urdinara tu una isihie cama cu halat andicra di una aurlari di dureari şi di revoltă, primii dit coloană purtândalui una hlambura di mari dimensiuni di cari era acatata una peatica di jeali.
Roxana Vasile, 02.11.2015, 19:25
Pe tricolor era scris “Eroii nu va s-cheara”. cadealihea easti că evenimentul niplăcut a impresionat pe toată lumea. Nu suntu lucruri pe cari le poţi comenta sau, cel puţin, eu nu pot. Tocmai ce am venit di la o cunoştinţă di la capelă. Dumnezeu să-l ierte! Ce să zic, e şocant.”Puteam s-escu mini acolo, ar fi putut fi oricine dittre noi. Sper ca totul să fie tru regulă şi să nu se muşamalizeze nimic şi cei cari suntu vinovaţi să plătească pentru asta.”
La loclu ali traghedie, transformat tru una ayiudima cabaia mari tru aera libira, avea vinita alti aproapea 2 n’i’i di persoane, una amari di lilici şi teri. Featira placarii aclo, ntra alţal’ii, prezidentul Klaus Iohannis, moştenitoarea ali caruna vasilikeasca ali României, principesa Margareta, ambasadorlu SUA, Hans Klemm, atel ali Franţa, François Saint-Paul, personalităţi a banal’ei culturala româneşti. Lilici şi teri fura dipuse, tutunaoara, tru alta casabadz dit România. Ma multu ! Bucureşti, solidaritatea spontană a oamin’ilor, una s-una după infernul di la clublu di rock, fu impresionantă. Mobilizarea a cadrilor medicale fu exemplară. A aistor la deadira agiuitor studenţa medicinişti, ama şi doctori ti eara vniţ special dit Israel şi Franţa. Numirlu a donatorlor di sândzu s-triplat, ntra aeşti s-aradapsira şi ambasadorlu a Israelului, dna Tamar Samash.
Echipe di voluntari ampartu mâcari şi apă, em a lor, em şi a personallui medical. Ma multi singiri di magazine deadira len turlii di produse. Ma multi companii bagara la dispoziţie bilete di avion şi di autocar ti soia di gradlu una şi doi a victimilor ica transportu gratuit tra atel’i cari vor s-doneadza sândzu. Colegiul a psihologilor da asistenţă gratuită tra familiile a victimelor, iara una asociaţie a avocaţlor ş-dimanda disponibilitatea tra s-agiuta gratuit ndridzearea ti iti demersu juridic caftat di soi. Multa demnitari xen’i şi şefi di misiuni diplomatiti acreditaţ Bucureşti pitricura condoleanţe a familiilor ti suntu di jeali şi a popului român. Ministerlu român di Externe la haristusi!
Armanipsearea: Tascu Lala
