Ucraina poate să conteadză pi soţâl’i a l’ei
Roxana Vasile, 28.11.2022, 22:13
Ucraina va treacă prin ţea mai greauă iarnă di după Doilu Polim Mondial, ahât Kievulu, cât şi soţâli a lui hiinda ananghe să si îndreagă tră ţi un ahtare lucru – declară ambasadorulu a Româniilei în Ucraina, Alexandru Victor Micula. Și tot el adavgă – niţe un om, ama, nu lipseaşte să si alasă intimidat di atacurile a reghimului Putin contra a infrastructurâlei civilă. Ambasadorulu român precizeadză, pi di altă parte, că Bucureștiul va să se impliică în reconstrucţia a Ucrainălei prin proiecte derulate la nivelul a Uniunilei Europeană, ama şi prin proiecte naţionale. Alexandru Victor Micula, care şi-arhiusci mandatulu la Kiev tru mesulu alonar al iştui an, explică cum decurdze tot lucurlu:
ʺEaste ananghe să achicăsim că easte un proces foarte complexu, di aformia că, macă easte să mi raportedzu la momentul a conferinţălei din Lugano, di la arhiusita mesului alonar, la momentul respectiv si zburaa di aproximativ 40.000 di obiective care fură distruse parţial sau complet şi care avea nevolie di agiutor tra să hibă reconstruite. Până să vin/ să agiungu la postu, deja si avea dublatăe numirulu a obiectivilor distruse complet sau parţial, iar, pi misură ţe si eliberează teritorii ucraineane, constatăm că nivelul de distrudzire în zona respectivă easte enormu, aşi că nevolile crescu exponenţial pe misură ţi ostilităţile continuă. Lipseaşte să recunoaştim efortul faptu di autorităţâle ucraineane prota oară tra să poată să aibă ună listă actualizată a obiectivilor care lipseaşte să hibă reconstruite. Doi, maniera în care ufelisescu ună metodologhie dezvoltată di Banca Mondială tra să estimeadză costurile a reconstrucţilei a catheunei obiectiv în parte. Trei, maniera în care asociadză obiectivulu care necesită reconstrucţie cu donatorulu potenţial, ţara sau instituţia internaţională care îşi asumă reconstruirea a ţelui obiectiv, aţea ţi faţe că aţeale obiective sunt scoase di pi lista a ţilor iu si caftă finanţare. Iar tora, împreună cu Comisia Europeană, cu Banca Mondială, cu Banca Europeană tră Reconstrucţie şi Dezvoltare, lucrăm la a patra componentă, şi anume mecanismul di finanţare a reconstrucţilei. Nă dorim/avem dor să avem şi îndoauă proiecte di reconstrucţie iu să băgăm flamborionulu/ drapelulu românescu, nişte proiecte di construcţie naţionale şi himîn etapa în care evaluăm potenţiale zone iu să putem să implementăm ahtări proiecte şi să aledzem domeniul în care să nă specializăm.ʺ
Pi nângă programe guvernamentale ică arada di alte state membre și cu Comisia Europeană, există și foarte multe programe a autorităţâlor locale din România, a unor organizaţii niguvernamentale, fundaţii şi tamam a unor voluntari. Toate aeste agiutoare oferite a li Ucraină sunt importante. Ama – spune ambasadorulu a Româniilei în Ucraina – nevolile sunt ahât di mări, încât aţea ţi poate să hibă oferit din toată inima easte ună giumitate di chicătură într-un ocean.
Autor: Roxana Vasile
Armânipsire: Hristu Steriu
