Prima pagină » Actualitate » Ţea mai marea inflaţie di 5-l’i an’i di ma nâpoi

Ţea mai marea inflaţie di 5-l’i an’i di ma nâpoi

In România, rata anuală a inflaţil’ei alinăă la 5% tru marţu 2018, ţel mai marile nivel di ultimil’i ţinţe an’i, – feaţe hâbare, ază, Institutulu Naţional di Statistică. Uidisit cu spusa INS, creaşterea si faţe di la scunchirea prâmâtiilor cu aproapea 7 procente, a ţilor alimentare cu 4% şi a serviciilor cu circa 3 procente. In cazulu a alimentelor, ţel ma mult si scunchiiră limon’ile şi citricele, urmate di fructile proaspite şi di legume.Tot INS anuunţă că român’il’i au plătită mai multu tru mesulu martţu trâ carburanţâ si gaze naturale. Ună rată mai mare a inflaţil’ei anuală fu consemnată tru cirişar 2013, cându preţurile di consum tricură di 5,3%. Tru mesulu februarie 2018, Banca Naţională a Româniil’ei alâxi pi alinare prognoza di inflaţie trâ finalulu a anului la 3,5%, di la 3,2%. Si Eurostat confiirmă că, tru mesulu februarie 2018, România înreghistrăă ţea mai analta inflaţie anuală (3,8%) di-tru Uniunea Europeană. Pri nângă aestă, rata anuală a inflaţil’ei are înreghistrată ună creaştire semnificativă in Romania di la intrata a lu 2018. Tru mesulu gh’inar, criscu până la 4,32%, di la 3,32% tru andreu 2017, urmată tru şcurtu di ună creaştere la 4,72%. BNR explicăă, în februarie, la publicarea Raportului mutrinda inflaţia, că principalile/mai mările cauze ţân di efectile di bază asociate a reduţerilor şi eliminărilor di impozite indirecte şi taxe nefiscale în perioada similară a anului anterior, ama şi di majorările recente a tarifilor/pâhadzâlor la energhia electrică, gaze naturale şi energhie termică, pricum şi de creaştirea preţului a combustibililor. Purtătorulu di zbor a PNL, di opoziţie, Ionel Dancă, declarăă, ază, dupa anunţul INS, că ună rată anuală a inflaţil’ei ahât di mare înseamnă ună explozie a preţurilor care tal’ie di putearea di acumpărare a român’ilor. Uidisit a luştui, creaştirea economică a Româniil’ei fu bâgată pi câciube (tru situaţie grauă) tru maşi un an di guvernare PSD — ALDE. El mai spuse că actuala guvernare lipseaşte să hibă dânâsită printr-ună moţiune di cenzură di cătră Partidulu Naţional Liberal. Pi di altă parte, Guvernul di la Bucureşti adoptăă, ază, ună ordonanţă di urgenţă pri-tru care Comisia Naţională di Prognoză si transfoormă tru Comisia Naţională di Strateghie şi Prognoză. Uidisit a Executivului, aeasta va elaboreadză programe sociale şi de dizvoltare economică, pricum şi prognoze şi studii mutrinda echilibrul macroeconomic. Totunăoară, va aibă atribuţii di evaluare a impactului economic şi social a schemilor di agiutor di stat şi a proiectilor di investiţii publiţe dezvoltate în parteneriat public-privat.