Şeflu SIE s-deadi demisia
Luni, demisia a directorlui SIE, Mihai Răzvan Ungureanu, fu dipusă la Prezidentil’ea ali Românie, a deapoa una copie a aistei, deadun cu caftarea a prezidentului Klaus Iohannis cătra Parlamentu, mutrindalui declararea a postului ca hiindalui vacantu, agiumsi la Senat. Şeflu a statlui cundil’e ca va s-faca una pripuniri tra ipotisea di director SIE masi dupa alidzerli parlamentari, programate tu 11 di andreu. El adăvga că nu s-mindui toradioara, la varnu, tadi s-tadi insu tra s-intra pi aesta ipotisi şi spusi că lucarli suntu sum control la SIE, iu gheneralu Silviu Predoiu — formal numirlu doi a serviciului, ama calificat di comentatori ca easti şeflu di facto – va s-asiguripseasca, diznau, cumandusearea interimară.
Bogdan Matei, 27.09.2016, 14:36
Luni, demisia a directorlui SIE, Mihai Răzvan Ungureanu, fu dipusă la Prezidentil’ea ali Românie, a deapoa una copie a aistei, deadun cu caftarea a prezidentului Klaus Iohannis cătra Parlamentu, mutrindalui declararea a postului ca hiindalui vacantu, agiumsi la Senat. Şeflu a statlui cundil’e ca va s-faca una pripuniri tra ipotisea di director SIE masi dupa alidzerli parlamentari, programate tu 11 di andreu. El adăvga că nu s-mindui toradioara, la varnu, tadi s-tadi insu tra s-intra pi aesta ipotisi şi spusi că lucarli suntu sum control la SIE, iu gheneralu Silviu Predoiu — formal numirlu doi a serviciului, ama calificat di comentatori ca easti şeflu di facto – va s-asiguripseasca, diznau, cumandusearea interimară.
Ia ti spusi Klaus Iohannis : Aprukeaiu aza, ti prandzu, demisia di la domnul director Ungureanu. Dumnil’ea a lui cundil’e furn’ii personale şi nu am informaţii suplimentare. Ama, avândalui tu videala că SIE lipseasti s-lucreadza niacumdinat şi s-hiba tru permanenţă ndreptu tra s-l’ia meatri tru iti situaţie, an’i si păru di simasie s-apandasescu ntraoara. Dimec, una s-una ti an’i vini aestă demisie u aprukeaiu, dedu habarea ca u aprukeaiu şi ma largu serviciul va s-hiba cumandusitu, cadealihea, până cându va s-hiba tin’isiti tuti protedurli birocratiti.”
Tru arada a lui, przidentul ali Comisie parlamentara di control ali SIE, Mihăiţă Calimente, spuni că directorlu adusi dininti furn’ii medicale tra demisia a lui: Aprukeaiu un telefon di partea a domnului director Mihai Răzvan Ungureanu care an’i dimanda s-am pisti tru nasu că demisia a dumniil’ei a lui s-fati di furn’ia a catastisil’ei di sănătate ti u ari. An’i spusi ca lipseasti s-seada tru crivati şi că easti una problemă salami şi neise easti goala furn’ie tra cari s-pitricu demisia. Varnu nu adusi zborlu ca avu ica ari un conflictu anamisa di serviciu şi prezidentil’e.”
Ghini ma, speculaţiile mutrindalui ca anamisa di Iohannis şi Ungureanu lucarli suntu arati isira tru videala di vara ndoi mesi di dzali. Profesor universitar şi istoric poliglot, atel numasit, cu familiaritate, MRU fu un di haidipsitl’i a fostului şef a statlui, Traian Băsescu. Tru atel’i dzati an’i di prezidentil’e al Băsescu, Ungureanu fu ministru di Externe, anamisa di 2004 şi 2007, premier efemer, anamisa di meslu scurtu şi meslu mai 2012, şi longheviv şef ali SIE, anamisa di 2007 şi 2012. Nu avea tricuta tru arada a CV-lui masi prezidentil’ea ali Românie — s-pizuia di nasu comentatorl’ii, speculândalui că tamam vrerli pan di mardzina tra prezidenţil’e vahi al’i adusi căderea tru nivreari di catra alantal’i.
Ma multu, aca infirmati public di şefa ali Direcţie, Laura Codruţa Koveşi, anamisa di SIE şi DNA vahi avea tiva disuiduseri instituţionale, di furn’ia a ixichil’ei di andrupari di partea a serviciului tra investigaţiile mutrindalui corupţia transfrontalieră. Di duti aesti furn’ii, spuni presa, demisia al Mihai Răzvan Ungureanu nu lipseasti s-ciuduseasca pi varnu.
Autor: Bogdan Matei
Armanipsearea: Tascu Lala
