Securitati la Amarea Lae
Caplu a Pentagonului, Chuck Hagel, s-andamusi tru portul Constanţa cu mininstrul român ali apărari, Mircea Duşa. Atel’I doi vizitara pamporea USS Vella Gulf, pitricuta tru zonă s-asiguripseasca aliaţl’ii europeni di angajamentul a americanilor andicra di securitatea a lor, tru contextul a crizal’ei dit Ucraina.
Mihai Pelin, 06.06.2014, 12:59
Caplu a Pentagonului, Chuck Hagel, s-andamusi tru portul Constanţa cu mininstrul român ali apărari, Mircea Duşa. Atel’I doi vizitara pamporea USS Vella Gulf, pitricuta tru zonă s-asiguripseasca aliaţl’ii europeni di angajamentul a americanilor andicra di securitatea a lor, tru contextul a crizal’ei dit Ucraina.
Secretarlu american ali Apărării, Chuck Hagel, feati aeara, una scurtă vizită tru România, la acl’imarea a omologlui a lui român, Mircea Duşa. Atel’I doi ufitiali s-andamusira Constanţa (port la Amarea Lae), iara moeabetli avura tru amprotusa teme catacum dimensiunea militară a parteneriatlui strategic bilatearal, catastisea ali opearaţionalizari tra proiectili americane dit România şi apofasili criscuti di securitate pi cari NATO lipseasti s-li l’ia tru regiunea ali Amarea Lae. Tru bitisita a moeabetlor, el’i vizitara crucişătorlu american USS Vella Gulf, pitricut tru zonă ca apandisi la criza dit Ucraina, vitină cu Romania. Mircea Duşa haristusi tra prezenţa criscută tru zonă a forţilor aeriene, terestre şi navale aliate. Mircea Duşa:
“Haristusim ti prezenţa a pamporilor militare americane tru Amarea Lae, cari da izini ti dizvartearea di exerciţii comune cu forţili navale române şi cari agiuta tra criştearea a siguranţal’ei tru aestă zonă. Haristusim tra vrearea spusa di Statele Unite şi de NATO tra s-află cearei concreti atea turlie ca s-hiba criscută prezenţa a axizerlor ali Alianţa pi flancul dit apirita.”
Tru minduita a ministrului Duşa, catastisea di securitate dit regiune s-alaxi una turlie dramatica. Tru arada a lui, caplu a Pentagonlui spusi că România easti un partener de pistusini şi că prezidentul Barack Obama haristuseasti multu di multu tra agiutorlu si sutal’ia a aliatlui a l’ei di la Amarea Lae. Ma ninti, Varşovia, caplu di la Casa Alba deadi asiguripseri a aliaţlor est-europeni că Statele Unite va u veagl’e securitatea tru arada al NATO. El spusi că va s-cafta a congreslui di Washington tra s-da un miliardu di dolari tra hairlatica a axizearil’ei forţili americane şi aliate dit Europa.
Vizita al Chuck Hagel tru România s-fati dupu dauă stămâni di anda avea vinită Bucureşti viteprezidentul Joe Biden, cari spusi diznau tru arada a lui, angajamentul a Statilor Unite andicra di securitatea a aliatlor est-europeni. Tru yinitoarili dzali şi trei senatori americani va s-agiunga tru România. Easti zborlu di John McCain, fostu candidat republican la prezidentili’e, sotlu a lui Ron Johnson şi democratlu Chris Murphy. Atel’I trei va s-aiba andamusi cu reprezentanţal’i a guvernului, prezidentiil’ei şi cu parlamentari români. Vizita a lor tru România s-fati tut tru chirolu a gailipserlor ligati di conflictul dit Ucraina, subiectu zburat tora ayon’ia Bruxelles di liderl’ii G7.
El’i caftara ali Rusie tra s-traga ascherili di la sinurlu cu Ucraina şi s-ufiliseasca influenţa ti u ari dinintea a separatiştilor pro-ruşi tra curmarea a mintireasilor dit estul a fostal’ei ripublit sovietite. Liderl’ii a nai cama vartoasilor economii dit lume dimandara că suntu hazari s-baga sancţiuni nica ş-ma serti contra ali Rusie, cara aesta nu va s-faca gaereti ti ndridzearea diznau ali stabilitati tru Ucraina.
Armanipsearea: Tascu Lala
