Secretarlu general NATO tru România

Atel’i dit soni mesi di mandat tru harea di secretar general al NATO suntu, tra danezlu Anders Fogh Rasmussen, şi nai cama apreshi. Până la 1 di sumedru, când va u da ştafeta/ cumandul a norvegianlui Jens Stoltenberg, el lipseasti s-chiverniseasca dosarul ucrainean, cu alti zboara nai cama greaua criză geopolitică dit Europa di după polimlu arati. Ti atea, largu tra s-hiba orlea zorlea protocolare, vizitele di alasari sanatati/ oara buna pi cari Rasmussen le fati tru capitalele a statelor membre suntu ma multu una furn’ie tra s-veada fratal’ia si limbidzamea a tru lucru a aliaţilor. Aflat Bucureşti, iu s-andamusi cu protl’I factori di apofasi a statlui român, secretarlu general declara, tru un interviu tra Radio România:

România Internațional, 16.05.2014, 14:01

Atel’i dit soni mesi di mandat tru harea di secretar general al NATO suntu, tra danezlu Anders Fogh Rasmussen, şi nai cama apreshi. Până la 1 di sumedru, când va u da ştafeta/ cumandul a norvegianlui Jens Stoltenberg, el lipseasti s-chiverniseasca dosarul ucrainean, cu alti zboara nai cama greaua criză geopolitică dit Europa di după polimlu arati. Ti atea, largu tra s-hiba orlea zorlea protocolare, vizitele di alasari sanatati/ oara buna pi cari Rasmussen le fati tru capitalele a statelor membre suntu ma multu una furn’ie tra s-veada fratal’ia si limbidzamea a tru lucru a aliaţilor. Aflat Bucureşti, iu s-andamusi cu protl’I factori di apofasi a statlui român, secretarlu general declara, tru un interviu tra Radio România:

“Lipseasti s-na nvitam cu aesta naua turlie , va sa spun, di polim sofisticat. Tru loc di fuvirseari militară pi faţă, videm aesti minări ma discrete, cu scupolu ti mintirea a catastisil’ei tru nascanti vasilii şi u vidzum aesta limbid tru Ucraina, prota tru Crimeea, ti dusi cu alichearea paranom la Rusia, şi videm aesta tora tru apirita ali Ucrain. Nu east ici pi daua că Rusia easti dinapoia a mintireasilor dit apirita ali Ucraina. Tutunaoara, videm cilastaserli ali Rusie tra s-ancupăra influenţă tru mass-media, ti exemplu, tra s-aiba influenţa tru opinia publică şi protsesili politice. Lipseasti s-avem ngatan si s-na nvitam cu aesta catastisi.”

După ti si spusi, susto, tin’ia andicra di unitatea şi suvearanitatea ali Ucrainei vecine, România agiumsi, tru staman’ili dit soni, ţinta a retorical’i fuviroasa a nascantor di tu membrii di prota thesi ali administraţiei di Moscova. Aca, cadealihea, exagearate, asparizmili mutrindalui una tindeari catra ascapitata a conflictului dit Ucraina u acata si opinia publică românească. Anders Fogh Rasmussen cundil’e ca nu suntu ti dealihea scenariile ca di fanica tru cari, naiv ica sinfirisit, s-exerseadză nascanti bots dit spaţiul public românescu:

“Pot s-va asiguripsescu că toţi aliaţii suntu ahandos acatats cu lucurlu tu ti mutreasti Articolul 5 şi apărarea comună şi videţiaestu lucru dimonstrat prin jgl’ioatili ti li avem fapta tra sa u anvartusim apărarea comună prit ma multe opearaţiuni aerieani poliţieneşti pisupra a statilor baltice. Nchisim avigljarea cu avioanele AWACS pisupra ali Poloniei şi Românie, videţ şi una ma mari prezenţă navală aliată tru Marea Neagră şi tru Marea Baltică şi mai multe exerciţii militare terestre, aşi că featim demonstratia că Alianţa easti adunata stog cându easti zborlu ti Articolul 5 şi di apărarea comună.”

Simpla existenţă a NATO şi existenţa Articolului 5 au un ahtari efectu ti tal’earea curayilu, ti furn’ia ca potenţialii fuvirsitori niti barim nu s-minduescu s-calca un stat membru — nica spusi, tra Radio România, secretarul general al Alianţei.

Armanipsearea: Tascu Lala