România – campioană europeană la tenis di measă

Tu kirolu a unal’ei xeri ti rezultati cu anami pi nivel internaţional, sportul românesc da seamne că poati tra s-nastreacă a l’ei condiţie. Echipa feminină di tenis di measa ali Românie aminta, tu bitisita a stămânal’ei ti tricu, medalia di malama la Campionatele Europene, competiţie organizată Luxemburg. Echipa ali Românie, adrată dit Eliza Samara, Daniela Dodean-Monteiro, Bernaditte Szocs, Irina Ciobanu şi Adina Diaconu, spusi giuneata, tru una finală dramatică, cu 3-2 la meciuri, dinintea ali Germanie. Parcursul ali Românie fu completat di ateali trei victorii dit faza a grupilor, cu Olanda, 3-0, cu Cehia, 3-1, şi cu vasilia-nicukiră, 3-1, şi di ateali cu Portugalia, dit cirecuri, scor 3-0, şi Rusia, tu semifinale, tut 3-0.

Florentin Căpitănescu, 18.09.2017, 12:08

Tu kirolu a unal’ei xeri ti rezultati cu anami pi nivel internaţional, sportul românesc da seamne că poati tra s-nastreacă a l’ei condiţie. Echipa feminină di tenis di measa ali Românie aminta, tu bitisita a stămânal’ei ti tricu, medalia di malama la Campionatele Europene, competiţie organizată Luxemburg. Echipa ali Românie, adrată dit Eliza Samara, Daniela Dodean-Monteiro, Bernaditte Szocs, Irina Ciobanu şi Adina Diaconu, spusi giuneata, tru una finală dramatică, cu 3-2 la meciuri, dinintea ali Germanie. Parcursul ali Românie fu completat di ateali trei victorii dit faza a grupilor, cu Olanda, 3-0, cu Cehia, 3-1, şi cu vasilia-nicukiră, 3-1, şi di ateali cu Portugalia, dit cirecuri, scor 3-0, şi Rusia, tu semifinale, tut 3-0.

Performanţa easti cu ahât ma meritorie cu cât, la nivelu a naţionalelor di pe continentu, naturalizarea a agiucatoarilor dit Asia, lugursiti nai ma bune dit lume, a giumsi ma multu di una modă. Di altă parte, rezultatlu u confirma adetea ti România u harni, u simina, tu 25, 30 di ani dit soni, tu tenislu di measa. Ti furn’ia ca naţionala feminină avea tu palmares nica alti trei titluri di campioană europeană, amintati tu 1992, 2002 şi 2005, şi nica patru finale kiruti, tu 2010, 2011, 2013 şi 2015.

Tu atea dit soni România fu azvimtă tamam di Germania, aşi că victoria di la ediţia di estan a Europenelor easti una revanşă. Una multu aştiptată, pricanascu antrenorlu ali Românie, Viorel Filimon, nominalizat, tu 2015, la titlul di nai ma bun antrenor a lumil’ei. Tu concursul masculin a Campionatilor Europene, după una prestaţie modestă, România bitisi pi loclu 11. Tu atel dit soni meci, unu di clasamentu, România aazvimsi cu scorlu 3-1, pareia ali Polonie.

Autoru: Florin Capitanescu

Armanipsearea: Tascu Lala