Reacții la atacarea ali Ucraină di cătră Rusia
Prezidintul ali Românie, Klaus Iohannis, condamnă cu zboară serti fuvirsearea armată ali Fediraţie Rusă contra ali Ucraină. Aestu purtaticu cari yini dupu pricunuştearea paranomu di cătră Fediraţia Rusă a indipendinţăllei autoproclamatilor ripubliţ separatiste ditu Doneţk şi Lugansk, părţă componente ali Ucraină, easti ună nauă călcari flagrantă a prinţipiilor di dreptu internaţional, maxusu a suvearanitatillei şi integritatillei teritoriale ali Ucraină, a inviolabilitatillei sinurloru aluştui stat, respectiv a prinţipiului ta s’nu ufilisească forţa tru ligăturli internaţionale – cundilleadză şeflu a statlui român, uidisitu cu unu comunicat ali Administraţie Prezidinţială. România, diadunu cu tută comunitatea internaţională dimocratică, adavgă prezidintul Iohannis, nu aproaki apufusitu unu ahtari purtaticu iresponsabil, cari submineadză thimellilu a relaţiilor internaţionale şi işiş arada di drept internaţională.
Bogdan Matei, 24.02.2022, 16:48
Prezidintul ali Românie, Klaus Iohannis, condamnă cu zboară serti fuvirsearea armată ali Fediraţie Rusă contra ali Ucraină. Aestu purtaticu cari yini dupu pricunuştearea paranomu di cătră Fediraţia Rusă a indipendinţăllei autoproclamatilor ripubliţ separatiste ditu Doneţk şi Lugansk, părţă componente ali Ucraină, easti ună nauă călcari flagrantă a prinţipiilor di dreptu internaţional, maxusu a suvearanitatillei şi integritatillei teritoriale ali Ucraină, a inviolabilitatillei sinurloru aluştui stat, respectiv a prinţipiului ta s’nu ufilisească forţa tru ligăturli internaţionale – cundilleadză şeflu a statlui român, uidisitu cu unu comunicat ali Administraţie Prezidinţială. România, diadunu cu tută comunitatea internaţională dimocratică, adavgă prezidintul Iohannis, nu aproaki apufusitu unu ahtari purtaticu iresponsabil, cari submineadză thimellilu a relaţiilor internaţionale şi işiş arada di drept internaţională.
Și premierlu Nicolae Ciucă condamnă apofasea ali Fediraţie Ruse di ta s’aputrusească teritoriul ali Ucraină, pe cari u lugurseaşti un act ilegal di fuvirseari, şi u spuni solidaritatea Executivlui di la București cu Guvernul ucrainean. El reitereadză că România s’hărseaşti di tuti garanţiile di securitate şi di solidaritate cari cură ditu calitatea di stat membru NATO și adreseadză a tutulor cetăţenilor români un apel la isihie.
Tuti partidile parlamentare di la Bucureşti, emu ditu coaliţia guvernamentală PSD-PNL-UDMR, emu ditu opoziţie, USR şi AUR, condamnară tu arada a loru, agresiunea militară rusească ditu Ucraina. Ma ninti, ministrul Apărarillei, Vasile Dtrucu diclară că, tru cazul a unui conflict armat, România easti pregătită s’aproaki pisti 500 di ñilli di arifugaţ ditu Ucraina. “Ari unu plan tru aestă noimă cari easti ndreptu tru tuţ mărlli căsăbadz, ari zone tru viţinătatea a sinurloru” – exighisi ministrul.
Cama di 600 di kilometri di sinuru amaprtu România di statlu viţinu. Comunitatea românească di aclo easti tu unu numiru di 400 di ñilli di oamiñi ş-cama, majoritatea concentraț tru nordul ali Bucovină, nordul și sudlu ali Basarabie și Ținutul Herța, teritorii românești anexate di fosta Uniune Sovietică stalinistă tru 1940 și priloate, ca stat succesor, di Ucraina tru 1991, unăoară cu dizintegrarea URSS.
Canţelariile ditu lumea tută civilizată reacţionară cu stupefacţie şi indignare la noulu polimu provocat di aţea ţi analiştilli număsescu megalomania ti ptănu kiro a septuagenarului lidir di la Kremlin, Vladimir Putin. Ti secretarlu general al NATO, Jens Stoltenberg, aestu easti un atac nibunu şi niprovocat, cari bagă tu piriclliu multi sufliti di oamiñi. Partenerllii americani şi europeni a Kievlui dinunţară, la unison, naua fuvirseari rusesască şi ş-li reitearară andrupămintulu ti indipendinţa, suveranitatea şi integritatea teritorială ali Ucraină.
Autor: Bogdan Matei
Armânipsearia: Taşcu Lala
