Prima pagină » Actualitate » Reactii dupa anvistearea a naului guvernu

Reactii dupa anvistearea a naului guvernu

N’iercuri fu una dzua mplină tru politica di Bucureşti. După audierile-maraton dit comisiile di specialitate, miniştrii PSD-ALDE dit noulu Cabinet al Sorin Grindeanu loara votlu di pistipseari a Legislativlui: 295 di parlamentari votara tra şi 133 contra.

Roxana Vasile, 05.01.2017, 18:55

Tru arada a dezbaterlor premergătoari, noulu premier cundil’e că tru programlu di guvernari s-yilipsescu tuti misurli prezentate tru campania electorală, votate deapoa, pi 11 di andreu, di nai cama mulţa români. Ntra altile, creaştirea economică lipseasti să s-veadă tru gechili a românilor, care lipseasti s-aiba tin’ii di cafi mes mari. Tutunaoară, România aşteaptă investitori xen’i cari lipseasti s-află ună forţă di lucru ghini pregătită şi un cadru fiscal bun. Premierul prezenta şi ndaua decizii concrete care va s-hiba apufusiti tru yinitorlu aprucheat, neise creaştirea a tin’iil’ei di cafi mes nai cama n’ica, un di nai cama n’it dit Uniunea Europeană.

Sorin Grindeanu: “Avem tru videala una creaştiri a tin’iil’ei d cafi mes nai cam n’ica pi economie la 1.450 di lei ti aestu an, până la 1.750 di lei tru anlu 2020. Lipseasti orlea zorlea s-criştem punctul di pensie atea turlie câ aestu s-agiubgă, tru 2021, la 45% dit valoarea a tin’iil’ei di cafi mes di mesi pi economie, respectiv 1.775 de lei, cu una primă di creaştire, la 1.000 di lei, tru anlu 2017. Putem s-criştem veniturile ali populaţie prit scădearea a taxilor aferente a aistor venituri. Un impozit ma n’ic pi câştiglu amintat însiamneadză ma mulţa paradz cari agiungu tru gepea a cetăţeanlui. Tru aesta noima, avem tru videala scutirea di impozit tra tuti veniturli ma n’it di 2.000 di lei pi mes, ca va s-hiba zborlu tra pensii, tin’ii di cafi mes di venituri dit activităţ independenti.”

Una turlie ti eara astiptata, dezbaterli dit Legislativ la învestirea a Cabinetlui Sorin Grindeanu s-alaxira tru prima confruntari dit spaţiul parlamentar anamisa di puteari şi opoziţie. Aesta dit soni, reprezentată di PNL, USR şi PMP, puncta, nica s-ma multu, că proaspitlu Executiv nu easti simfun cu standardili di axizeari, autonomie şi transparenţă vruti di români, iara programlu di guvernari easti nirealistu.

Idyea idee isi tru videala şi dit discursul pri aoa pri aclo ironic a preşedintelui a vasiliil’ei, Klaus Iohannis, care l’i-apruke, deapoa, atel’i 27 di membri a noului Cabinet tra s-da giuratlu … “Giur s-cilastasescu cu tuta putearea şi masturlakea tra prucukia spirituală şi materială a popului român, s-tin’isescu Constituţia …” După ti, arada-arada, miniştril’ii giurara s-lucreadza tra ghineaţa a vasiliil’ei, şeflu a statlui la caftan a aistor să-şi tin’iseasca complicatili taxeri dit campania electorală. El va ca Executivlu să-l’i exighiseasca, dimec, cum va s-hiba tanut deficitlu sum 3% dit PIB după creaştirea a tin’iilor di cafi mes, scădearea şi tradzearea mana di la taxi şi impoziti.

Tutunaoară, Klaus Iohannis spusi că aşteaptă andrupari tra una justiţie independentă, tra orientarea euro-atlantică ali Românie şi kivernisearea responsabila ali economie. Klaus Iohannis: “Prota ki prota, aşteptu să u ţanet limbidă, vizibilă şi declarată orientarea euroatlantică ali Românie. Io aşteptu s-adraţ tut ti s-poate, şi s- poati, s-andrupaţ una justiţie independentă tru România. Aesta nsiamneadză anvartusearea a statlui di dreptu. Aşteptu, şi aştiptăm tuţ aesta arada, pot să spun, s-kivernisiţ una turlie responsabila economia românească, ahât cât tani di Guvernu, ama cu certitudine aştiptăm tuţ s-kivernisiţ, una turlie responsabila finanţili publiti.”

După priloarea ntraoara a portofoliilor di la predecesorl’ii a lor tehnocraţ, miniştril’i a Guvernului Sorin Grindeanu lipseasti să-şi apufusească urgenţili a hurhital’ei di mandat, tra s-li parastiseasca viniri, tru andamusea di Guvernu. Campania electorală tricu – spusi primlu-ministru — a deapoa Executivlu lipseasti s-treacă la bagarea tru lucru a programlui cari dusi la amintarea a alidzerlor.