Proeuropean’il’i amintâ Chişinăulu

Reprezentantul ali opoziţie pro-europeana dit Ripublica Moldova (ex-sovietică, majoritar românofonă), Andrei Năstase, aminta, dumanică, alidzerli antitipate tra primăria a Chişinăului. Ndrupatu di ma multe formaţiuni polititi, liderlu a partidlui Platforma Demnitate şi Adevăr (PPDA, dreapta extraparlamentară proeuropeană) aminta cama di 52% dit voturi tru turlu doi di scrutin, tru cari s-antricura cu candidatlu a socialiştilor (stânga proarusă), Ion Ceban. Tru ilikia di 42 di ani, Andrei Năstase, di profesie avocat, agumsi tru enga a publiclui tru 2015, cându fu un dit liderl’i a manifestaţiilor organizate tru semnu di protestu andicra di chirearea a unui miliardu di dolari dit sistemlu bancar ali Republica Moldova. Andrei Năstase easti şi un critic sertu a controversatlui embur Vladimir Plahotniuc, lider a Partidlui Democrat, aflat la puteare. Tru una conferinţă di presă, la cari eara viniţ membri a pareiil’ei a lui di campanie, ama şi reprezentanţa a Partidlui Acţiune şi Solidaritate (PAS), a Maiil’ei Sandu, şi a Partidlui Liberal Democrat (PLDM) – dauă dit formaţiunile cari lu ndrupara – Năstase zbura ti importanţa a aistei andrupari tra victoria amintata şi cundil’e ca easti ananghi ti colaborari şi tu yinitu, maxus la alidzerli parlamentare cari va s-tana tru insita a anlui.

Corina Cristea, 04.06.2018, 10:58

Reprezentantul ali opoziţie pro-europeana dit Ripublica Moldova (ex-sovietică, majoritar românofonă), Andrei Năstase, aminta, dumanică, alidzerli antitipate tra primăria a Chişinăului. Ndrupatu di ma multe formaţiuni polititi, liderlu a partidlui Platforma Demnitate şi Adevăr (PPDA, dreapta extraparlamentară proeuropeană) aminta cama di 52% dit voturi tru turlu doi di scrutin, tru cari s-antricura cu candidatlu a socialiştilor (stânga proarusă), Ion Ceban. Tru ilikia di 42 di ani, Andrei Năstase, di profesie avocat, agumsi tru enga a publiclui tru 2015, cându fu un dit liderl’i a manifestaţiilor organizate tru semnu di protestu andicra di chirearea a unui miliardu di dolari dit sistemlu bancar ali Republica Moldova. Andrei Năstase easti şi un critic sertu a controversatlui embur Vladimir Plahotniuc, lider a Partidlui Democrat, aflat la puteare. Tru una conferinţă di presă, la cari eara viniţ membri a pareiil’ei a lui di campanie, ama şi reprezentanţa a Partidlui Acţiune şi Solidaritate (PAS), a Maiil’ei Sandu, şi a Partidlui Liberal Democrat (PLDM) – dauă dit formaţiunile cari lu ndrupara – Năstase zbura ti importanţa a aistei andrupari tra victoria amintata şi cundil’e ca easti ananghi ti colaborari şi tu yinitu, maxus la alidzerli parlamentare cari va s-tana tru insita a anlui.

Andrei Năstase dimanda că va s-faca una analiză complexă a catastisil’ei di la Primărie tra s-apufuseasca lucarli di prota thesi. Alidzerli ninti di kiro ti ipotisea di primar a Chişinăului s-tanura după ti atel di ma ninti edil, liberalu Dorin Chirtoacă, s-deadi demisia tru meslu scurtu, ti furn’ia a unlui dosar di corupţie, pi cari el alu denunţa ca hiindalui orchestrat di puteare. Tora, Dorin Chirtoacă alu hiritisi pi Andrei Năstase şi al’i feati urminii s-adra un stur deadun a forţilor di dreapta la alidzerli parlamentare. Şi socialistul Ion Ceban alu hiritisi pi Andrei Năstase tra victoria amintată, ama, spusi ca votlu fu un politic şi geopolitic. Di alta parti, multa analişti di Chişinău suntu simfun’i că s-vota pi criterii geopolititi, cata cum s-fati la cafi scrutin dit Ripublica Moldova. Bucureşti, dreapta conservatoare şi liberală hiritisi victoria al Adrian Năstase, ti cari spusi ca easti remarcabilă, lugursindalui că raţiunea azvimsi şi că dit aesta oara ahurheasti alumta ti alidzerli parlamentari dit aesta toamnă, cându va s-da alithea alumtă. Naulu primar va-lu aiba mandatlu aproapea un an, până la alidzerli locali dit 2019.

Autor: Corina Cristea

Armanipsearea: Tascu Lala