Prima pagină » Actualitate » Proceduri judiciare în cazulu „Sebastian Ghiţă”

Proceduri judiciare în cazulu „Sebastian Ghiţă”

La aproapea patru meşi di la dispariţia lui, fostul deputat şi om di afaceri român Sebastian Ghiţă fu identificat şi reţânut în noaptea di 13 spre 14 apriliu di autorităţâle di-tru Sârbie în baza mandatilor emise în România. Pi numa lui sunt dişcl’ise mai multe dosare penale şi eara căftat pin Interpol. Fostul parlamentar fu localizat la Belgrad, iu fu acâţat după ţi la un control a poliţilei si leghitimă cu permis di conduţire şi buletin di Slovenia. El easte tora în arest preventiv şi easte cercetat trâ posesie di acte false, ama autorităţâle române vor ca el să hibă adus şi giudicat în ţară. Procedura di extrădare easte pregătită, spune ministrulu român a Justiţilei, Tudorel Toader. El exigh’isi că aşteaptă documente di la instanţile din România emitente a mandatului di arestare pi numa lu Sebastian Ghiţă, urmânda că imediat apoia să hibă demarată procedura di extrădare. Fostul deputat si poate să hibă giudecat ama şi tru Sârbie, ma că autorităţile di-tru aestă ţară constată că are comisă ună infracţiune pi teritoriul a lor. Lucrile pot să si complică şi mai multu, iar extrădarea si poate să hibă şi amânată în situaţia în care Sebastian Ghiţă va sâ caftă azil politic în Serbia. Poliţiştil’i români avură ună contribuţie importantă la reţânirea fostului parlamentar şi au faptă alâximintu di date şi informaţii cu colegil’i a lor di-tru Sârbie şi Slovenia. Acţiunile a lor fură coordonate di procurorulu di caz, iar rezultatile fură transmise operativ a autorităţâlor sârbe. Ţinţe dosare penale îl vizeadză în prezentu pi Sebastian Ghiţă. El easte acuzat, printră alte, di dare de mită, instigare la abuz în serviciu şi spilare di pâradz, cumpărare şi trafic di influenţă, şantaj, constituire a unui grup infracţional organizat şi ofelisirea di informaţii ţi nu sunt destinate a publicitatilei. Tru ultimil’i ani, firmele a lu Sebastian Ghiţă feaţe afaceri multu profitabile cu statulu român, în valoare di dzăţ di milioane di euro. După ţi dispăru, el feaţe mai multe dezvăluiri incendiare la un post TV pi care-l controla, după care fostul numir 2 din SRI, gheneralul Florian Coldea fu demis şi trecut în rezervă. Ţel’i doil’i si pare că tricură mai multe vacanţe împreună şi că fură multu apropiaţ. În calitate di deputat, in perioada 2012-2016, Sebastian Ghiţă feaţe parte din Comisia parlamentară di control a SRI. În plus, ună parte di afacerile a lui si derula tamam cu aestă instituţie, multe di contracte hiinda secretizate pri-tru invocarea confidenţialitatilei a li tehnologhie livrată.