Priorităţ politiţi

Parlamentul bicameral di Bucureşti ş-ahurheaşti, stămâna aesta, activitatea

Warning: Trying to access array offset on null in /home/web/rri.ro/public/wp-content/themes/rri/template-parts/content.php on line 98
Bogdan Matei, 30.01.2023, 20:51

Cabaia lungă tră lucrătorlli ditu sectoarele productive ale societati româneşti, vacanţa a politicienilor ahurhi cu multu kiro ninti di Crăciun, pi 14 di andreu 2022, şi va s’bitisească tăş ñercuri, 1 di şcurtu 2023. Cu bateriile teoretic ncărcate, senatorii şi diputaţii di la Bucureşti s’toarnă la lucru, tră prota sesiune parlamentară a anului. Anamisa di priorităţile aliştei, easti, asimcum yilipsea presa, proiecte di nom sensibile, cum atelu a pensiilor di serviciu, cari nu lipseaşti s’năstreacă tiñia di cafi mesu ditu perioada activă, ică pripunirle di alăxeari a nomurloru educaţiillei, ti cari partidile ditu coaliţia guvernamentală PSD-PNL-UDMR nu agiusiră nica la ună variantă comună. Nomlu a nvăţământului preuniversitar şi atelu mutrinda nvăţământul universitar easti, nica tru analiza specialiştilor tru educaţie a aţiloru trei partidi. Suntu părţ ale proiectului prezidetuţial România educată, lansat, nica di aoa şi aproapea un deceniu di şeflu a statlui, Klaus Iohannis, şi armasi tut tru catandisea di ciornă.

Uidisitu cu călindarea apufusită di decidenţălli politiţ, tru şcurtu aesti lipseaşti s’treacă di Guvern şi deapoa, tru marţu, s’agiungă tru Parlament, tră s’hibă adoptate. Senatorul PSD Vasile Dîncu spunea, ama, tora ma ninti că ljlji căftă a liderlui social-dimocrat, Marcel Ciolacu, s’caftă tru coaliţie prilundzearea a vadelui di prezentare a nomurloru ali educaţie, tră un plus di consultări. Alliumtrea, diputatul Ionuţ Stroe, purtătorul di zboru a PNL, armas partidlu di suflet a prezidentului, cundilleadză că aestă călindari lipseaşti shibă tiñisită. Un altu proiect di nom cari lipseaşti s’hibă tru debatu şi votat easti atelu mutrinda pensiile di serviciu tră diverse categorii di beneficiari, ntră cari magistraţllii, personalu auxiliar ditu instanţi ică militarlli.

Tru perspectiva a anului electoral 2024, un proiect di nom cari aşteaptă votul tru Parlament easti aţelu ţi mutreaşti ca minimum un cirecu ditu candidaţlli di pe listele di la parlamentare şi locale s’hibă mlleri. Tru paralel, spun analiştii, liberalii şi social-dimocraţii ş’fac planuri tră momentul a rocadăllei convenite la nivelul coaliţiei di guvernare, dimi rotaţia premierilor şi alăxearea a născăntoru ministere anamisa di atealu dauă partidi. Uidisitu cu unu protocol a coaliţillei, aestă rotaţie lipseaşti si s’facă tu bitisita a meslui mai, cându social-democratlu Marcel Ciolacu lipseaşti ta s’llia loclu a liberalului Nicolae Ciucă la şefia Guvernului, iara aestu ditu soni s’prillia şefia a Senatlui, asigurată tora, interimar, di soaţa a lui di partidu Alina Gorghiu. Liberalii insistă ca protocol s’hibă tiñisitu di tamam, aca social-democraţlli vor tra s’tănă ministerele iu spun că reprezentanţăllii a lor au faptă performanţă, cata cum Sorin Grindeanu la Transporturi i Adrian Câciu la Finanţe.

Autoru: Bogdan Matei

Armânipsearia: Taşcu Lala