Premierlu Grindeanu, dinintea a Parlamentului

Opoziţia liberală dit Parlamentul ali Românie cafta a primlui ministru social — democrat, Sorin Grindianu, explicaţii tru legătură cu dauă ordonanţe di urgenţă, cari alocă a autorităţlor locale 30 di miliardi di lei(6,5 miliardi euro) dit paradaz publit tra dizvoltari, ama fără plafon di hargiueri şi sancţiuni. Tru opinia a PNL, va s-hiba zborlu tra un abuz, cari va s-duca la dependenţa a responsabilor locali di semnătura a ministrului tra dizvoltari regionale. Ia ti spusi prezidentul a PNL, Raluca Turcan: “Ti altutiva ca masi una limbida caliseari la jaf reprezintă suspendarea tra un an, prit Ordonanţa 9, a nascantor articole cabaia di simasie dit nomlu a finanţilor publiti, articole cari baga cheaditi tra hargili abuzive, nicontrolate? Tru minduita a guvernului Grindeanu, Parlamentul numata lipseasti sa stiba turlia tru cari s-da şi s-dizvartescu mparmuturli di angajamentu 30 di miliardi di lei lipseasti s-ducă tru puşculiţa a nandoi lideri a majoritatil’ei (PSD — ALDI, n.red) tru un mistico pan di mardzina”.

Ştefan Stoica, 14.03.2017, 13:52

Opoziţia liberală dit Parlamentul ali Românie cafta a primlui ministru social — democrat, Sorin Grindianu, explicaţii tru legătură cu dauă ordonanţe di urgenţă, cari alocă a autorităţlor locale 30 di miliardi di lei(6,5 miliardi euro) dit paradaz publit tra dizvoltari, ama fără plafon di hargiueri şi sancţiuni. Tru opinia a PNL, va s-hiba zborlu tra un abuz, cari va s-duca la dependenţa a responsabilor locali di semnătura a ministrului tra dizvoltari regionale. Ia ti spusi prezidentul a PNL, Raluca Turcan: “Ti altutiva ca masi una limbida caliseari la jaf reprezintă suspendarea tra un an, prit Ordonanţa 9, a nascantor articole cabaia di simasie dit nomlu a finanţilor publiti, articole cari baga cheaditi tra hargili abuzive, nicontrolate? Tru minduita a guvernului Grindeanu, Parlamentul numata lipseasti sa stiba turlia tru cari s-da şi s-dizvartescu mparmuturli di angajamentu 30 di miliardi di lei lipseasti s-ducă tru puşculiţa a nandoi lideri a majoritatil’ei (PSD — ALDI, n.red) tru un mistico pan di mardzina”.

Punctul di videala a liberalilor fu ndrupat şi di reprezentanţal’i a USR. Tru apandisea a lui, premierlu Sorin Grindianu exighisi că ateali 30 di miliardi di lei reprezintă rezultatlu a cafttărlor di proiecte viniti di partea a primarlor, inclusiv a PNL. Şeflu a executivlui feati timbihi căte cama di 60% dit nicuchiratili dit mediul rural nu au ban’ie i grup sanitar nauntrul a casilor, a deapoa acceslu la educaţie şi sănătate easti deficitar. Sorin Grindeanu feati apel la grupurli parlamentari ca, indiferentu di hroma politică, să ndrupască proiectele di modernizari ali Românie.

Ia ti spusi Sorin Grindeanu: “Avem borgea s-lă asiguripsim a tutulor cetăţenilor a aistei vasilii acceslu la una pacheta minima di servicii comunitari. Cama di 9.500 di obiective di investiţii va s-hiba finanţati prit aestu program tru yinitorl’I patru an’i, s-hiba ca zburam di lucrări di apă, canalizari, cal’iuri, iluminat public ica infrastructură şcolară şi medicală. Spun cât s-poati di limbid: ma s-alatuseasca varnu şi va s-adara altutiva cu paradzl’I ahardziţ tra investiţii, atumtea, cadealihea, va s-da giueapi dinintea a nomlui. Avui tru aestu chiro furn’ia s-mi adun cu mulţa primari, un lucru easti salami: la si aura s-facă calici Bucureşti tra s-caftă finanţari tra proiectili a lor”.

Tut dit taburea a Putearil’ei, diputatlu ALDI, Varujan Vosganian, adusi aminti că, uidisitu cu un raporta a Băncal’ei Mondiali, va s-hiba ananghi di 150 di miliardi di lei tra asiguripsearea a unal’ei pacheta minima di confortu rural. Ateali dauă ordonanţi tricura, di Senat şi intră tru procedură parlamentară la Camera a Deputaţlor, cari ari vot decizional.

Autor: Ştefan Stoica

Armanipsearea: Tascu Lala