Parteneriat strategic reconfirmat România – SUA
Marţă s-ţănu, Washington, a daua andadusi anamisa di prezidenţăl’i american, Donald Trump, si român, Klaus Iohannis. Ea s-bitisi cu ună declaraţie comună tru cari aţel’i doi lideri tăxescu s-ahăndusească aţea ţi număsescu Parteneriatlu a nostru Strategic vărtosu şi durabil”. Va s-ndridzem năi oportunităţ tra creştirea a securitatil’ei, dezvoltaril’ei şi prucuchiil’ei, şi tra s-apăndăsimu ma ghini la provocărli şi responsabilităţli globale pi cari li mbărţitămu, săspuni tru declaraţie. Documentul rememoreadză Revoluţia dit Andreu di aoa şi 30 di ani, cându român’il’i surpară ună dictatură brutală şi ndriptară văsilia pi calea ali democraţiei, a statlui di drept şi a economiei di piaţă şi aduţiaminti că anlu aestu s-umplu şi 15 ani di la aderarea ali Românie la NATO. Deadun – nica să spuni tru declaraţie – statele a noastre featiră gaereţ durabile tra modernizarea a forţelor a noastre armate şi tra s-tin’isimu angajamentele asumate tru cadrul NATO tu ligătură cu partajarea echitabilă a responsabilităţilor.
Ştefan Stoica, 21.08.2019, 12:57
Militarl’i a noştri acţionează anumir di anumir tra apărarea a libirtatil’ei şi cu scupolu tră anvărtusearea a posturăl’ei di apărare şi discurajare pi Flancul Estic al NATO, inclusiv tru Amarea Lae, cari easti di importanţă strategică tra securitatea transatlantică, subliniadză atel’i doi lideri. El’i da, pi di altă parte, asigurări că va s-caftă s-evită riscurile di securitate cari nsuţăscu investiţiile chineze tru reţelele di telecomunicaţii 5G. Ună temă sensibilă ali andamusi fu securitatea energetică, reflectată şi tru declaraţia comună: România şi Statele Unite pricunosc că securitatea energetică easti securitate naţională. Subliniem opoziţia a noastră andicra di Nord Stream 2 şi alti proiecte cari îl’i fac pi aliaţl’ii şi partenerl’ii a noştri dipendenţă energetic andicra di Rusia.
Resursele di gaze naturale dit România au potenţialu tra s-crească prucuchia a statilor a noastre, ama şi tra s-anv1rtuseadză securitatea energetică a Europei. România şi Statele Unite va s-facă analiza ti modalităţ tră făteari ma cu hăiri climatlu investiţional tru domeniul ali energie tră hăirea a dauliloru văsilii”. Liderl’ii american şi român spun că excelentul parteneriat tru domeniul ti băgarea tru lucru a nomlui şi alumtăl’ei contra ali corupţiei au la thimel’iu, susta, un angajamentu reciproc andicra di statlu di dreptu şi ună justiţie independentă. Părţăle scot tru videală creaştirea substanţială a alăxerlor comerciale bilaterale şi intereslu comun tra crearea a unui climat investiţional cari s-aducă dininti transparenţă, predictibilitate şi stabilitate. Prezidentăl’i american şi român vor, neise, anvărtusearea a ligăturăl’ei comerciale şi creaştirea a investiţiilor tru dauli văsilii.
Klaus Iohannis: Lipseaşti s-cilăstăsimu ma multu, em tru ţi mutreasti comerţul, em investiţiile. Easti important s-aflăm năi domenii di extindere a cooperaril’ei economiţi tru domenii cum energie, cyber ică industria apăraril’ei. Di altă parti, cu ocazia a vizităl’ei fu simnat un memorandum di achicăseari anamisa di ateali dauă guverni mutrinda tehnologia 5G, avânda tu videală importanţa a securitatil’ei reţelili di comunicaţii wireless di bărnul ţinti tra asigurarea a prucuchiil’ei, ama şi a securitatil’ei naţionale”. Aţel’i doi lideri zburără şi ti admiterea ali Românie tru programlu Visa Waiver. Statele Unite năpoi şi spusră ndrupămintul tra eforturli a Bucureştiului ta s-hibă eligibil tru simfunie cu căftărli a legislaţiil’ei americani.
Autor: Ştefan Stoica
Armânipsearea: Taşcu Lala
