Comisarlu ivropean ti agriculturâ, Janusz Wojciechowski, ți easti tu unâ vizitâ ufițialâ tu Românie, lo parti la Conferinţa Naţionalâ a Clublui a Fermierilor Româñi
România ş-Franţia ș-aspunu diznău apofasea ta ș-anvârtușeadzâ ligâtura di dauli părțâ
NATO lipseaști s-armânâ unitâ - easti mesajulu a secretarlui gheneral ali Suțâlli Nordu-Atlanticâ, Mark Rutte, anda s-facu alidzerli ditu Americâ
Aoa şi 35 di añi, aprindu 10-li di brumaru, tru 1989, Murlu a Berlinlui numata eara ună lăhtărseari și nitriţeari a sinurlui cari lli-ampărţa ghirmañilli unu-alantu.
Compania Naţională Poşta Română dimăndă, sâmbătă, că apruke protili voturi pritu corespondenţă pitricuti di cetăţeañilli români ditu diaspora tră alidzerli prezidenţiali şi parlamentari ditu 2024.
Nica trei româñi ţi eara spuşi că chirură di itia a nicărloru ditu Valencia fură aflaţ morţă.
Liderlli ivrupeañi avură muabeţ Budapesta ti hala greaua a kirolui di adză mutrinda securitatea ali Ivropa, ama şi tră migraţie şi securitatea economică.
Prezidentulu ali Românie Klaus Iohannis și premierlu Marcel Ciolacu pitricură hiratimati adză al Donald Trump tră victoria a lui tru alidzerli prezidențiale ditu SUA. „România easti un aliat strateghic vărtosu și angajat al SUA. Prin gaereţli a noastre comune, va s’aduţemu irine și prucukietu văsiliili a noastre și nu maş, cu viglleari sinferurli a noastre comune”, angrăpsi prezidentulu ali Românie pi un şingiru di socializare.
Maia Sandu armâni prezidenta ali Ripublica Moldova (ex-sovietică, majoritar românofonă). Prezidenta ali Ripublica Moldova, pro-occidentala Maia Sandu, fu aleaptă diznău ti un mandatu di patru añi. Tru turlu decisivu, di dumănică, a alidzerloru prezidențiali, ea amintă cama di 55% ditu voturi.
Campanii electorali tu Românie; România, solidarâ cu Spania; Borgi guvernamentalâ tu crișteari; Republica Moldova ș-Uniunea Evropeanâ; Radio România – 96 di añi
Radio România yiurtuseaști adzâ 96 di añi di emisie fârâ curmari. Semnu di tiñii ti rollu ți lu avu tu isturia ali Românie, dzuua di protu di brumaru fu luyursitâ di Parlamentu ti dzuuâ naţionalâ a radioului.
Pro-occidentala Maia Sandu şi pro-aruslu s’ampulusiră tru goala muabeti cu debatlu televizatu ninti di doilu turu a prezidenţialilor ditu Ripublica Moldova.
Ca daima, istoria tuti li exighiseaşti. Locărli anamisa di Prutu și Nistru, ţi u yilipsescu, tru linii cabaia mări, actuala Ripublică Moldova, fură bănati ditu veclliulu kiro di româñi.
14 candidaţ suntu tru campanie electorală tră protlu turu a alidzerloru prezidenţiali. Tru România, viniri ahurhi, campania electorală tră protlu tur a alidzerloru prezidenţiali. Aesta va s’bitisească tru 23 di brumaru, oara 7,00. Alidzerli prezidenţiali suntu programati ti 24 di brumaru – protlu tur di scrutinu şi tru 8 di andreu-doilu turu. Anamisa di aţeali dauă tururi, dimi tru 1 di Andreu, tamamu ti Dzuua Naţională, va s’ţănă alidzerli leghislativi.
Ma mulţă morţă şi pliguiţ easti isapea dupu ună atacă "teroristă" faptă la sediul a unăllei companii ditu industria di apărari ali Turchie, deadi hăbari, ñiercuri, ministurlu ti Lucri di Năuntru ali Turchie, Ali Yerlikaya.
