Organizarea a alidzerlor dit diaspora, tru anchetă.
Social-democraţl’i spun că vor s-ducă guvernarea până tru cap tra s-tin’isească, aestă turlie voturli prit cari miliun’i di român’i la deadiră aestă pitipseari anda s-tănură alidzerli parlamentari dit 2012. Opozanţăl’i lă caftă, al’iumtrea, s-tragă măna di la puteari, a deapoa a premierlui Victor Ponta să-şi dipună mandatlu tră turlia tru cari fură organizati ateali dit soni alidzeri prezidentiali dit diaspora. Easti cazlu nica si a prezidentului tru exerciţiu, Traian Băsescu:
Roxana Vasile, 05.12.2014, 12:16
Nu va s-hibă/ nu va s-aibă văsilie tru Uniunea Europeană tru cari ma să s-agiundzea tu catastisea di la turlu ună şi turlu doi la alidzeri prezidentiali, aşi cum s-feati tu 2 şi 16 di brumar, primlu ministru s-nu s-da demisia. La noi, domnul Ponta s-lugurseasti cu ndreptu tra s-armănă tru funcţie. Fac apel la Victor Ponta s-achicasească că, tru aestu momenut, agiumsi ună scambă ligaăta di ciciorlu ali Românie.”
Explicaţia a crititlor easti simplă: cănăscut ti orientarea a lor politică preponderentu di dreapta, roman’il’i dit xinătati putea s-li aspargă planurli a şeflui a Executivlui tra s-agiungă tu naima marea funcţie dit stat. Em, prit organizarea cu vreari, multu slabă a scrutinlui dit xinătati, echipa al Victor Ponta vrea tra să spună că nu easti dealithea ună ahtari eventualitate. Victor Ponta chiru, ama, alidzerli prezidentiali, a deapoa diaspora ălu votă tru proporţie multu mari contracandidatlu liberal Klaus Iohannis. Fostu membru a PSD, proaspit exclus dit partid, Mircea Geoană spuni cu dzeaditlu:
Responsabilii politit morali ali aistei situaţii suntu candidatlu Ponta şi atel’I cari fură ninga el’i şi cari loară apofasili cari dusiră la ună azvindzeari catastrofală a PSD-ului.
Demisiile ti s-li deadiră ti un kiro di ună stămână atel’i doi miniştri di externi — Titus Corlăţean şi Teodor Meleşcanu, aflat căbati ti ună slabă chiverniseari — nu putură s-li isihăsească spiritili. Ma mulţă român’i, dit arada a n’il’ilor cari sidzură săhăts ntredz arada tra s-voteadza şi nu apraftăsira, featiră plândzeri penale. Instrumentat tru ună primă fază di Parchetlu General, dosarlu fu priloat di Direcţia Naţională Anticorupţie, că tse fură lugursiti că faptili pot s-hibă acătsati tru isapi ş-tru dispoziţiile a nomlui mutrindalui prevenirea, aflarea şi sancţionarea a faptilor di corupţie. Tru aestu kiro, parlamentarl’i di Bucureşti declară că vor ta s-află soluţii atsea turlie că situaţia di la prezidentiali s-nu s-facă diznău. Deputatlu Eugen Tomac:
Nu ari cama s-ampărtsăm România di năuntru şi România di nafoară. Zburăm di roman’il’i cari băneadzăa năuntrul ali UE. Şi Londra, şi Cluj oamin’il’I au idyili ndrepturi şi borgi ti li au tuţ cetăţean’il’i comunitari. Ti atea, minduescu că soluţia nai ma sigura easti s-bagăm tru lucru ntrăoară votlu prit coresponditţă.”
Victor Ponta insuşi pricunoaşti că pălti păhălu politic tră ateali ti s-featiră, adăvgândalui, la capitolu ‚pripuniri’, băgarea tru practico a votlui electronic şi alidzearea a unei instituţii, altă andicra di Ministerlu di externe, cari s-lucreadză ti organizarea tehnică a protesului electoral dit xinătati.
Armanipsearea: Tascu Lala
