ORDONANȚILI MILITARI nr. 5 şi 6 ditu 30.03.2020

ORDONANȚA MILITARĂ nr. 5 dit 30.03.2020 mutrindalui meatri ta s’nu s’araspandeascâ COVID-19

Eugen Cojocariu, 01.04.2020, 10:49

Avândalui tru videalâ dispozițiile art. 24 dit Ordonanța di ananghi a Guvernului nr. 1/1999 mutrindalui regimlu ti catandisea di asediu și regimlu a catandisillei di ananghi, publicată tru Monitorul Oficial a Românillei, Partea I, nr. 22 dit 21 yianaru 1999, aprobată cu alâxeri și adâvdzeri pritu Nomlu/ Legea nr. 453/2004, cu alâxerli și adâvdzerli yinitoari,

Dupu isapea faptâ di Comitetul Național tra Situații Speciale di Ananghi, aprobată pritu Hotărârea nr. 16 dit 30.03.2020,

Pi thimellilu art. 4 alin. (2) și (4) dit Deretlu Prezidentului ali Românie nr.195/2020 mutrindalui bâgarea tu practico a catandisillei di ananghi pi livelu național, publicat tru Monitorul Oficial al României, Partea I, nr. 212 dit 16 martu 2020, al pct.1 și 4 dit anexa nr. 2 la același dicret și al art. 20 lit. n) dit Ordonanța di ananghi a Guvernului nr.1/1999, cu alâxerli și adâvdzerli yinitoari,

Ministurlu afacerilor interne vuluseaști aestâ Ordonanță militară:

Art.1 – (1) S’prilundzeaști vadelu a apofasillei ti curmarea azboiurli fapti di opearatorlli economiț aerieni câtâ Spania și ditu Spania cătâ România, trâ un kiro 14 dzâli, ahurhindalui cu data di 31 marțu 2020 oara 18.00.

(2) S’prilundzeaști vadelu a apofasillei ti curmarea azboiurli fapti di operatorlli economiț aerieni câtâ Italia și ditu Italia cătâ România, tra un kiro di 14 dzali, ahurhindalui cu data di 6 di napriiur 2020.

(3) Meatrile pruvidzuti la alin. (1) și (2) nu s’bagâ tu practico ti azboiurli ți s’facu cu aeronave di stat, azboiurli ti purtari pârmâtii și corespondență, umanitarâ icâ ți asiguripsescu serviții medicale di ananghi, catacum și aterizărli tehniți nicomerciale.

Art.2 – (1) Ministerlu a Transporturlor, Infrastructurâllei și Comunicațiilor easti axizitu s’asiguripseascâ bâgarea tu practico și s’tiñiseascâ pruviderli art. 1 dit prezenta ordonanță militară. (2) Nitiñiseareaa meatriloru pruvidzuti la art.1 duți la dari giueapi disciplinaru, țivilu, contravenționalu icâ penalu, tru simfunie cu pruviderli art.27 ditu Ordonanța di ananghi a Guvernului nr.1/1999 mutrindalui regimlu a catandisillei di asediu și regimlu a catandisillei di ananghi, cu alaxerli și adâvdzerli yinitoari.

(3) Personalu-a instituțiillei pruvidzuti la alin.(1) easti axizitu s’veadâ contraveniențâlli și s’bagâ tu practico sancțiuni, tru simfunie cu pruviderli art.29 ditu Ordonanța di ananghi a Guvernului nr.1/1999, cu alâxerli și adâvdzerli yinitoari.

Art.3 – (1) Alineatele (1) și (2) a articolului 3 dit Ordonanța militară nr.4/2020 mutrindalui meatri ta s’nu s’araspandeasca COVID – 19, publicată tru Monitorlu Oficial a Românillei, Partea I, nr.257 dit 29 marțu 2020, s’alâxescu și va s-aibâ aestu ncurpilleaticu: (1) Oamiñilli ți fugu ditu loclu tru cari eara carantinaț, fără aprobarea autoritățlor axiziti, va lâ si bagâ zori nâpoi s’ahurheascâ ciclul di 14 di dzâli di carantinari, și va s’pâlteascâ ditu gepea-a lor hârgili ți s’afacu cu carantinarea-a aiștoru, ș’va s-da giueapi penalu simfunu cu nomlu. (2) Oamiñilli ți nu tiñisescu condițiili di izolari tu loclu declarat / la cari aleapsirâ s’facâ izolarea și va s’hibâ aflaț nafoara-a spațiului di izolare va lâ si bagâ zori nâpoi s’ahurheascâ ciclul di 14 di dzâli di carantinâ, și va s’pâlteascâ ditu gepea-a lor hârgili ți s’afacu cu carantinarea-a aiștoru, ș’va s’hibâ sancționaț contravențional tu simfunie cu pruviderli a Ordonanțâllei di ananghi a Guvernului nr.1/1999 mutrindalui regimlu a catastisillei di asediu și regimlu a catandisillei di ananghi, cu alâxerli și adâvdzerli yinitoari, cara fapta nu easti infracțiune.”

(2) Apofasea s’bagâ tu practico ahurhindalui cu data cându easti tipusitã prezenta ordonanțâ militarâ tru Monitorlu Oficial a Româniiillei, Partea I.

Art.4 – Pruvideri art. 4 dit Ordonanța militară nr.4/2020 mutrindalui meatrili ta s’nu s’arâspândeascâ COVID – 19, publicată tru Monitorul Oficial al României, Partea I, nr.257 dit 29 marțu 2020, nu s’bagâ tu practico: a) a piloțlor di aeronave ș’ti personalu navigantu cari azboairă câtâ și di câtâ locâri ți suntu sum incidența-a codlui zonă GALBINĂ” icâ fără risc epidemiologic; b) a piloțlor di aeronavi și trâ personalu navigantu cari azboairă câtâ și di câtâ locâri ți suntu sum incidența-a codlui zonă AROȘE” icâ cu riscu epidemiologic, cari nu dipunu ditu aeronavi nolgica di azbuirâri, icâ poartă echipamentu di protecție (combinezon, mănuși, yilii, mască), cara di la un azboiur la alantu dipunu ditu aeronavă.

Art.5 – (1) Prezenta ordonanță militară s’tipuseaști tru Monitorlu Oficial a Româniillei, Partea I. (2) Furnizorllii di servicii media audiovizuali au borgea ta s’hâbâriseascâ publiclu, pritu mesaji difuzati regulat, trâ nama pțânu 2 dzâli di la data-a publicarillei, ti ațea ți s’ngrâpseaști tu prezenta ordonanțâ militarâ.

ORDONANȚA MILITARĂ nr. 6 dit 30.03.2020 mutrindalui bâgarea tu practico meatrili di carantinare tu municipiulu Suceava, a nâscântoru hori di nigâ câsâbâ, catacum și a unâllei zonâ di protecție ti nâscânti unităț administrativ-teritoriali dit giudețlu Suceava

Avândalui ti videalâ dispozițiile art. 24 dit Ordonanța di ananghi a Guvernului nr. 1/1999 mutrindalui regimlu a catandisillei di asediu și regimlu a catastisillei di ananghi, publicată tru Monitorlu Oficial a Româniillei, Partea I, nr. 22 dit 21 di yeanaru 1999, aprobată cu alâxeri șiadâvdzeri pritu Nomlu nr. 453/2004, cu alâxerli și adâvdzerli yinitoari,

Ma s’mutrimu tu isapea ți u’adră Comitetlu Național tra Situații Spețiale di Ananghi, aprobată pritu Apofasea nr. 17 dit 30.03.2020,

Pi thimellilu art. 4 alin. (2) și (4) dit Decretlu a Prezidentului a Româniillei nr.195/2020 mutrindalui apufusearea-a catandisillei di ananghi pi livelu național, publicat tru Monitorlu Oficial a Româniillei, Partea I, nr. 212 dit 16 marțu 2020, al pct.1 și 3 dit anexa nr. 2 la idyiul i dicret și al art. 20 lit. n) dit Ordonanța di ananghi a Guvernului nr.1/1999, cu alâxerli și adâvdzerli yinitoari,

Ministurlu trâ lucre di nâuntru apufuseaști aestâ Ordonanță militară:

Art.1 — S’apufuseaști tu kirolu a catandisillei di ananghi, apofasea di carantinari tru municipiul Suceava și tru locârli di ningâ câsâbă aesti optu hori: Adâncata, Salcea, Ipotești, Bosanci, Moara, Șcheia, Pătrăuți și Mitocu Dragomirnei.

Art.2 – S’apufuseaști tu kirolu a catandisillei di ananghi unâ locu/ unâ zonă di protecție, ca perimetru di sigurlâki anvârliga di localitățli carantinati, formată ditu tuti alanti unităț teritoriali administrativi dit giudețlu Suceava.

Art.3 – Tru zona carantinată pruvidzitâ la art.1 au izini ta s’intrâ icâ ta s’iasâ:

a) purtarea pârmâtii, cari ți s’hibâ turlia-a aiștoru, a pârmâtiiloru primi și a resursilor ți suntu ananghi ti dizvârtearea-a huzmețloru icuonomiți tru zona carantinată, catacum și aprovizionarea’a bânâtorloru;

b) oamiñilli ți ședu cu casa tru locârli carantinati ama dizvârtescu activităț economiți icâ tru dumenea ali apărari, arada publicâ, securitatea naționalã, sanitar, catandisili di ananghi, administrațiillei publiți locale, asistențãllei și protecțilliei suțialâ, judiciar, servitiiloru di utilitati publică, energhetic, agriculturâllei, alimentațiillei publicâ, alimentarea cu apă, comunicațiilor și transporturlor.

Art.4 – Ministerlu a Transporturilor, Infrastructurâllii și Comunicațiilor, catacum și opearatorlli economiț dit dumeanea-a transportului pi călliurli di heru di persoani, va s’vindâ bilete/abonamente ica alte titluri di călătorie tra transportul a călătorlor tru locârli carantinati mași car ava s’tiñiseascâ dispozițiile art. 3.

Art.5 – Tuti restricțiile apufusiti pritu ordonanțili militari di ma ninti s’bagâ tu lucru tu simfunie cu nomlu tru localitățli carantinati și tru loclu di protecție.

Art.6 — Suntu axiziti Centrul Judeițean di Coordonare și Cumânduseari a Intervențiillei Suceava (CJCCI) tra s’apufuseascâ adâvdzeri și derogări tru ațea ți mutreaști dispozițiili pruvidzuti la art. 3.

Art.7 – (1) Tru loclu di protecție, organili cu borgi tu dumenea-a apărarillei, arada publicâ și securitatea naționalâ va s’apufuseascâ meatri spețifiți ti prevenirii și limitare-a intrarilljei, respectiv ti ișearea a persoanilor tru loclu di carantinare pruvidzut la art. 1.

(2) Tru loclu di protecție nu s’da izini ti urdinari anamisa di localitățli dit zonă a persoanilor ți tânu di alti categorii socio-profesionale.

(3) Autoritățile ali dministrație publicâ locali și județeani va s-dimândâ a oamiñiloru dit ateali locâri di protecție borgili ți li au mutrindalui urdinarea și izinea tu loclu carantinat.

(4) Bâgarea tu lucru a meatrilor di verificari, control și izini tru/câtâ zona carantinată s’fați di lucrâtorlli a structurlor di la Ministerlu trâ Afaceri Interni lucru deadunu cu ațelli di la Ministerlu trâ Apărari Naționalâ.

Art.8 – Pi aeroportulu internaționalu Ștefan cel Mare” Suceava s’da izini ti azboiur cu aeronavi di stat, azboiurli ti purtarea pârmâtii și corespondență, umanitari i cari asiguripsescu serviții medicale di ananghi, catacum și aterizărli tehniți nicomerciali.

Art.9 – Consiliul Judițean Suceava deadun cu primarlli și consiliili locali dit unitățli administrativ-teritoriale ți suntu tu loclu di carantinari și loclu di protecție va s’llia meatri ta s’aiguripseascâ servitiili di protecție și asistență socială, funcționarea uidisitâ-a servițiilor di utilităț publiți, catacum și aprovizionarea cu alimenti di bază tra oamiñilli ți nu au ndrupâmintu icâ altă turlie di agiutoru și cari nu pot s-urdina/ s’imnâ di la locuință/nicukiratâ/ gospodărie.

Art.10 — S’da izini ti urdinari anamisa di localităț mași pritu ațeali dișcllisi ti urdinarea publicâ pi călliurli europene, naționale, județeani și comunali.

Art.11 – (1) Suntu axiziti s-asiguripseascâ bâgarea tu practico și s’tiñiseascâ pruviderli a aliștei ordonanțâ militarâ:

a) Poliția Română, Jandarmeria Română și poliția locală, trâ meatrile pruvidzuti la art.3;

b) Ministerlu a Transporturilor, Infrastructurâllei și Comunicațiilor, tra meatrili pruvidzuti la art.4 și 8.

(2) Ma s’nu tiñiseascâ meatrili pruvidzuti la art.3, 4 și 8 va s-da giueapi disciplinaru, țivilU, contravenționalu ica penalu, tru simfunie cu pruviderli art.27 dit Ordonanța di ananghi a Guvernului nr.1/1999, cu alâxerli și adâvdzerli yinitoari.

(3) Personalul a instituțiilor pruvidzuti la alin.(1) easti axizitu s-veadâ desi suntu contravenții și s’bagâ tu lucru sancțiuni, simfunu cu pruviderlri art.29 dit Ordonanța di ananghi a Guvernului nr.1/1999, cu alâxerli și adâvdzerli yinitoari.

Art.12 – (1) Prezenta ordonanță militară s’publică tru Monitorul Oficial ali Românie, Partea I.

(2) Furnizorlli di serviții media audiovizuale au borgi s’hâbâriseascâ publiclu, pritu mesaje difuzate regulat, tra nai ma pțânu 2 dzâli di anda fu publicatu, ti ațeali ți suntu ngrâpsiti tu aestâ ordonanț` militarâ.

Autor: Eugen Cojocariu

Armânipsearea: Tașcu Lala