ORDONANȚA MILITARĂ nr. 8 ditu 09.04.2020

Art.1 – (1) Easti permisă urdinarea nafoara a casillei/nicukiratâllei a titularlor autorizațiilor/permisilor di pescuit comercial pe Dunaru/apeli interioari/Amarea Lae cu scâpo ti dizvârtearea huzmețloru ti acâțarea peșțâloru comercial și acvaculturâ,

Eugen Cojocariu, 10.04.2020, 08:41

Art.1 – (1) Easti permisă urdinarea nafoara a casillei/nicukiratâllei a titularlor autorizațiilor/permisilor di pescuit comercial pe Dunaru/apeli interioari/Amarea Lae cu scâpo ti dizvârtearea huzmețloru ti acâțarea peșțâloru comercial și acvaculturâ,

ama și trâ valorificarea/darea-loarea-a produsilor prilucrati dupu aisti huzmeț.

(2) Easti permisă urdinarea nafoara a casillei/nicukiratâllei a apecultorlor câtâ/ditu locația a stupenâllei icâ trâ purtarea-a stupenâllei. Dovada calitatillei di apecultoru s’fați cu adiverința ți ari ngrâpsitu codlu di stupenă vulusitâ di ofițiile județene di zootehnie, icâ cu iți alte acte doveditoare a calitatillei di apecultor ș’câ easti nicukirlu a stukilor.

(3) Easti permisă urdinarea nafoara a casillei/nicukiratâllei trâ ancupârari autovehicule, peese di schimb trâ autovehicule și servicii di reparații auto.

(4) Pruviderli art.4 ditu Ordonanța militară nr.3/2020 mutrindalui meatri di preveniri s’nu s’arâspândeascâ COVID-19 s’bagâ tu practico dupu nomu.

(5) Tru declarația pe a lui giueape, persoanili pruvidzuti la alin.(1) și (2) spunu, ca itie/furñie, urdinarea tu sinferu profesional, a deapoa oamiñilli pruvidzuti la alin.(3) spunu, ca itie/furñie, urdinarea trâ asiguripsari bunuri cari anvâlescu anânghiserli di thimelliiu a oamiñiloru.

(6) Meatrili s’bagâ tru practico ahurhindalui cu dzuua anda fu tipsitâ aestã ordonanțâ militarâ tru Monitorlu Ufițialu a Româniillei, Partea I.

Art.2 – (1) S’prilundzeaști apofasea ti curmarea-a azboiurloru efectuate di operatori economici aerieni câtâ Spania și ditu Spania către România, trâ un kiro di 14 di dzâli, ahurhindalui cu data di 14 apriliu 2020.

(2) Măsura pruvidzut la alin. (1) nu se aplică zborurilor efectuate cu aeronave di stat, zborurilor di transport marfă și corespondință, umanitare icâ cari asigură servicii medicale di ananghi, precum și aterizărilor tehnice necomerciale.

(3) Apofasea pruvidzutâ la alin.(1) s’bagâ tu lucru și dupâ kirolu trâ cari easti apufusitâcatastisea di ananghi pritu Decretlu a Prezidentului ali Românie nr.195/2020, mași cara catastisea di ananghi tu Românie s’prilundzeaști și cara tru decretlu di prilundzeari a catastisillei di ananghi armãni ma largu axizearea-a ministurluui afacerlor interni ta s’apufuseascâ, pritu ordonanță militară, curmarea avaș-avaș a urdinarillei aeriene pe nâscânti ruti.

Art.3 – (1) Pâzărli agroalimentare armân dișcllisi tutu kirolu a catastisillei di ananghi, maxus trâ agricultorii cari pârâstisescu certificat di producător agricol, cu borgi s’tiñiseascâ meatrili di preveniri ta s’nu s’asâspândeascâ COVID-19.

(2) S’da izini s’urdinâ producătorlli agricoli di la loclu di producție a produsilor agroalimentari până și di la pâzarea agroalimentară și intrarea nâuntrul a alistei, pe thimellilu a unâllei diclarații cu a lui giueape și a certificatului di producător.

(3) Unitățile fitofarmaceutice armân dișcllisi tu kirolu a catastillei di ananghi, personalul aluștoru au borgi s’tiñiseascâ meatrili di prevenire a răspândirii COVID-19.

(4) Meatrile s’bagâ tu lucru ahurhindalui cu data-a publicarillei prezenta ordonanțâ militarâ tru Monitorlu Ufițialu a Româniillei, Partea I.

Art.4 – (1) Se prilundzeaști, uidisitu cu anexa nr.1 la prezenta ordonanță militară, tru tutâ perioada-a catastillei di ananghi, ncllidearea temporară – totală icâ parțială – a locurloru di trițeari a sinurlui di stat, vulusitâ pritu Apofasili a Comitetlui Național trâ Situații Speciale di Ananghi nr.8/2020 și nr.12/2020.

(2) Apofasea s’bagâ tu practico ahurhindalui cu data publicarillei prezenta ordonanțâ militarâ tru Monitorlu Ufițialu a Româniillei, Partea I

Art.5 – (1) S’excepteadză di la meatrile di izolare la domiciliu icâ di carantinari, lucrătorlli di sinuri cari, la intrarea tru România ditu Ungaria, nu au seamni asociati COVID-19.

(2) Pritu lucrător di sinuru s’akicâseaști persoana cari fați dovada că bâneadzâ și lucreadză tru unâ aradză di 30 km di unâ parte icâ di alantâ afsinurlui di stat româno-ungaru, faptâ isapi di la nai ma aprukeatu locu di triTeari a sinurlui discllisu ti urdinarea di persoani, și cari s’toranâ acasânai pțânu unâoarâ tu stâmânâ.

(3) Locurli di trițeari a sinurlui di stat româno-ungare pritu cari s’da izini ti intrarea tru România tru condițiile alin.(1) sunt aesti: Cenad, Nădlac, Turnu, Vărșand, Salonta, Borș, Săcuieni, Urziceni și Petea.

(4) Pritu locurli di trițeari a sinurlui di stat româno-ungare pruvidzuti la alin.(3) se permite și intrarea/ieșirea lucrătorilor transfrontalieri cu mașini și utilaje agricole.

(5) Tru cazul nerespectării condițiilor pruvidzuti la alin. (2), oamiñilli tru cauză intră tru carantină trâ un kiro di 14 dzâli, am ava s’pâlteascâ hârgili cu carantinarea-a lor.

(6) Meatrile s’bagâ tu practico ahurhindalui cu data publicarillei prezenta ordonanțâ militare tru Monitorul Oficial al României, Partea I.

Art.6 – (1) Se exceptează di la măsura izolării la domiciliu/carantinării oamiñilli cari intră tru România trâ precatastisea unor activități di instalare, punere tru funcțiune, mentenanță, service a echipamentelor și tehnicii medicale, cara nu prezintă simptome asociate COVID-19 și dovedisc raporturile contractuale cu beneficiarul/beneficiarii di pe teritoriul României.4

(2) Prevedirile alin.(1) se aplică și trâ domeniile științific, economic, apărare, aradâ publică și securitati naționalâ.

(3) Meatrile s’bagâ tu lucru ahurhindalui cu data publicarillei prezenta ordonanțâ militarâ tru Monitorlu Ufițialu a Româniillei, Partea I.

Art.7 – (1) Pe kirolu catastillei di ananghi nu s’da izini/s’curmâ exportul trâ produsele agroalimentare ditu lista pruvizută tru anexa nr.2 la prezenta ordonanță militară.

(2) Proțedurli di exportu a produsilor agroalimentari pruvidzuti la alin.(1), ți suntu tu dizvârteari la data anda s’bagâ tu lucru prezenta ordonanțâ militarâ, s’curmâ tu kirolu a catastillei di ananghi.

(3) Tu kirolu a catastillei di ananghi s’curmâ huzmetea ti emitesri a certificatelor fitosanitare trâ exportul a produselor agroalimentari ditu lista pruvidzut tru anexa nr.2 la prezenta ordonanță militară.

(4) Meatrile s’bagâ tu lucru ahurhindalui cu data publicarillei prezenta ordonanțâ militarâ tru Monitorlu Ufițialu a Româniillei, Partea I.

Art.8 – (1) Ancupârarea intracomunitară a produsilor agroalimentari ditu lista pruvidzutâ tru anexa nr.2, va s’facâ mași cara statlu membru fați dovada că produsele ancupârati suntu ti consumlu internu ișiș icâ a ațilui comunitar, ama nu ti exportu.

(2) Apofasea s’bagâ tu lucru ahurhindalui cu data publicarillei prezenta ordonanțâ militarâ tru Monitorlu Ufițialu a Româniillei, Partea I.

Art.9 – (1) Nu s’da izini tu kirolu a catastillei di ananghi, ti dânâsearea icâ curmarea-a huzmețloru trâ servitiili suțiali di turlia-a țentrilor rezidențiale ti mutreari lâdzidzlli și asistență a persoanilor tu ilikie, țentrilor rezidințiale trâ cilimeañi și adulțâ, ți au icâ nu au dizabilităț, cum și trâ alti câigurii vulnearabili, publiți și private, pruvidzuti tru Nomenclatorlu a servițiilor suțiali aprobat pritu Hotărârea Guvernului nr.867/2014 trâ aprobarea Nomenclatorlui servițiilor sutiali, precum și a regulamentelor-cadru di organizare și funcționare a serviciilor sutiali, cu alâxerli și adâvdzerli di ma nâpoi.

(2) Aparținătorllii/susținătorllii/reprezentanțâlli legali a beneficiarlor servițiilor pruvidzuti la alin.(1), pi thimellilu a unei carti, pot s’caftâ transferlu a beneficiarlor ditu țentru la domiciliu, icâ după caz la reședinuța aparținătorloru/susținătorloru/reprezentanțâloru legali cara va s’aproaki cu a loru giueapi, că au condiții uidisiti ti vigllearea temporarâ a aiștoru.

(3) Meatrile s’bagâ tu lucru ahurhindalui cu data publicarillei prezenta ordonanțâ militarâ tru Monitorlu Ufițialu a Româniillei, Partea I.

Art.10 – (1) S’bagâ tu lucru, tu kirolu a catastillei di ananghi, apofasea di izolare preventivă la loclu di lucru icâ tru locâri maxus ndreapti iu nu au izini persoani di nafoarâ, trâ personalu angajat a țentrilor pruvidzuti la art.9 alin.(1) pi kirolu di 14 dzâli.

(2) Dupu kirolu pruvidzut la alin.(1) yini deapoa un kiro di izolare preventivă la domiciliu, ti un kiro ți easti isa cu atelu di izolari preventivă la loclu di lucru, prezența personalului tru țentru asiguripsindalui-si anamisa di turi/schimburi.

(3) Tru un vade di 24 di sâhăț di la publicarea tru Monitorlu Ufițialu a Româniillei a prezentâllei ordonanțâ militarâ, șeflu di centru, agiutorlu a lui aleptu icâ coordonatorli a personalui di specialitate apufuseasti organizarea-a turelor pe kirolu catastillei di ananghi.

(4) Ma s’nu aibâ personalu pruvidzut la alin. (3), directorlu a direcțiillei generalâ di asistență socială și protecția cilimeanlui, trâ serviciile sutiali publice ditu structura a direcțiillei generalâ, primarul, trâ serviciile sutiali organizate tru cadrul/tru subordinea a autoritățlor administrațiillei publiți locale și reprezentantul legal a furnizorului privat apufusescu organizarea-a turelor pi kirolu catastillei di ananghi.

(5) Tru situații excepționale, tru cazlu a serviciilor sutiali private, trâ cari personalu pruvidzut la alin.(3) și (4) nu există, comitetlu județeanu trâ situații spețiale di ananghi aleadzi persoana ți ari borgea ti organizarea-a turiloru cu scâpo ti izolarea preventivâ la locul di lucru/domiciliu și asiguripseasti managementulu a huzmetillei.

(6) Niaprukearea ti izolarea preventivâ la locul di muncă di către personalul centrelor pruvidzuti la art.9 alin.(1) atradzi darea giueapi contravenționalu icâ penalu, după caz.

(7) Accesul vizitatorilor/aparținătorilor/susținătorilor/reprezentanților legali ai beneficiarilor serviciilor sutiali tru centrele rezidințiale pruvidzuti la art.9 alin.(1) easti interzis.

(8) Apofasea pruvidzutâ la alin.(7) s’bagâ tu lucru ahurhindalui cu data publicarillei prezenta ordonanțâ militarâ tru Monitorlu Ufițialu a Româniillei, Partea I.

Art.11 – (1) Tru situația tru cari furnizorii di servicii sutiali nu au resurse proprii di cazare trâ aplicaria prevedirilor art.10 alin.(2), autoritățile administrației publice locale pe raza di competență a cărora funcționează serviciile sutiali pruvidzuti la art.9 alin.(1) au borgea ti identificari și asiguripseari, tru proximitatea aluștoru, di spații trâ cazarea personalului izolat preventiv la loclu di lucru, a hranâllei di cafi dzuuâmți-lli easri ananghi a aluștui cum și asiguripsearea-a transportului personalu, cari easti tru izolare

preventivă la domiciliu, di la loclu di lucru la domiciliul/reședința aluștui și alliumtrea, cu tiñisearea meatrili di protecție și preveniri a infecțiillei.

Art.12 – (1) A personalui cari lucreadzâ ti țentrele pruvidzuti la art.9 alin.(1) va-lli si asiguripseascâ di cătră furnizorlu di servicii sutiali echipamentele igienico-sanitare și di protecție anânghisiti.

(2) Apofasea s’bagâ tu lucru ahurhindalui cu data publicarillei prezenta ordonanțâ militarâ tru Monitorlu Ufițialu a Româniillei, Partea I.

Art.13 – (1) Pi kirolu a catastillei di ananghi, pritu excepție di la pruviderle legale pritu nomu, tru cazul a demisiillei angajațlor țentrilor pruvidzuti la art.9 alin.(1), vadelu di preaviz easti di 45 di dzâli calendaristiți.

(2) Apofasea s’bagâ tu lucru ahurhindalui cu data publicarillei prezenta ordonanțâ militarâ tru Monitorlu Ufițialu a Româniillei, Partea I.

Art.14 – (1) Cu scupolu ti prevenirea s’nu iasâ tu migdani nâscâti fucurini di infecție, tru cazlu a manifestarillei catastillei simptomatologhiillei spețifiți COVID-19 icâ, după caz, a nâscântoru informații ditu cari rezultă contactul directu cu unâ persoană infectată tru arada-a beneficiarilor icâ al personalului, direcțiile di sănătate publică asigură catastisea a beneficiarlor și a personalui tutu, la scamnul a servițiului social.

(2) Apofasea s’bagâ tu lucru ahurhindalui cu data publicarillei prezenta ordonanțâ militarâ tru Monitorlu Ufițialu a Româniillei, Partea I.

Art.15 – (1) Pi kirolu a catastillei di ananghi s-curmâ proțedurli di vindeari/ ancupărari pacheti majoritare di acțiuni ale companiilor ditu Sistemul Energetic Național, cari ți s’hibâ turlia di proprietate a aluștoru.

(2) Ahurhearea diznău a proțedurloru va s’facâ după bitisearea-a catastillei di ananghi cu decalarea corespunzătoari a vadeazloru pruvidzuț tru câlindarea di ma ninti.

(3) Apofasea s’bagâ tu lucru ahurhindalui cu data publicarillei prezenta ordonanțâ militarâ tru Monitorlu Ufițialu a Româniillei, Partea I.

Art.16 — S’fați urminii a autorităților administrațiillei publiți locale și a proprietarlor, persoani fiziți icâ juridiți, s’bagâ tu lucru dispozitive cu soluții dizinfectanti la intrărle tru imobilele cu destinația di locuinți colectivi și s’dizinfecteadzâ periodic lifturle, casa a scărlor și alanti spații comune di nâuntrul a aiștoru imobile.

Art.17 – Tru dzâlile di gioi, viniri și sâmbătă, ninti di ațeali dauă sărbători pascali, operatorllii economiț cari vindu produsi agroalimentari pot tra ș-lundzeascâ programlu di lucru andicra di anânghiseri.

Art.18 – (1) După alineatlu (3) a articolui 9 ditu Ordonanța militară nr.1/2020 mutrindalui nâscânti meatri di protâ ananghi cari mutrescu câlbâlâkili di persoane și urdinarea anamisa di sinuri a nâscântoru bunuri, publicată tru Monitorlu Ufițialu a Româniillei, Partea I, nr.219 ditu 18 apriiur 2020, s’bagâ un nău alineat, alin.(4), cu aestu ncurpilleaticu:

(4) Trâ nitiñisearea-a meatriloru pruvidzuti la art.5, pi ningâ sancțiunea contravențională di amprotusa, andicra di turlia și gravitatea a faptâllei, poati s’bagâ tu practico și sancțiunea contravențională complementară a confiscarillei bunurli a curi transportu cu scupolu ti distribuiri nafoara-a teritoriului ali Românie easti interdzâsu.”

(2) Apofasea s’bagâ tu practico ahurhindalui cu data di 11 apriiur 2020.

Art.19 – (1) După alineatlu (3) al articolului 1 ditu Ordonanța militară nr.5/2020 mutrindalui meatri di preveniri s’nu s’arâspândeascâ COVID -19, publicată tru Monitorlu Ufițialu a Româniillei, Partea I, nr.262 ditu 31 martie 2020, s’bagâ un nău alineat, alin.(4), cu aestu ncurpilleaticu:

(4) Apofasea pruvidzutâ la alin.(2) s’bagâ tu practico și după kirolu trâ cari easti apufusitâ catastisea di ananghi pritu Decretlu a Prezidentului ali Românie nr.195/2020, mași cara catastisea di ananghi tru tut teritoriul ali Românie s’prilundzeaști și cara tru decretlu di prilundzeari a catastillei di ananghi armâni ma largu axizearea a ministurlui afacerlor interni tra s’apufuseascâ, pritu ordonanță militară, interdzâtsearea-a iavaș- iavaș/ graduală a urdinarillei aerienâ pi len turlii di câlliuri.”

(2) Apofasea s’bagâ tu lucru ahurhindalui cu data publicarillei prezenta ordonanțâ militarâ tru Monitorlu Ufițialu a Româniillei, Partea I.

Art.20 – (1) Ordonanța militară nr.7/2020 mutrindalui meatri di prevenire a răspândirii COVID -19, publicată tru Monitorul Oficial al României, Partea I, nr.284 ditu 4 aprilie 2020, s’alâxeaști și s’adavgâ aestâ turlie:

1. După alineatlu (4) a articolului 9 s’bagâ un nău alineat, alin.(5), cu aestu ncurpilleaticu:

(5) Meatrile pruvidzuti la alin.(1) și (3) s’bagâ tu lucru și după kirolu trâ cari easti apufusitâ catastisea di ananghi pritu Decretlu a Prezidentului ali Românie nr.195/2020, mași cara catastisea di ananghi tututu teritoriul a Româniillei s’prilundzeaști și cara tru decretlu di prielundzeari a catastillei di ananghi s’țâni ș’ma largu axizearea-a ministurluui afacerilor interni ta s’apufuseascâ, pritu ordonanță militară, interdzâtsearea iavaș a urdinarille aerienâ pi niscânti câlliuri aerieani/ rute.”

2. Alineatlu (1) a articolui 10 s’alâxeaști și va s’aibâ aestu ncurpilleaticu:

(1) S’da izini ti azboiurli fapti di tuț transportatorlli aerieni ți au licență di operare tru simfunie cu reglementărli a Uniunillei Europeani, pritu cursi niregulate (charter), trâ purtarea a lucrătorilor sezonieri ditu România către alti stati, cu avizlu a autoritățlor axiziti ditu cratlu di orighine și di destinație.”

3. Alineatlu a (1) a articolui 16 s’alâxeaști și va s’aibâ aestu ncurpilleaticu:

(1) Cu scupolu ta s’nu s’arâspândeascâ COVID-19, ministerili cu șingiru sanitaru ișiș și autorităli ali administrației publicâ localâ asiguripseaști personal ditu sistemlu public sanitar, cu câftari, spații hoteliere ahârdziti ti adyea anamisa di ture i gărdzâ, hrana — trei mâcări ndzuuâ și apa.”

(2) Apofasea s’bagâ tu lucru ahurhindalui cu data publicarillei prezenta ordonanțâ militarâ tru Monitorlu Ufițialu a Româniillei, Partea I.

Art.21 – (1) Sunt abilitate s’asiguripseascâ bâgarea tu practico și tiñisearea-a pruviderloru ditu prezenta ordonanțâ militarâ:

a) Poliția Română, Jandarmeria Română și poliția locală, trâ meatrile pruvidzuti la art.1 și 3;

b) Ministerlu a Transporturilor, Infrastructurâllei și Comunicațiilor, trâ apofasea pruvidzutâ la art.2;

c) Ministerlu a Transporturlor, Infrastructurâllei și Comunicațiilor, Poliția di Sinuru Română și direcțiili di sănătati publică, trâ meatrile pruvidzuti la art.4 – 6;

d) Ministerlu a Agriculturâllei și Dizvultarillei Ruralâ, trâ meatrile pruvidzuti la art.7 și 8;

e) Ministerlu a Lucârlui și Protecțilliei Sutialâ, pritu instituțiile subordonati, aflati sum autoritatea icâ coordonarea a lui, direcțiili di sănătati publică, cum și conducătorlli a autoritățlor administrațiillei publiți locali, trâ meatrile pruvidzuti la art.9 — 14;

f) Ministerlu a Economiillei, Energhiillei și Mediului di Emboriu, trâ apofasea pruvidzutâ la art.15;

(2) Ma s’nu hibâ tiñisiti meatrili pruvidzuti la art.1-15 atumțea va s’da giueapi disciplinaru, țivilu, contravenționalu icâ penalu, tru simfunie cu pruviderli art.27 ditu Ordonanța di ananghi a Guvernului nr.1/1999, cu alâxerli și adâvdzerli di ma nâpoi.

(3) Personalu a instituțiilor pruvidzuti la alin.(1) easti axizitu s’veadâ desi ari contravenții și s’bagâ tu lucru sancțiuni, tru simfunie cu pruviderli a art.29 ditu Ordonanța di ananghi a Guvernului nr.1/1999, cu alâxerli și adâvdzerli di ma nâpoi.

Art.22 – Pruviderli art. 6 și 7 ditu Ordonanța militară nr. 4/2020 mutrindalui meatri di preveniri s-nu s’arâspândeascâ COVID-19, publicată tru Monitorlu Ufițialu a Româniillei, Partea I, nr. 257 ditu 29 marțu 2020, s’curmâ și nu mata s’bagâ tu practico.

Art.23 – Anexili nr.1 și 2 fac parti integrantâ ditu prezenta ordonanțâ militarâ.

Art.24 – (1) Prezenta ordonanțâ militarâ s’publică tru Monitorlu Ufițialu a Româniillei, Partea I.

(2) Furnizorlli di serviții media audiovizuali au borgi ta s’hâbâriseascâ a publiclui, pritu mesaji difuzati regulat, trâ nai pțânu 2 dzâli di la data-a publicarillei, ti conțânirea-a aliștei ordonanțâ militarâ.

Ngrâpsearea: Eugen Cojocariu

Armânipsearea: Tașcu lala