Omlu a Anlui 2017 la RRI
Omlu a Anlui 2017 la RRI
Tașcu Lala, 21.12.2017, 08:29
Vruts armânj, RRI u dutsi ma largu traditsionala a ljei anchetã di opinie anamisa di ascultãtori shi ufilisitorlji di Internet shi singirili sutsiali shi vã acljiamã la un nãu exercitsiu, avem nãdia di mari sinfer.
Vã plãcãrsimu s-apufusits cari di personalitãtsli a prezentului alãsarã toru nai cama multu, tru noima pozitiva, tru lumi, tu anlu 2017. Nã ndridzem sã-lu alidzem, pi thimeljilu a optsiunjilor a voastri angrãpsiti, “Omlu a anlui 2017 la Radio România Internatsional”.
Cari poati s-hibã aestu/aestã shi, maxus, cãtse? Va s-hibã un om politic, un lider di opinie, un om di emburlãki, un mari sportiv, un artistu cu anami, un om di shtiintsã icã vãrã tsi nu easti cunuscut trã marli public, ama cu unã pirmituseari exemplarã? Apandisea easti a voastã, ashi cum easti arada!
Ashtiptãm pripunirli a dvs., cata cum shi itiili a lor, cãt cama ayonjea, ndreptu pi site, icã pi emailurli personali a pareiiljei redactsionalã (arom@rri.rotoma_enache@yahoo.comlala_tascu@yahoo.com
Adutsem aminti cã “Omlu a Anlui 2016 la RRI” fu aleptu prezidentul american Donald Trump.
Va s-dimãndam cari easti “Omlu a anlui 2017 la RRI” tru emisiunjli di luni, 1 di yinaru 2018.
P. S.
Pareia redactsionalã di la RRI u pripuni sportiva armana, cu anami, tu a ljei carierã, tijisita SIMONA HALEP tu harea di “Omlu a anlui 2017 la Radio România Internatsional”!
Ashtiptam minduearea a voastã cãt cama ayonja.
Vã harstusimu !
Cu tinjie, Tashcu Lala tu numa ali parei redactsionalã di la RRI
