Omlu a anlui 2014 la RRI
Vruţ soţ, RRI u duţi ma largu tradiţionala a lui anchetã di opinie tru arada a ascultãtorlor şi a ufilisitorlor di Internet şi social media şi vă greasti la un nău exerciţiu, avem umutea că va s-hibă di mari sinfer.
Eugen Cojocariu, 04.11.2014, 14:32
Vruţ soţ, RRI u duţi ma largu tradiţionala a lui anchetã di opinie tru arada a ascultãtorlor şi a ufilisitorlor di Internet şi social media şi vă greasti la un nău exerciţiu, avem umutea că va s-hibă di mari sinfer.
Vă plăcărsim s-apufusiţ cari di personalităţli a prezentului alăsară tor nai cama multu, tru noima pozitivă, tru lumi tru anlu 2014. Nă ndridzem sã-lu alidzeţ, pi thimel’ilu a opţiun’ilor a voastri angrăpsiti, pi “Omlu a anlui 2014 la RRI”.
Cari poati s-hibă aestu/aestă şi, maxus, că ţe? Va s-hibă un om politic, un lider di opinie, un embur, un sportiv, un artistu, un om di ştiinţă ică vărnu nicănăscut tru arada a marlui public, ama cu ună pirmituseari exemplară? Apandisea easti a voastrã!
Aştiptãm pripunirli a voastri, catacum şi furn’isearea a lor, cât cama ntrăoară, ndreptu pi site, la www.rri.ro, ama s-pitriţeţ un comentariu la articol, prit e-mail la arom@rri.ro, ndreptu pi profilurli a noastri di Facebook şi Google+ sum turlia di comentariu, prit fax la 00.4021.319.05.62 ică prit poştă, la adresa Calea General Berthelot nr. 60-64, sectorul 1, cod 010165 (PO Box 111), Bucureşti, România.
Aduţem aminti că “Omlu a Anlui 2013 la RRI” fu aleptu Papa Francisc, aţel cari alăsa tor ahandos, tru scurtu chiro di la alidzearea a lui ca Suvearan Pontif, tru sţena internaţională.
Va s-dimăndăm cari easti “Omlu a anlui 2014 la RRI” tru emisiun’ile di gioi, 1 di yinar 2015.
