Nale focare di pestă porcină africană
Numirulu a focarilor di pestă porcină africană si aproache di 700 tru aproapea 150 di localităţ în special din nord-vestul şi sud-estul a Româniilei — si veade pia ţeale mai recentile date di la Autoritatea Naţională Sanitar Veterinară şi trâ Siguranţa Alimentelor (ANSVSA). Aţel mai afectatulu easte judeţulu Tulcea (sud-estu) iu sute di focare di pestă porcină africană suntu active tru gospodăriile/nicuhiratile a populaţil’ei şi tru îndauă ferme di creaştere a porţâlor, dzaţ di m’il’e di suine hiinda sacrificate până tora. Şi tru judeţulu Giurgiu (sud-estu) autorităţâle sunt tru alertă şi acţioneadză trâ prevenirea a li răspândire a virusului. Aşi, fură intensificate controalile în trafic trâ depistarea a transporturilor ilegale di animale şi a produsilor di orighine animală şi si decise suspendarea activitatilei a tutulor pânâgh’irurilor din judeţ. Nale focare di pestă porcină fură identificate, recentu, şi în localităţ di-tru judeţulu Constanţa (sud-estu), iu Chentrul Local di Combatire a Lângorilor apofăsi şi sacrificarea animalelor infestate.
Daniela Budu, 21.08.2018, 21:53
Virusulu a pestâlei porcină africană se aproache şi di Capitală, hiinda confirmat la porţâl’i dintr-ună anexă gospodărească aproapea di judeţulu Ilfov (sud-estu). Autorităţâle sanitar-veterinare au dată asigurări că loară misuri trâ izolarea focarului. Tru chirolu aestu, trâ limitarea a răspândiril’ei a virusului a pestâlei porcină africană, autorităţâle va permite vânarea porţâlor mistreţ/aghri şi a şacalilor din Delta Dunării, purtători de virus. Guvernatorulu a Deltâlei a li Dunăre, Mălin Muşetescu, easte di părere, ama, că vâtâmarea a luştor animale aghre nu va rezolvă problema. El preciză trâ Radio România că mortalitatea scădzu, ama virusulu poate să rămână activ şi trâ indoi an’i. Mălin Muşetescu spus: “Zburâm di un virus care exiistă în sol, în apă. Easte multu greu. Poate să dispară tru 5 an’i, poate tru 25. Eu sper să ţânim situaţia tora sum control pi zona di Delta Dunăril’ei şi un lucru, dzâc eu, îmbucurător, cu hârseare, easte faptul că faţă di ţe am avută la arhiusită, scădzu mortalitatea la porţâl’i agh’ri”.
Apariţia a unor nale focare aduţe gaile mai ahoria tru fermile iu si loară, deja, misuri de biosecuritate, easte di păreare secretarulu de stat în Ministerulu a Agriculturâl’ei, Daniel Botănoiu: “Apar focarile în ferme iu au biosecuritate şi aoaţe lipseaşte să hibă aflată ună formulă şi să înviţăm di-tru aeste experienţe, aşi încât să nu mai apară şi la alte exploataţii.” Ofiţialul aduse aminte că tra să nu contribuie la extinderea virusului, populaţia lipseaşte să nu mai transporte animalile, iar porţâl’i din gospodării/nnicuchirate să hibă sacrificaţ maşi cu aviz sanitar-veterinar. De punctat că, în ciudia a extinderil’ei a pestâl’ei porcină africană, siguranţa alimentară a populaţil’ei nu easte bâgată în pericol.
Autor: Daniela Budu
Armânipsire: Hristu Steriu
