Năi Strimturi/ Ngarderi/ Piriurseri tu România

Dumãnică dicseara, suti di oamiñi dimonstrarâ iu ș-lu-ari Guvernulu scamnulu, Bucuresti, di itia câ nu suntu efharistisiț cu nãili restricții ti priyinearea şi ngrdearea-a infecţiillei cu SARS-COV-2, cari va s’hibã bãgati tu lucru di luni, tru România. Aestea va s’hibã bãgati tu practico ti un kiro di 30 di dzãli.

Mariana Chiriță, 09.11.2020, 10:33

Prusupida orlea zorlea lipseashti purtari tru tuti localităţli, cari tsi s’hibă numirlu a atsiloru infectaț; dukeñili va s’hibă dishcllisi mash păn tu ora 21:00, a deapoa huzmetsli a păzărloru tsi suntu tu locări ncllisi va s’hibă curmati.

Anamisa di oarili 23:00 şi 5:00, nu-ari izini ti nkiseari la lucru I altu iuva, aeastea potu s’hibă fapti mash di atselli tsi au furñii ntimilleati și cari cari păristisecu cărtsă tu aestă noimă.

Tuti instituţiile publiți, ama și tuţ operatorlli icunomiț publiț I atselli privaţ lipseashti s’ahurhească turlia di lucru pi comate di telilucru acasă, aclo iu ari căbili.

Unităţli di nviţămintu va s’lucreadză mash online tru tută văsilia. Creşili şi unităţile afterschool va s’armănă dișcllisi.

Idyea, nu va s’aibã iziniti andamasi cu furñia a niscăntoru sârbâtori, yiurtuseri I zaeafets.

Tuti aeasti restricții va s’bagâ tu lucru tru contextul tru cari tru Românie s’nregistrarâ, ahurhindalui ditu meslu shcurtu, cama di 300 diñilli di contaminări cu SARS-CoV-2, numirlu a lândzidzâtsloru creashti gilipsitoru tu stâmâñilli ditu soni. Tutu cu tutu numirlu a mortsâloru agiumsis la 7.879 , a deapoa la ATI suntu internaț 1.056 di paciențâ diagnosticaț cu SARS-COV-2.

6.752 di cazuri năi di oamiñi infectaț cu SARS-CoV-2 eara nreghistrats tu România, tru aesti ditu soni 24 di sâhăts, di anda s’featsirâ 21.552 di testi pi livelu naţional, hâbârisi, dumânicâ, Pareia di Comunicari Strateghică (GCS).

Ari cazuri cari nu mata featsirâ ma ninti testulu pozitivu, cundilleadzâ GCS.

Pânâ dumânicâ, pi teritoriul a Româniillei, eara confirmati 303.751 di cazuri di oamiñi infectaț cu năulu coronavirus.

204.679 di oamiñi furâ spushi vindicaț.

Uidisitu cu spusa-a GCS / PCS, pânâ tu aestâ oarâ, pi livelu naţionalu, eara prilucrati 3.476.645 di testi.

Ditu arada-a alushtoru, 21.552 eara adrati tu aesti ditu soni 24 di sâhts, 13.421 pi thimellilu a definţiillei di cazu şi a protocolui medical şi 8.131 cu câftari.

Alțâ 86 di oamiñi infectaț cu năulu coronavirus murirâ, tutu cu tutu numirlu a mortsâloru tru România agiumsi la 7.879, da hâbari GCS.

Uidisitu cu izvuri di hâbări aleapti, easti zborlu ti 40 di bărbaţ şi 46 di mlleri, oamiñi internaț tru spitalili ditu Alba, Arad, Bacău, Bihor, Bistriţa-Năsăud, Botoşañi, Brăila, Călăraşi, Caraş-Severin, Constanţa, Dâmboviţa, Dolj, Galaţi, Giurgiu, Harghita, Iaşi, Mehedituţi, Mureş, Neamţ, Olt, Prahova, Sibiu, Suceava, Timiş, Tulcea, Vaslui, Ilfov şi Municipiul Bucureşti.

Patru morță eara anreghistraț la câtiguria di ilikie 30-39 di añi, trei morțâ la câtiguria di ilikie 40-49 di añi, ținți morțâ la câtiguria di ilikie 50-59 di añi, 25 morțâ la câtiguria di ilikie 60-69 añi, 32 morțâ la câtiguria di ilikie 70-79 añi şi 17 morțâ la câtiguria di 80 di añi ș’cama.

83 ditu morțâlli anreghistraț suntu a nâscântoru pacienţâ cari avea comorbidităţ, a deapoa trei pacienţâ ți murirâ nu avea comorbidităţ.

12.295 di oamiñi cu COVID-19 suntu internaț tru unităţli sañitare di profilu.

La ATI suntu internaţ 1.056 di pacienţâ.

Pi teritoriul a Românilliei, 40.629 oamiñi confirmaț cu infecţie cu năulu coronavirus suntu tru izolari la domiciliu, a deapoa 23.788 suntu tu izolari instituţionalizată.

71.017 di oamiñi suntu tru carantină acasâ, a deapoa 20 – tru carantină instituţionalizată.

Tru aesti 24 di săhăț ditu soni, eara aplicate 8.778 di sancţiuni contravenţionale, tsi custusescu/ au tiñia di 1.422.800 di lei, di itia câ eara ălcati pruviderli a Nomlui 55/2020 mutrinda nâscânti apofasi ti priyinearea/ s’nu yinâ/ s’nu fitruseascâ zñiiloru ți li aduți pandemia di COVID-19, dimândă, dumânică, Grupul di Comunicari Strateghică.

Pritu structurli abilitate ali Poliţie, eara constatati şasi infracţiuni ti ambudyiusearea combâtearillei lângorli.

Tru aesti ditu soni 24 di sâhăts, eara nregistrate 2.956 di apeluri la numirlu unic di urgenţă 112.

Ministerul Afacerilor Interne opearaţionaliză ahurhindalui ditu 4 di alunaru, unâ linie TELVEARDI (0800.800.165) la cari pot s’hibâ sesizate călcărli a normiloru di protecţie sañitară. Apelurli suntu priloati di un dispecearatu tru sistemu integratu şi repartizate a structurlor teritoriale ti verificarea aspectiloru sesizati.

GCS hâbâriseaști s’hibâ acâtati tu isapai mas informaţiile verificate pritu sursele ufțiali şi să se apeleze pentru recomandări şi alte informaţii la linia TELVERDI – 0800.800.358. Numărul TELVERDI nu easti un număr di urgenţă, ci o linie telefonică alocată strict pentru informarea cetăţenilor, valabilă pentru apelurile naţionale, di luni până vineri, tru intervalul orar 8,00 – 20,00.

Tu ți mutreaști româñilli ți suntu tu xeani, 6.862 dit aeștâ eara confirmaț ca hiindalui infectaț cu SARS – CoV – 2 (coronavirus): 1.934 tru Italia, 1.253 tru Spañia, 124 tru Franța, 3.018 tru Germañia, 167 tru Marea Britañie, 36 tru Ungaria, 28 tru Olanda, 2 tru Namibia, 4 tru SUA, 123 tru Austria, 22 tru Belgia, 6 tru Japonia, 2 tru Indonezia, 8 tru Elveția, 3 tru Turcia, 2 tru Islanda, 2 tru Belarus, 93 tru Grecia, 9 tru Cipru, 2 tru India, 2 tru Ucraina, 8 tru Emiratele Arabe Unite și câte unul tru Argentina, Tunisia, Irlanda, Luxemburg, Malta, Brazilia, Bulgaria, Kazakhstan, Suedia, Republica Congo, Qatar, Vatican, Portugalia și Egipt. Di la truceputul epidimiei di COVID-19 (coronavirus) și până la acest moment, 126 di cetățeni români aflați tru străinătate, 31 tru Italia, 19 tru Franța, 43 tru Marea Britañie, 11 tru Spañia, 14 tru Germañia, 2 tru Belgia, unul tru Suedia, unul tru Elveția, unul tru SUA, unul tru Brazilia, unul tru Republica Congo și unul tru Grecia, au dicedat.

Ditu arada a cetățeañiloru româñi confirmaț cu infecție cu năulu coronavirus, 797 furâ declaraț vindicaț: 677 tru Ghirmânie, 90 tru Gârție, 18 tru Franța, 6 tru Japonia, 2 tru Indonezia, 2 tru Namibia, unu tru Luxemburg și unu tru Tunisia.

Autoru:Mariana Chiriţă

Armânipsearea: Tașcu Lala