Moţiuni di cenzură contra a guvernului

Parlamentul di Bucureşti u adopta moţiunea di cenzură dipusă di coaliţia majoritară PSD — ALDI contra a cabinetlui işiş, cumandusitu di dizidentul social-democrat Sorin Grindianu, una premieră tru istoria postcomunistă ali Românie. A aistui şi a alantor doi aribeli dit executiv la cafta giueapi si fura catugursit tra imaturitatea şi iresponsabilitatea politică, dimec că akicasira tra s-guverneadza tru numa personala, aca la si avea loata andrupamintul politic. Moţiunea fu goala cearei constituţională tru mâna a PSD şi ALDI, tru condiţiile tru cari, armas fără andrupamintu şi fără marea majoritati a miniştrilor, deapoa exclus dit partid, Sorin Grindianu nu vru tra s-da dimisia. Tru apărarea a lui, aestu declara, tru Parlamentu, că nu akicaseasti ca te PSD vru tra sa-lu surpa executivlu işiş tru un moment tru cari guvernarea lucra ghini, lucru spus di statistitli economiti, şi feati timbihi că adoptarea a moţiunil’ei echivaleadză cu işearea a partidlui di la guvernari, cate va s-agiuga s-tană di prezidentul Klaus Iohannis. Tru apandisi, şeflu a PSD, Liviu Dragnea, spusi că guvernul şi primlu ministru nu performara şi că votlu tra moţiuni nsimneadză continuarea a guvernării PSD — ALDI aşi cum vrura român’il’i la legislativele dit andreu anul tricut.

Ştefan Stoica, 21.06.2017, 18:56

Parlamentul di Bucureşti u adopta moţiunea di cenzură dipusă di coaliţia majoritară PSD — ALDI contra a cabinetlui işiş, cumandusitu di dizidentul social-democrat Sorin Grindianu, una premieră tru istoria postcomunistă ali Românie. A aistui şi a alantor doi aribeli dit executiv la cafta giueapi si fura catugursit tra imaturitatea şi iresponsabilitatea politică, dimec că akicasira tra s-guverneadza tru numa personala, aca la si avea loata andrupamintul politic. Moţiunea fu goala cearei constituţională tru mâna a PSD şi ALDI, tru condiţiile tru cari, armas fără andrupamintu şi fără marea majoritati a miniştrilor, deapoa exclus dit partid, Sorin Grindianu nu vru tra s-da dimisia. Tru apărarea a lui, aestu declara, tru Parlamentu, că nu akicaseasti ca te PSD vru tra sa-lu surpa executivlu işiş tru un moment tru cari guvernarea lucra ghini, lucru spus di statistitli economiti, şi feati timbihi că adoptarea a moţiunil’ei echivaleadză cu işearea a partidlui di la guvernari, cate va s-agiuga s-tană di prezidentul Klaus Iohannis. Tru apandisi, şeflu a PSD, Liviu Dragnea, spusi că guvernul şi primlu ministru nu performara şi că votlu tra moţiuni nsimneadză continuarea a guvernării PSD — ALDI aşi cum vrura român’il’i la legislativele dit andreu anul tricut.

Adutem aminti că te cavgalu dit coaliţie ahurhi cu evaluarea a lucurlui faptu di cabinetlu Grindeanu, făptă tu giumitatea di an di la instalare. Una evaluare dit cari işi tru videala că ari restanţe mari ti bagarea tru lucru a programlui guvernamental. Sorin Grindeanu nu apruke evaluarea ca nitimil’iusită şi pi evaluator — un fostu ministru di finanţi cercetat tra greali fapti di corupţie -, ca un fara pistipseari. Grindeanu şi fronda a lui la adresa al Dragnea easti surpriza politică a veral’i. Tru aparenţă soldat ti apandaseasti la cumandul a partidlui şi a liderlui tru funcţie, Grindeanu spusi un curayiu ti varnu nu minduia sa-lu aiba. El cutugursis stilu autoritaristu al Dragnea şi al’i cafta demisia, ca una precondiţie demisiil’ei a lui dit caplu a guvernului. Nascanta observatori suntu cu minduearea că debarcaria al Grindeanu ari ca thimel’iu real amanarea a nomurlor ali justiţie şi a atilor penale, a cur habiiseari va-l’i agiuta al Dragnea tru dosarlu tru cari easti giudicat tra instigari la abuz tru lucru.

Revolta al Grindeanu şi reacţia a cumandusearil’ei la ea, una moţiune contra a guvernului ishish, nu pot s-armâna fără zn’ie tru PSD. Electoratlu a lui fidel, ama şi ma nail’i susţinători, atel’i cari al’I deadira izini s-amintă detaşat legislativele dit andreu, va s-baga ntribarea ti s-feati cu forţa şi coeziunea a partidlui tru masi 6 mesi, perioadă tru cari atel’I cari amendara acţiunile a cabinetlui şi ali coaliţie guvernamentala fura, tru absenţa a unei opoziţii parlamentara vartoasa, prezidentil’ea şi geadeia. Tra România, votlu di n’iercuri lipseasti să nsimneadza prota jgl’ioata ti ndridzearea a crizal’ei polititi. Prezidentul Iohannis deadi asiguripseri că, cu tuti aesti, România easti una vasilie stabilă, tra atea că ari una situaţie economică multu bună şi easti vidzută ca un partener di pistipseari.

Autor: Ştefan Stoica

Armanipsearea: Tascu Lala