Mintituri la scarâ di ndzeanâ
Tru aţel’i 10 di an’i di mandat prezidenţial, a cure bitisitâ si aproache, preşedintile Traian Băsescu fu, di multi ori, tru situaţii greale. Hibâ şi cara inventarulu a luştor poate sâ si spunâ cu aţeale dauă suspendări din funcţie, di-tru care a daua fu urmată di un multu mare vot pro-demitere – nivalidat, ama, din cauza a prezenţâl’ei insuficientâ la urne – easte suficientu trâ-a dare misura a unui decheniu di turbulenţe politiţe, tru care personajulu principal fu aproapea dipriunâ şefulu a statului. Ţi easte diferit amuşi easte faptul că goada, extrem di greauâ, nu vine di la adversaril’i tradiţional’i, ţi di la propriul frate, Mircea Băsescu, arestat şi cercetat trâ trafic di influenţă. Procuroril’i anticorupţie îl acuză pi aestu că s-aibâ aprucheatâ 250 di m’il’e di euro trâ promisiunea că va determinâ unâ sentinţă favorabilă tru procesulu tru care un cunoscut interlop fu condamnat trâ tentativă di vâtâmare.
Ştefan Stoica, 24.06.2014, 22:20
Preşedintile negǎ, dzâse categoric că nu are intervenitâ tru niţe unâ turlie tru aestu proces, probâ că interlopulu faţe an’i grei di încl’isoare. El respinse fermu şi ideea că prionde să platească trâ faptile a altei persoanâ, hibâ ea şi frate. Reacţia surveni după ţi preşedintile a Senatului feaţe hâbare că va propunâ a Parlamentului adoptarea a unei declaraţie tru care a preşedintelui să-l’i si caftâ demisia. Traian Băsescu pare apofǎsit să-şi ducă pânâ di bunâ bitisitâ mandatulu şi, uidisit cu zboarâle a lui, misiunea trâ consolidare justiţia. Alternativa, avertizeadză Traian Băsescu, va hibâ aţea ca Dan Voiculescu, omulu di afaceri cu care easte într-un conflictu chiola clasic şi care easte implicat tru ndauâ procese, să instaleadzâ tru frâmtea a statului un preşedinte marionetă, care să facă numirile di procurori şi di giudicători pi care şi li minduiaşte. Înţâcl’iat, ama nu azvimtu, Traian Băsescu contraatacă şi dzâţe cǎ nu au credibilitatea şi niţe cădearea morală tra sâ-l giudicâ nişte alepţâ care tru ahântea cazurii au refuzatâ câftarea a Direcţil’ei Naţionalâ Anticorupţie di anchetare parlamentari.
Pi di altă parte, preşedintile declarǎ că nu avu niţiunâ turlie di informaţii di la structurile specializate dispre ligăturile toxiţe anamisa di frati(le) său şi respectivulu interlop. Unâ declaraţie surprinzătoare, di aform’ia că permite speculaţii mutrinda relaţiile, vârâoarâ excelente, dintre serviciile di informaţii şi preşedintile aflat la bitisitâ di mandat. Cu mai puţân di giumitate di an naintea a alidzerilor prezidenţiale, schena publică si leagânâ periculos sum tropatulu a politician’ilor intraţ deja tru excitaţie electorală. Scandalul provocat di arestarea a fratelui îl’i faţe ma slabâ a preşedintelui poziţia şi fuvisreaşte, tutunâoarâ, să-l excludă di la negocierile ţi si fac trâ unificarea a dreaptâl’ei şi aflarea a a unei soluţie di contracarare a dominaţil’ei a stângâl’ei.
