Mesajlu di Anlu Nau a Prezidentului Klaus Iohannis
La ziya anamisa di an’i, prezidentul ali Românie, Klaus Iohannis, pitricu tradiţionalu mesaj a român’ilor di iutido. El la ura, a tutulor, un 2016 haracop, avut si cu ambareata si cama cu hairi tru nadii. Caplu a statlui spusi, tru mesajlu a lui, că anlu 2015 fu un an di ziya, ama şi un an ti amintarea diznau a normalitatil’ei tru societatea românească.
Valentin Țigău, 01.01.2016, 19:02
La ziya anamisa di an’i, prezidentul ali Românie, Klaus Iohannis, pitricu tradiţionalu mesaj a român’ilor di iutido. El la ura, a tutulor, un 2016 haracop, avut si cu ambareata si cama cu hairi tru nadii. Caplu a statlui spusi, tru mesajlu a lui, că anlu 2015 fu un an di ziya, ama şi un an ti amintarea diznau a normalitatil’ei tru societatea românească.
Ia ti spusi tru zborlu a lui Klaus Iohannis: Tra noi tuţ, anlu ama ti s-bitiseasti fu un an ndilicat, cu mari chindinu, cu momente di agiuzeari pi ziya şi apofasi greali, ama ti fura ananghisiti.
2015 fu, ama, şi anlu ti amintarea napoi a normalitatil’ei, anlu tru cari fura bagati thimeal’ili a unei reconstrucţii ahandusita pi nivelu societatil’ei româneşti.
Cu nadie, curayiu şi apufuseari, român’il’i spusira ahtea ca iti cheadica poati s-hiba nastricuta.
Tru mesajlu pitricut cu furn’ia a treatiril’ei tru naulu an, prezidentul Klaus Iohannis şi spusi pistipsearea că, tru 2016, alaxerli ti ma bun va s-acata loc şi-l’i candasi român’il’ s-ufilisească oportunităţli cari s-agiuta vasilia ti progres.
Klaus Iohannis: Ază, cându yiurtusim treatirea tru naulu an, vă or, a tutulor, un 2016 haracop, avut tru nchirdaseari şi cu ma multi nadii. Mutrescu cu pistusini cata 2016. Voi ca alaxerli ti ma bun s-acata loc şi vartuseami. Masi di noi tani cum s-ufilisimu oportunităţli ti ies tu migdani ta s-niintam şi s-adram dit România vasilia ti u vrem asi cum na bagam tu minti. Ti Mulţal’i An’i, vrut român’i, di iuţido !
Apridutearea: Tascu Lala
