Ma mulță păradz tră Sănătati
Tră s’agiută sistemlu sanitar greu zñiipsitu di pandemia di Covid-19, guvernul interimar di București suplimentă, ñiercuri, bugetlu a Ministerului Sănătatillei ditu fondul di rezervă, cu 332,5 miliuñi di lei. Cu aceşti păradz va s’ahibă ancupărati năi doze di yitriee anti-COVID-19 şi va s’hibă finanţate programili naţionale di sănătate. Easti zborlu ti ancupărarea di vaccin antigripal, vaccin anti-HPV și vaccin hexavalent, tră imunizarea a cilimeañiloru tru primlu anu di bană. Tu ţi mutreaşti tratamentul a pacienților infectaț cu năulu coronavirus, ministrul interimar di resort, Cseke Attila, cundille că tru aestă oară, România are duri doze di Remdisivir, ama va s’hibă ancupărati flacoane năi.
Daniela Budu, 12.11.2021, 19:43
Cseke Attila: “Easti zborlu ti 70.000 di năi flacoane di Remdisivir. Fac specificarea că adză avem tru stoc duri doze ditu aest yitrie tră yintoarili stămâni, ama vremu, di cu kiro, s,asiguripsimu continuitatea a tratamentului tru spitalele ditu România. Va s’nkisimu dimersurile di achiziţie publică tră aestă yitrie”.
Tutunăoară, uidisitu cu oficialu, una parte ditu paradz va s’hibă ufilisită tra s’crească nuirlu a tichetelor di masă cari sunt date ti persoanili cari s’imunizeadză cu schema completă anti-SARS-CoV-2. Aestă suplimentare s’adavgă atiloru dauă suplimentări a bugetluui Ministerului Sănătatillei ditu bitisita-a meslui yismăciuni, ditu cari s-ancupărară yitrie destinati a pacienţilor infectaţi cu năulu coronavirus şi tră asigurarea finanţarillei Programlui di terapie intensivă. Tru meslu sumedru, nica eara ahărdziţ păradz ditu Fondul di rezervă al Guvernului tră ancupărari seruri anănghisiti tru Programlu naţional di vaccinare.
Easti, dimecu, di domeniul evidenţăllei că sistemul di sănătate românesc easti greu zñiipsitu di numirlu mare di cazuri greali di Covid şi di supraaglomeararea a spitalilor! Simptomaticţie sunt tamamu incendiile cari s’ţănu, canda şingiru tru unităţi sanitare ditu tută văsilia. Aţelu ditu soni s’feaţi gioi tahina Ploiești, tru una unitate medicală ţi yitripseasti pacienți Covid. Foclu plăscăni tru Secţia di lăngori infecţioase a Spitalului Judeţeanu, iu eara internaț 20 pacienţ. Doi lăndzidz muriră carbonizaţi, iara una infirmieră avu arsuri.
Incidentulu s’fatî la ma ptănu di unu mesu şi giumitati di la incendiul di la Spitalul di Lăngir Infecțioase Constanța, tru cari muriră 7 paciență. Easti, tutunăoară, a patra traghedie tru ma puțăn di un an, după incendiile di Piatra Neamț (nord-est), iu fură 10 morță și di la Institutlu “Matei Balș” ditu Capitală, tru cari muriră 4 persoane. Ma multu, tru anlu ditu soni, s’feaţiră şi alti incendii tru spitalili ditu văsilie cari putea s’ducă la tragedii. Tru apriiiuru, trei paciență muriră tru unitatea mobilă ATI di la spitalu Victor Babeș” ditu București, după ţi instalația di oxigen s’asparsi.
Autoru: Daniela Budu
Armânipsearea: Taşcu Lala
