Lucri apreasi tru sutata di guvernamantu
Actuala puteari pi dauâ hromi di Bucureşti pari s-calcâ pi torlu a tuturor alianţilor, sutatilor, cartelilor cari guvernarâ România post-comunistă. Idyalui cata cum Convenţia Democrată, tu kirolu 1996-2000, ică Alianţa Ndriptati şi Aver, tru 2004-2008, Uniunea Social-Liberală eara ti niminari, icâ ampârtari tru opoziţie şi ahurhi, să slâgheascâ la puteari. Asociate tru premieră sum idyea siglă, PSD şi PNL amintarâ legislativili di aoa şi un an cu un scor ţi u chiseadzâ, di 70 di proţenti. Furâ plebiscitati, practic, pi fondul a nivrearil’ei tut ma mari a electoratlui andicra di prezidentul Traian Băsescu şi partidlu di atumtea a aiştui, PDL.
Bogdan Matei, 17.12.2013, 13:53
Cum tru opoziţie, nafoara a democrat-liberalilor, armasirâ maşi mult discreta UDMR şi populistul PPDD, pi care niti alegătorl’i a lor işiş nu para lu acaţâ tru isapi, USL preyine monotonia inventândalui opoziţia internă işiş. Luni, premierlu suţial-democrat Victor Ponta s-duki borgi să spunâ că USL lipseaşti s-armână deadun, tra ş-bagâ tru practico scupadzl’i tră cari amintarâ voturi. Declaraţia yini dupu ampulisearea vrtoasâ nica şi cu stipseri un alantu ti arâdeari, cu prezidentul liberal al Senatului, Crin Antonescu. Aţel’i doi lideri USL s-contradzâc tru declaraţii pe tema a proiectului legislativ mutridalui amnistierea şi graţierea a nâscântor pideapse. După ţi societatea civilă nu u apruche apofasea, Ponta spune că, acă, tora, tru public, nu easti simfun cu amnistia, Antonescu canda l’iari cftatâ dinâpoia a pirdelui câ guvernul s-adoptâ proiectul prit ordonanţă di ananghi. Victor Ponta:
Am spus, evident, că nu dau ordonanţă de urgenţă pe aşa ceva, dar n-ar fi prima dată când dl Antonescu spune una colegilor săi, alta nouă şi alta presei. Ne-am obişnuit.”
Tu arada a lui, Antonescu faţi timbihi că ma s-hibâ di alâxerli di aguderi va s-ducâ ma largu tru idyiul registru, ari piricl’iul ti ampârtarea a alianţâl’ei. Crin Antonescu:
Ahât chiro cât bâgă besă şi pi unâ ligâturâ personală multu bună, ligâturâ personală cari ţâni tut di politică, nu di altuţiva, USL avu un bun iknaticu. Azâ numata him tru aestă situaţie, ama am umutea că va s-poatâ s-aflâ resursele tra s-ducâ ma largu.”
Analiştii lugursescu naua niachicâseri unâ naua niachicâseari anamisa di aliaţ ahurhita a ampârtaril’ei dit 2014, an electoral. Tu primveară, la europarlamentare, PSD şi PNL, afiliate la familii ideologice continentale ahoryea, va s-candideadzâ pi liste ahoryea. Tru bitisita a anlui suntu programate prezidenţialele, di daima, tru România, alidzerli cu nai cama marea miză politică. Acâ Antonescu easti candidatul oficial ali USL la preşedinţie, puţâ lumi pistipseaşti că PSD, prota avyiulie ali coaliţie, va s-tragâ mânâ ti ndreptul la un prezidenţiabil işiş. Maxus că, tru sondaje, acâ niţi barim nu easti candidat oficial, Ponta easti, tru aestâ oarâ, nai cama ghini tru isapi.
Armanipsearea: Tascu Lala
