Omlu a Anlui 2019 la Radio România Internaţional

Vruţ soţ, Radio România Internaţional u duţi ninti tradiţionala a lui anchetã di opinie anamisa di ascultători şi ufilisitorl’i di Internet nica şi tru şingiril suţiali şi vă greaşti la un nău exerciţiu, avem nădia că easti di mari sinferu.

Eugen Cojocariu, 16.11.2019, 16:41

Vruţ soţ, Radio România Internaţional u duţi ninti tradiţionala a lui anchetã di opinie anamisa di ascultători şi ufilisitorl’i di Internet nica şi tru şingiril suţiali şi vă greaşti la un nău exerciţiu, avem nădia că easti di mari sinferu.

Vă grim s’apufusiţ cari di personalităţli a dzuualei di ază alăsară toru nai cama multu, tu noima ti bună s’hibă/ atsea pozitivă, tru lumi, tru anulu 2019. Nă ndridzemu s’li alidzemu, pi thimel’ilu a vrerlor a voastri ngrăpsiti, “Omlu a anlui 2019 la Radio România Internaţional”. Cari poati s’hibă aestă ili aestu şi, ma ahoryea, că ţe? Va s’hibă un om politic, un lideru di opinie, un om di emburlăki, un mari sportivu, un artistu avdzâtu, cu anami, un om di ştiinţă i vără om nicunuscut a marlui public, ama cu un părmithu exemplaru ? Apandiseaa easti a dumnil’iloru a voasti, cum easti arada !

Aştiptãm pripunirli a dumnil’ilor a voastri, ama şi di ţi ispeti/ furn’ie, cât cami ntrăoară, ndreptu pi site, la www.rri.ro, ica pi adresili personali (lala_tascu@yahoo.com ) ; ( toma_enache@yahoo.com ) şi s’pitriţeţ un comentariu la articol, pritu e-mail la arom@rri.ro , pi profilurli a noastri di Facebook, Twitter şi LinkedIn sum turlie di comentariu, pi WhatsApp, la +40744312650, prit fax la 00.4021.319.05.62 ică prit poştă, la adresa ţi vă easti cunuscută, Radio România Internaţional, calea General Berthelot nr. 60-64, sectorlu 1, cod 010165 (PO Box 111), Bucureşti, România.

Aduţem aminti că “Omlu a Anlui 2018 la Radio România Internaţional” agiumsi, pi thimel’ilu a pripunirlor a dumnil’iloru a voastri, canţelarlu ghirman Angela Merkel. “Omlu a Anului 2017 la RRI” fu aleaptă marea agiucătoari română di tenis, di fară arămănească Simona Halep, ţi ma ninti eara numirlu 1 mondial, a deapoa “Omlu a Anului 2016 la RRI” fu aleptu prezidentulu american Donald Trump.

Va s’dimăndămu/ hăbărisimu cari easti “Omlu a anului 2019 la Radio România InternaţionaI” tru emisiun’ile a noastri, ama şi tru mediul online, n’iercuri, 1 di yinaru 2020.

Autor: Eugen Cojocariu

Armânipsirea: Taşcu Lala