Mesajlu a prezidentâllei ali CE, Ursula von der Leyen, anda s-ancllidu 35 di añi di la Ribilipsirea Româneascâ
Prezidenta ali Comisie Europeanâ, Ursula von der Leyen, pitricu un mesaj cu furnia a âncllidearillei a 35 di añi di la Ribilipsirea/Ximutarea Româneascâ.
Tașcu Lala, 24.12.2024, 06:25
35 di añi di la Ribilipsirea/Ximutarea Româneascâ furâ yiurtusiț di prezidenta ali Comisie Europeanâ (CE), Ursula von der Leyen.
„Aoa și 35 di añi, româñilli mutarâ caplul ti ndreptul ta sâ-și aleagâ mira. Mulţâ ş-deadirâ bana ta s-hibâ libiri fciorilli a loru și s-bâneadzâ tu democraţie”, anyrâpsi șefa a executivlui di Bruxelles, dumânicâ, pi singirlu di soțializari X.
Adzâ, 22 di andreu, cundille Ursula von der Leyen, România ş-Europa thimisescu curbanea a româñilor, ți u adrarâ aoa și 35 di añi.
Prezidenta ali CE ş-bitisi mesajlu scriindalui că „Adzâ, România și Europa ş-aducu aminti di curbanea a lor”.
Autor: Mariana Chiriță
Apriduțearea: Mirela Biolan
mesaj, ximutari, Ursula von der Leyen
