Liviu Dragnea, 3 an’i ș-giumitati di hăpsani cu executari
Analta Curti di Casaţie şi Justiţie âlu condamnă, luni, prezidentul PSD, Liviu Dragnea, la 3 an’i şi 6 meşi di hâpsani cu executari tră instigari la abuz tru lucru ti dosarlu a angajărlor fictivi di la DGASPC Teleorman.
Lica Manolache, 28.05.2019, 10:16
Analta Curti di Casaţie şi Justiţie âlu condamnă, luni, prezidentul PSD, Liviu Dragnea, la 3 an’i şi 6 meşi di hâpsani cu executari tră instigari la abuz tru lucru ti dosarlu a angajărlor fictivi di la DGASPC Teleorman.
Easte a daua condamnare definitivă tră liderlu PSD, după aţea tru cari lo doi an’i di hăpsani cu suspendari tru dosarlu Referendumul.
Tru idyiul dosar, giudicătorl’ii nica apufusiră condamnarea ali Olguţa Şefu la un an di hăpsani cu suspendari ti fals intelectual şi achitarea tră abuz tru lucru, achitarea ali Valentina Marica ti abuz tru lucru, condamnarea al Constantin Balaban tră un an cu suspendare ti fals intelectual şi achitarea ti abuz tru lucru, condamnarea al Gheorge Nicuşor la 3 meşi cu suspendari tră fals intelectual şi achitarea ti abuz tru lucru, condamnarea ali Adriana Botorogeanu la doi an’i di hăpsani cu suspendari, condamnarea ali Rodica Miloş la 3 an’i cu suspendari, condamnarea al Ionel Marineci la 3 an’i cu suspendari.
Ațea di ma ninti nicuchiră al Liviu Dragnea, Bombonica Prodan fu achitată ti abuz tru lucru după ţi giudicătrorl’i apufusiră dănăsearea a proceslui penal.
Autor: Udalu a habarlor
Armânipsearea: Tascu Lala
