Klaus Iohannis: “Dit 15 di maiu intrăm tru Catastisea di Ascumbuseari
Tașcu Lala, 05.05.2020, 10:27
Prezidentulu Klaus Iohannis apufusi că după 15 di mai numata va s’lundzeascâ vadelu ti Catastisea di Ananghi, ama ea va s’hibâ alâxitâ cu Catastisea di Ascumbuseari/ Alertă, ta s’poatâ s’li țânâ tu practico niscânti ditu restricții.
Acși, va s-aibâ izini ti urdinarea tru localitati, ama nu cu declarația pi a lui giueapi, va s’dișcllidâ cabinetili stomatologhiți și saloanili di cosmetică și isnafea birberloru. Tutu ditu 15 di maiu va s’hibâ dișcllisi muzeele ama cu tiñisearea’a meatriloru di astiptari cu aradâ/ distanțari, cu prusupidzli/ măștili și mănușili.
“Ari izini, s’ducâ, ti paradigmâ la huzmeti, ti problemi medicali, ari câbilea ta s’iasâ si trâ sportulu individualu, cu bițicleta“, nica spusi Klaus Iohannis. Caplu a statlui nâpoi adusi aminti că nu s-da izini (armâni tu practico interdicția) ti urdinari tu parei ma mari di 3 inși.
Meatrili di arihâtipseari-hâbiniseari nu s’bagâ tu practico tu localitățli ți suntu tru carantină. Ași spusa hâbiniseari va s’facâ cu preayalea, la unâ vahti di kliro di dauă stâmâñi. Yinitoarea câlupi di hâbiniseari va s’hibâ ditu 1 di cirișaru.
Tu bitisita-a declarațiilor, Klaus Iohannis nâpoi adusi aminti ti lucârlu ți eara zburâtu stâmâna ți tricu, dimi trâ autonomia-a Locârloru/ Ținutlu Secuiescu.
“Spushu atumtsea nâscânti zboarâ și am nâdia cu mi akicâsitu. Io nu am vârâ problemâ cu bânâtorlli a miletillei maghiară. Problema ți u amu easti atea cu politicieañilli, maxus cu atelli ditu PSD cari, ca ti ciudie, cilâstâsirâ s’promoveadzâ unâ leghislație ți mutreaști autonomia a Ținutlui Secuiescu. Easti un lucru ți nâ nvirinâ. Minduirâ s’ascapâ vârâ turlie, și dusirâ nomlu tru Senat iu u surparâ. Yinu spuneri câ nu fu mași aestâ luyurie goalâ. Tru Senat tricu un codu administrativu paralelu, a UDMR. Aestu codu pruveadi obligativitatea-a limbâllei maghiarâ tru nâscânti locâri ditu Ardeal. Aestâ aradâ PSD nu poati să spună că nu ștea. (…) Easti niconstituțional, nu va sâ strâxescu unu ahatari lucru”, declară Iohannis.
Armânipsearea: Tașcu Lala
