HÂBĂRLI ti CARUNA-19 : 2.880 di năi cazuri tru România

Tașcu Lala, 12.10.2020, 07:20

Cu furńia-a testilor ți eara adrati pi livelu național, andicra di ațea ditu soni isapi dimândatâ, furâ spusi 2.880 di cazuri năi ti oamińilli infectaț cu CARUNA-19/ COVID-19, aestea hiinda cazuri cari numata avurâ ma nâinti un testu pozitivu. Ampârțarea pi giudeți a cazurlor tutu cu tutu/ per totalu și a ațiloru năi va u videț tu tifterea/ tetradiulu / catastihlu/ tabelu di ma nghiosu.

Până tu dzuua di 11 di sumedru, tu România, furâ spusi 155.283 di cazuri di oamińi infectaț cu năulu coronavirus. 117.942 di paciențâ furâ spuși vindicaț.

Giudețili tru cari coeficientul a infectărloru adunati tu 14 di dzâli, raportati la 1.000 di bânâtori, treați praglu di 1,5 suntu aestea:

București — 2,52

Alba — 2,26

Vâlcea -2,16

Iași — 1,97

Bacău — 1,89

Neamț — 1,86

Teleorman — 1,73

Sălaj — 1,79

Sibiu — 1,66

Caraș-Severin — 1,64

Cluj — 1,62

Brașov — 1,52

Timiș — 1,52

Ahoryea di cazurli năi dimândati, dupu testarea diznău a paciențăloru cari eara spuși ma ninti pozitivi, 431 di oamińi, nâpoi furâ spuși pozitiv.

Tru vahtea di kiro 10.10.2020 (10:00) — 11.10.2020 (10:00) furâ dimândaț 53 di morțâ (26 bărbaț și 27 mulleri), a nâscântoru paciențâ infectaț cu năulu coronavirus, internaț tru spitalili di Alba, Arad, Bacău, Bihor, Bistrița-Năsăud, Botoșańi, Caraș-Severin, Constanța, Dâmbovița, Dolj, Giurgiu, Harghita, Hunedoara, Iași, Maramureș, Mureș, Olt, Prahova, Sibiu, Teleorman și Municipiul București.

Ditu aeștâ, 1 mortu fu nregistratu tu comata di ilikie 0-9 ańi, 1 mortu pi ilikia di 20-29 di ańi, 1 mortu pi ilkia di 40-49 di ańi, 4 morțâ pi ilikia di 50-59 di ańi, 11 di morțâ pi ilikia di 60-69 ańi, 20 morțâ pi ilikia di 70-79 ańi și 15 di morțâ pi ilikia di 80 di ańi ș’cama.

51 di mosrțâlli nreghistraț suntu a nâscântoru paciențâ cari avea alti lângori/ comorbidităț, a deapoa 2 paciențâ ți murirâ nu avea vârâ lângoari/ comorbiditati.

Până tu aestu kiro, 5.411 di oamińi diagnosticaț cu infecția COVID-19 murirâ.

Tru unitățli sanitari di profilu, tutu cu tutu, numirlu di oamińi internaț cu COVID-19 easti di 9.112. Ditu aeșțâ, 628 suntu internaț la ATI.

Până tora, pi livelu naționalu, furâ prilucrati 2.672.537 di testi. Ditu aestea, 15.709 eara adrati tu 24-li sâhăț dit soni, 9.160 tru baza-a definițiillei di cazu și a protocolui medical și 6.549 cu câftarea.

Tu România, 13.894 di oamińi confirmaț cu infecția năului coronavirus suntu tru izolari tu casili a loru, a deapoa 8.608 di oamińi suntu tu izolari instituționalizată. Tutunâoarâ, 29.536 di oamińi suntu tu carantină la domiciliu, iara tru carantină instituționalizată suntu 9 inși.

Tru 24 sâhăț ditu soni, eara nreghistrati 1.574 di apeluri la numirlu unic di ananghi 112.

Di itia câ nu eara tińisitu Nomlu cu nr. 55 ditu 15.05.2020 tu ligâturâ cu nâscânti apofasi ti prevenirea și combâtearea efectili a pandemiillei cu CARUNA-19, polițișțâlli și jandarmilli deadirâ, tru aesti ditu soni 24 di sâhăț 5.249 di sancţiuni contravenţionali, ți au tińiia di 846.278 di lei. Tutunâoarâ, prin structurli abilitati ali Poliție, eara constatati, aseara, 4 infracțiuńi ti nkidicarea alumtâllei / combâtearea-a lângorloru, faptă pruvizută și pidipsită di art. 352 Cod Penal.

Tru atea ți mutreaști hala-a cetățeańilor români ți suntu tu alti stati, 6.812 di cetățeańi româńi eara spuși/ confirmaț câ suntu infectaț cu CARUNA-19: 1.917 tru Italia, 1.253 tru Spania, 124 tru Franța, 2.999 tru Ghirmânie, 159 tru Marea Britańie, 36 tru Ungaria, 28 tru Olanda, 2 tru Namibia, 4 tru SUA, 122 tru Austria, 21 tru Belgia, 6 tru Japonia, 2 tru Indonezia, 8 tru Elveția, 3 tru Turchie, 2 tru Islanda, 2 tru Belarus, 93 tru Gârție, 9 tru Chipru, 2 tru India, 2 tru Ucraina, 7 tru Emiratili Arabi Uniti și câti unu tru Argentina, Tunisia, Irlanda, Luxemburg, Malta, Brazilia, Vârgârie, Kazakhstan, Suedia, Ripublica Congo și Qatar.

Ditu ahurhita-a epidimiillei cu COVID-19 (cârunavirus) și până tu aestâ oarâ, 126 di cetățeańi români ți suntu tu xinâtati, 31 tru Italia, 19 tru Franța, 43 tru Marea Britańie, 11 tru Spania, 14 tru Ghirmânie, 2 tru Belgia, unu tru Suedia, unu tru Elveția, unu tru SUA, unu tru Brazilia, unu tru Ripublica Congo și unul tru Gârție, murirâ.

Ditu arad-a cetățeańiloru româńi confirmaț cu năulu cârunavirus, 797 furâ spuși vindicaț: 677 tru Ghirmânie, 90 tru Gârție, 18 tru Frânție, 6 tru Japonia, 2 tru Indonezia, 2 tru Namibia, unu tru Luxemburg și unu tru Tunisia.

Autoru: Udălu a hâbărloru

Armânipsearea: Tașcu Lala